Die Ekurhuleni-munisipaliteit het die EFF veroordeel omdat hulle onwettige grondbesettings aanmoedig.
Die party het sy steun vir grondgryp bevestig, nadat sy lede probeer het om grond in private besit in Clayville, Tembisa Saterdag te beset.
Tientalle mense het plakkershutte op onbeboude grond opgerig, en met die metropolisie slaags geraak wat probeer het om hul onwettige aktiwiteite stop te sit.
Die grondgrypers beweer dat hulle net “terugneem” wat aan hulle behoort. Baie het gesê hulle volg maar net die EFF se aanbevelings oor grondonteiening sonder vergoeding.
Maar Ekurhuleni-amptenare het in kommentaar gesê die EFF is onverantwoordelik.
Ekurhuleni se verteenwoordiger vir Menslike Nedersettings, Lesiba Mpya het gesê: “Ek dink die EFF-leierskap het nodig om hul standpunt te hersien want die bestuur van Ekurhuleni is bereid om grond te bekom binne die raamwerke wat dit moontlik maak en dit [die grond] te versprei aan armes. Ons het ‘n pro-aktiewe agenda teen armoede, om as die bestuur van Ekurhuleni, armes te bevoordeel.”
Die standaard vir oorweging van enige grondeis moet skriftelike kaart en transport dokumente van VOOR 1913 , daarsonder moet die eis nie eers oorweeg word nie .
Neem kennis dat ‘n gewone swarte voor 1913 deel was van die stamkaptein se eiendom wat vir dienste aan sy koning aan hom toegeken was en die wet op naturele grond ?? deur die Unie regering die balans venietig het ..