Die Staat het gevra dat die 42-jarige man van Sasolburg, wat aan 37 klagte van kinderverkragting skuldig bevind is, vir sielkundige evaluering gestuur word voor sy vonnisverhoor.
Die man is Woensdag ook skuldig bevind op 18 aanklagte van seksuele aanranding, 541 klagte weens die besit van kinderpornografie, 109 weens verspreiding en 228 weens die vervaardiging van kinderpornografie.
Regter Jack Moloi het in sy uitspraak met die Staat saamgestem dat die man die minderjarige kinders opsetlik verkrag het en dat dit bo redelike twyfel bewys is.
Die hof het die man se eie getuienis verwerp as ongeloofwaardig. Regter Moloi het gesê die man nie ‘n goeie indruk op die hof gelaat nie.
Hy het onsamehangend en ontwykend voorgekom het Moloi gesê.
“Ek stem saam met die Staat dat die beskuldigde die hof so dom ag dat hy gereken het hy kan enigiets sê en daarmee wegkom.”
Die saak volg nadat die Australiese polisie, deur Interpol, hul Suid-Afrikaanse kollegas oor die man se internetbedrywighede ingelig het.
Ná die uitspraak het die Staat die hof ingelig dat hulle die man vir sielkundige evaluering wil stuur voor vonnisverrigtinge.
Die saak is tot 1 November uitgestel.
Sielkundig geëvalueer word? Sy goeters pla hom – sny dit af so 2cm onder die adamsappel
waarvoor? n mens probeer nie a hondsdolhond medies behandel nie; jy skiet hom dood en verlig sy pyn.
Verskriklike liefdevolle Christene wat sulke kommentaar lewer. Haal eers die balk uit jou eie oog voordat jy die splinter uit jou buurman/ vyand se oog wil haal. : Yahushua/Jesus se woorde, nie myne nie.