Volgens die jongste syfers is 20 mense beseer toe ‘n tornado die swart lokasie Tembisa, noordoos van Johannesburg, getref het (sien foto’s en video hier onder). Die Oos-Randse metro, Ekurhuleni, het ‘n hele noodoperasie aangekondig en daar gaan aan minstens 400 dakloses hulp verskaf word.
Sommige beserings is veroorsaak toe die dak van ‘n winkelsentrum, die Phumulani Mall, ineengestort het. Reddingswerkers moes 11 mense uit die puin red.
Ook die plaaslike hospitaal, die enigste openbare hospitaal in die hele omgewing, is deur die werwelstorm beskadig. ‘n Deel van die dak het meegegee en bome is ontwortel, volgens ‘n woordvoerder van die hospitaal, Steve Mabona.
Die 20 beseerdes is vanaf die winkelsentrum na die hospitaal gebring, waar die werwelstorm ook die heining, motorafdakke en 20 voertuie beskadig het.
“Gelukkig is geen pasiënt of werknemer beseer as gevolg daarvan nie,” sê Mabona. “Die hospitaal kyk reeds na die mense wat beseer is toe die Phumlani Mall in Tembisa verwoes is, en omtrent 20 mense is na die hospitaal oorgeplaas.”
‘n Hewige haelstorm het ook tydens die tornado gewoed.
Ek verstaan dat al die toestande in ZA – veral die Vrystaatse vlaktes en die Hoëveld ideale omgewings vir werwelstorms (wat ‘n mooi woord) is en dat dit vreemd is dat ons nie meer daarvan kry nie. Is daar enige kenners wat hierdie kan bevestig of van die teendeel weet?
Stem saam … werwelstorms is inderdaad ‘n mooi woord!
” … die Phumlani Mall in Tembis verwoes … ” – Tembisa?