Welkom se polisie het ‘n groot hoeveelheid voedselpakkette en sigarette ter waarde van sowat R500 000 wat bestem is vir onwettige mynwerkers wat ondergronds werk in beslag geneem, het die Vrystaatse polisie Saterdag gesê.
Katlego Sekuriteit se beamptes wat die St Helena-myn se perseel in Welkom oppas, het Saterdagoggend vroeg ‘n wit bakkie opgemerk wat mense aflaai.
Die bakkie het weggery en ‘n kort rukkie later het ‘n groot wit vragmotor aangekom en geparkeer langs die St Helena-myn se Skag 10, ‘n ventilasieskag.
Netjies verpakte kos vir die onwettige mynwerkers ondergronds is met die vragmotor vervoer.
Die bestuurder het te voet gevlug en verdwyn in die donker nadat hy opgemerk is deur die sekuriteitsbeamptes.
Die kospakkies is meestal gemerk vir ‘n “Themba Kaba”.
Welkom se polisiebeamptes is na die toneel ontbied en die pakkette is gekonfiskeer.
Die pakkette bevat, onder andere, pakkies grondboontjies, 500ml bottels Coca-Cola en Stoney-gemmerbier, 1kg pakkies mieliepap, aarbeiroomkoekies, Bull Brand se gepekelde vleis, en sigarette, met ‘n straatwaarde van sowat R500 000.
Die volgende wat ons hiervan gaan hoor is hoe die onwettige myners se menseregte aangetas is met die konfiskering van kul kos.
“Themba Kaba” gaan baie onpopuler wees met n klomp honger en dors manne….
http://www.419eater.com/html/SkeletonCoast/safari2.html
awesome, had me chuckling for quite a while…