praag.co.za

Trump stel sy besoek aan Israel af

Written by

praag

in

,

Die handskoene is af in die stryd tussen ‘n Amerikaanse presidentskandidaat en Israel.

Politici in Israel het Woensdag hul regering gevra om Donald Trump, voorloper in die Republikeinse Party se benoemingstryd vir 2016 se presidentsverkiesing, die land te verbied.

“Ek beveel aan dat teen terroriste en ekstremistiese Islam geveg word, maar ek sou nie ’n boikot van, verwerping van of oorlog teen Moslems in die algemeen verklaar nie,” het Yuval Steinitz, minister van energie, aan Army Radio in Israel gesê.

Benyamin Netanyahu, Israeliese premier, het ook Trump se opmerkings dat Moslems verbied moet word om na die VSA te reis, in ’n verklaring skerp veroordeel.

“Israel respekteer alle gelowe en beskerm die regte van sy burgers met ywer,” het hy gesê.

Trump het intussen getwiet dat hy eers besoek sal bring aan Israel nadat hy tot Amerikaanse president verkies is. Na wat berig word het Trump beplan om die Tempelberg te besoek.

Trump se voorneme om Israel te besoek het konsternasie by Joodse leiers veroorsaak wat in ‘n felle stryd teen Palestyne gewikkel is en daarvan beskuldig word dat hulle onverpoos ‘n ongenaakbare veldtog teen Arabiese Moslems, ook vroue en kinders, voer.

Trump se anti-Moslemuitsprake het hom intussen ’n eredoktorsgraad van ’n Skotse universiteit gekos.

Die Robert Gordon University in Aberdeen, Skotland, het ’n eredoktorsgraad wat in 2010 aan Trump toegeken was, teruggetrek.

Die universiteit het getwiet Trump se stelling is “totaal in stryd met die etos en waardes van die universiteit”.

Die Landmark-groep, een van die grootste kleinhandelmaatskappye in die Midde-Ooste, gaan glo alle “Trump Home”-handelsware van hul rakke verwyder uit protes teen Trump se uitlatings.

Comments

3 responses to “Trump stel sy besoek aan Israel af”

  1. Hans Onrust Avatar
    Hans Onrust

    de ‘supreme court’ in de eens protestante VS bestaat nog steeds uit 6 katholieken en 3 joden ?
    Nog even en de protestanten worden ook daar industrieel vervolgd alsof het de vervolging van christenen in de voormalig SU betreft. Dat begint bij meer netto netto voor alles betalen dan de rest terwijl over ‘gelijkheid’ wordt geschreeuwd.
    Daar werden door het harde werk van de bolsjewieken duizenden kerken opgeblazen maar niet 1 synagoge.

    Waarschuwde Chroetjsov zijn VS evenknie destijds al niet ?

  2. Ou Transvaal Avatar
    Ou Transvaal

    Vraag; Israel is die grootste verklaarde vyand van Islam soos deur albei partye verklaar: hoekom het ISIL nog nie Israel aangeval nie? Dit is interessant dat Israel bereid is om Trump te vervreem tengunste van moslems, hulle blyk seker te wees dat n ander persoon Amerika se prez gaan wees.

    1. G Avatar
      G

      Hulle sal van Trump ontslae moet raak en baie gou ook. Iemand met sy eie geld wil ontslae raak van die oligargie en hy het deur die linies gebreek. Dis nou ‘n resies teen tyd.

Leave a Reply

More posts