Met hernieude ontnugtering kyk ek na die hordes Afrikaner- en Boerevolkgroepies op die internet! Elkeen tier, grom, trots, roem en toi-toi op hul eie manier en die legioen van leiers pronk selfvoldaan. (Noem ons Legio …)
Hoe lyk ons Volk/ mense se “pot lensiesop” na die groot en ononderhandelde uitverkoop in 1994?
Was dit die doel om totaal onnadenkend en apaties, op die kopknik van die “broeders” en verstommende goëlkuns in die politiek, eenvoudig weg te stap van als wat deur ons mense, bloed en geld opgebou is sedet 1652 en 1910?
Wat het van ons kunsskatte en museums geword? Wat het van duur gekoopte en self befondste, duur en opofferend opgeboude argitektoniese volksbakens en setels van ons gesag geword?
Was dit werklik die bedoeling om als net eenvoudig prys te gee? Waarom was daar geen skikking of ooreenkoms bereik, behalwe vir die halfgebakte volkstaat- of soewereine-selfbeskikkingsgedagte waarvan die bal of spel nou al herhaaldelik neergegooi, ontbind of versaak is?
Ons ondergang bly toenemend skokkend die resultaat van ‘n geweldige versuim en onbeholpe magsoorgawe! ‘n Volle en vrywillige abdikering! (Nou bloei en kerm die volk …)
Wie, onder ons eie mense, was die ingenieurs van hierdie geweldige onbesonne of gierige bedrog en volksmisdaad? Het ons nou al die vuurpeleton of galg in die volksheradministrasieplan geformuleer?
Sit-sit hulle steeds skelm, agterbaks en onderduims hier onder ons rond, glimlag skalks en bevorder die ondergang van eie bloed, nasie en kinders se toekoms, rustende op vals beloftes en vals profesie van ereplekke in Nuwe Ordes? (Soos wat deelnemers aan die Simba-rebellie van 1960 of die volksmoord in Rwanda van 1994 ook steeds skelm onder die bevolkings skuil?)
In die voorstede bly ek verstom oor die manne se geite, groepies en onderlinge geboelie – totaal onbewus of traak-my-nie-agtig of denkeloos of geestelik versluierd in die narkose van kerkgenootskappe met agendas en “kulturele” of “barmhartige” organisasietjies van uitermate (en fundamenteel okkultiese) misleiding.
Gaan ons dit daadwerklik en dringend regkry om te fokus en spoedig tot eenparige, ordelike en deurdagte uitvoerende selfbeskikkingsaksie oor te gaan, of bly ons in ‘n plaas-sonder-baas-droomland vasgevang en blaas net warmlugborrels in die publiek?
Volksdiensgroete,
Johannes Meintjes
Volksetel Pretoria
Skrywer soek ook die regte antwoorde op verkeerde plekke.
Ons het reeds begin om onsself te red met die uiters suksesvolle BCVO skole 20 jaar gelede al
Met ‘n APK Volkskerk 20 jaar gelede al
Met Orania streeksontwikkeling. uiters suksesvol > R500 miljoen werd
Eie beste streeks ontwikkellings bank volkome wettig.
Eie geldeenheid – ruiilhandel Ora.
Die Volks argiewe word opgeskryf – kultuurskatte wat letterlik onder sensuur was word bekend gemaak.
Hoekom word dit alles verswyg en nog minder ondersteun met die helse geween en gekrners van tanne?
Die BCVO het ‘n handjievol kinders net so met die APK.
Orania het net oor die 1200 inwoners bymekaar gekry sedert 1992.
Orania spaarbank kry jy net in Orania, net so ook met die Ora.
Dit is alles goed en wel maar dit gaan nie die Afrikaner in sy geheel red nie. Wat die skrywer wil sê is die Afrikaner en nie Solidariteit nie moet wakker word.
“Met hernieude ontnugtering kyk ek na die hordes Afrikaner- en
Boerevolkgroepies op die internet! Elkeen tier, grom, trots, roem en toi-toi op
hul eie manier en die legioen van leiers pronk selfvoldaan. (Noem ons Legio …)”
Hoekom met ontnugtering? Met so n getalle oorwig dink ek doen ons baie goed
in hierdie bose land van verraad. Ons bly die intellektuele meerdere ons woeker
met ons talente – ons maak slim planne en oorleef tenspyte van die diskriminasie
en verwoesting en deur die ANC van alles wat vir ons heilig is. Ons is nog hier
en staan ons plekkie vol tenspyte daarvan dat daar van ons deur die
onverantwoordelike ANC regering verwag word om hulle versorging van hulle
aanteel aan die lewe te hou en hulself in weelde te hou wat hulle van dag een
af nog nooit self voor gewerk het nie – tensy afbreek deur hulle as werk beskou
word. Verstandig en met groot geduld wag die Afrikaner hulle kans af – wat meer
verwag jy mnr Meintjies van die Afriker – selfmoord? Die groepies wat jy met soveel
argwaan beleef sien ek as kollektiewe Afrikaner patriotisme.
Regtig Riempies “Verstandig en met groot geduld wag die Afrikaner hulle kans af” om wat te doen?
Die regte ding – op die regte tyd.
Hoekom? Waar kom die verdeeldheid vandaan? Hierom!
Isa 9:19 (9:18) Deur die grimmigheid van die HERE van die leërskare staan die land in vlamme en het die volk geword soos ‘n prooi van die vuur; die een spaar die ander nie.
Isa 9:20 (9:19) En hulle byt na regs en het honger; hulle vreet na links en word nie versadig nie; hulle eet elkeen die vlees van sy eie arm:
Hebsug, selfsugtigheid en materialisme.
Hebsug en materialisme het baie boere laat ja stem om van sanksies ontslae te raak. Dink veral aan die vrugteboere.
Hosea 1 – 6
lees ook gerus.- absoluut net soos ons Volkie se verlede en toekoms.
Siener van Rensburg het hierdie verraad lank terug voorspel. Ek dink ‘n mens moet vergeet van mense met ‘n twyfelagtige sin vir identiteit en soos ‘n skrywer hier onder meld is daar diegene wat steeds die vlam laat brand. Jy sal net meer vindingryk moet wees want as die land se produktiwiteit oor die algemeen baie laag is is daar net een pad vir die rand…
Of dit die bedoeling was om alles weg te gee, sal ons miskien nooit weet nie, Johannes. Wat ons wel weet,, dit was die reslultaat.
Alles klink donker en onverbiddelik maar – God is steeds en altyd in beheer. Ons het n taak om te vervul as Boervolk en ook om Hom te eerbiedig. Die vraag is – Is daar nog broederlike liefde in ons Volk ? …En ek bedoel nie gays in die kerk nie ! Hoeveel wit plakkerskampe is daar nou rondom Pretoria ?
Die skade wat aangerig is blyk groot – maar hou moed want vernuwing kom.
Wanneer?
Miskien sodra ons besef dat ons eerder moet saamwerk in die onderling en dit uitskei wat ons as volk verdeel …? Ons sal moet werk daaraan.
FW & Kie is seer sekerlik lede van die Broederbond aka Vrymesselaars en dien dus ‘n “groter agenda” as hul eie- of volksbelang. In terme daarvan was dit duidelik bepaal dat die Afrikanervolk se tyd uitgedien is en hul moet val, maar nie opeens nie, eerder stelselmatig – soos ‘n koei wat mens ophou voer en wat nog steeds afnemend melk voorsien totdat dit die genadedood kry of sommer vanself met vier pote in die lug beland.
So kan FW nog steeds sonder ‘n swympie van gewete eerlik verklaar en volhou dat hy die regte ding gedoen het.
Doodgeskiet te word deur wie?
Hoe oud is jy?
Ray – As jy maar geweet het hoe naby dit aan chaos was my vriend. Ek sou ook nie die AWB toesnou as lafhartige lummels nie. Hulle was inderwaarheid die laaste wit groep wat wet en orde van n soort in Bobhutatswana wou verseker maar a.g.v die onreelmatige onttrekking van Constand was die oormag te groot en het die plan in duie gestort.
Dit was ons eie mense wat soos honde doodgeskiet en op lafhartige wyse terwyl hulle hulpeloos en swaar verwond gesmeek het om hul lewe deur die Bop magte terreggestel is – maar net nog n sege in die ondergang van die Boervolk wat nie saam kon saamstaan nie. Laastens – die regses was nog nooit kakbang nie – jy dink seker aan die linkses …Ek glo egter dat ons omstandighede gaan verander.
Omstandighede sal beslis verander. Die Afrikaner sal iewers in die toekoms weer as “useful idiots” misbruik word om verskeie doelwitte te bereik.