Die DA probeer ‘n verenigde front voorhou nadat die skorsing van Dianne Kohler Barnard die party in ‘n krisis gedompel het met die rasse-kloof wat al hoe groter raak.
Die besluit is deur die DA se federale uitvoerende gesag Vrydag geneem om Kohler Barnard uit die party te skop.
Phumzile van Damme, nasionale DA-woordvoerder, het ontken dat die party in ‘n krisis verkeer.
Kohler Barnard gaan intussen appelleer teen die beslissing om haar uit te skop.
Die skorsing volg op ‘n onskuldige Facebook-inskrywing wat sy aangestuur het dat die land beter gevaar het onder PW Botha.
DA-leiers is tans diep bekommerd dat die rassespanning volgende jaar se munisipale verkiesing sal knou.
Die party probeer swart stemme trek met herhaaldelike gif-veldtogte, veral teen Afrikaners. Die jongste heksejag volg nadat Kohler-Barnard haarself “positief” met ‘n Afrikaner – PW Botha – geassosieer het.
Die einde van die party is in sig, deurdat Afrikaners wat hulself met die DA opgehou het, begin besef dat dit nie ‘n voertuig vir hulle belange kan wees nie.
Die liberale se eie “mense” wat hulle grootgemaak het byt hulle nou.
Hier is iets wat mens miskien in gedagte moet hou—
Afriforum is baie bedrywig op veral munisipale vlak en prober basies die ANC se gebrek aan dienslewering vervang.
Geen groep gaan soveel moeite doen sonder ‘n einddoel nie–hulle gaan politiek toe!
Hulle besef dat ‘n politieke party baie geld kos, en dit lyk of hulle geld bymekaar maak op enige moontlike manier, veral op Afrikaner sentimente gemik.
Intussen het hulle stilletjies hulle self losgemaak van die meer “regse” politieke standpunte en persoonlikhede.
Met die gebeure in die DA in gedagte, is dit net moontlik dat hulle as vangnet gaan dien vir die Afrikaners wat loop uit die DA , en sodoende die Afrikaanse arm van die DA gaan word .
Die DA is deeglik bewus dat hulle steun vir Regstellende Aksie blankes noodwendig sal vervreem
van die party en moet hulle op een of ander manier ‘n beeld van “veelsrassigheid” voorhou.
En dit is die rol wat Afriforum kan vertolk.
Net ‘n gedagte……..!
Is daar dan n moontlike losse koalisie in die toekoms om almal met n draai by die DA-lite te verenig?
David baie dankie vir jou oopkop kommentaar – Wat ons
eerstens MOET ingedagte hou is dat Flip Buys FW de Klerk se protégé is!! – Soliforum
is ook tennouste betrokke by FW de Klerk Stigting. NOU – wat die
munisipaliteite en Soliforum betref – die man wat die inisiatief t.o.v. die bankrot
gesteelde munisipaliteite se disfunksie aan gespreek het en ongelooflike moeite
gedoen het om dorpe se mense toe te lig oor wat hulle kan doen om die hopelose diens
van die ANC effektief aan te spreek – Hofsake geveg het en sy hand diep in sy
eie sak gesteek het om te help Was en Is Jaap Kelder – Soliforum wou sommer net
instap en vir Jaap Kelder uitskakel – nie saamwerk nie sommer net oorvat – wat hulle
nou weer probeer doen – sien nou asb weer W de Klerk se protégé raak.
Moet nooit vir Soliforum sien sonder die grootste verraaier
in die geskiedenis van die wereld – FW de Klerk se skaduwee erens nie.`
Geen politieke party gaan ons belange kan dra en uitvoer in die huidige politieke SA nie. Ons stemme is te min…. tensy daar n groot skeur ontwikkel in die ANC en ek meen `n grootte maar ook dan sal hulle oorslaan na geweld en revolusies om in beheer te bly.