Die munisipale werkersvakbond SAMWU het gewaarsku dat sy staking wat aanstaande Maandag begin, daartoe sal lei dat die hele Johannesburg en sy voorstede in duisternis gehul sal wees.
Die vakbond sê hy het Johannesburg City Power ingelig van sy voorneme om met ‘n volskaalse staking te begin, het RSG berig.
City Power sê die staking is onbeskermd. SAMWU voer aan dat City Power en sy Raadsvoorsitter nie aandag gegee het aan kwessies wat verband hou met korrupsie teen City Power se besturende direkteur nie.
City Power sê SAMWU se optrede sal neerkom op sabotasie. City Power sê hy is ‘n Nasionale Sleutelpunt en enigeen wat dreig om die kragnetwerk onwettig af te skakel, kan vervolg word.
Die Kommissie vir Versoening, Bemiddeling en Arbitrasie het ook nie ‘n sertifikaat uitgereik aan SAMWU nie wat die staking onwettig maak.
City Power sê hulle het sonder sukses by talle geleenthede SAMWU gevra om sy bewerings van korrupsie teen die besturende direkteur te staaf.
Nog oefeninge in terrorisme – kyk maar na die dreigemente!
Hierdie klas van ding kan verreikende gevolge inhou. Inbrake, moord en al die gepaardgaande kan toeneem. In geheel gesien kan die hele infra struktuur ineenstort as daar nie baie gou opgetree gaan word nie. Die anderkant is dat die anc outjies wat hierdie ding orkestreer dit ook kan uitbrei na ander gebiede.
Wat sal ons dit noem, want woorde ontbreek.
Ons self verdedig – hoe ken jy ons boere? ons loop nie heeldag en dreig nie wanneer ons gedwing word sal ons ons ding doen.