President Jacob Zuma sal vandag die visekanseliers van hoër onderwysinstellings ontmoet om oor verskeie brandende kwessies te praat wat universiteite regoor die land raak.
Die vergadering sal op versoek van die Universiteitsraadvoorsittersforum van Suid-Afrika en Suid-Afrikaanse Universiteite plaasvind.
Die Presidensie se waarnemende woordvoerder, Bongani Majola, sê die regering sal ook toekomstige planne vir hoëronderwysinstellings in die land openbaar.
Hy sê Zuma sal deur verskeie ministers, waaronder die minister van Hoër Onderwys en Opleiding, Blade Nzimande, by die vergadering in die Uniegebou vergesel word.
Befondsingsverwante kwessies wat tot studenteprotes lei, is ‘n gereelde gebeurtenis by UKZN, maar het veral verlede maand gewelddadig geraak toe die administrasiegebou op die Westvillekampus, tesame met twee voertuie, aan die brand gesteek is.
Die studentekantoor op die Westvillekampus is ook verlede week aan die brand gesteek. Studente van die Westville- en Pietermaritzburgkampusse is oor die afgelope drie weke in hegtenis geneem, en ten minste 10 studente is geskors.
Volgens internasionale standaarde is die vlak waarop hoër onderwys in Suid-Afrika befonds word, laag.
Dieselfde verslag van 2013 noem die huidige “onvoldoende” koers van staatsbesteding aan hoër onderwys as ‘n faktor wat verhinder dat die volgende geslag akademici ontwikkel word.
Die aantal studente wat ingeskryf is aan Suid-Afrika se universiteite sal na verwagtig teen 2019 1,1 miljoen wees.
1.1 miljoen “student” gegewe die beginsel van ‘pass one, pass all”
Advertensie: Pikslaner benodig, R3000-00 per maand, moet ‘n M.Sc in Fisika en ‘n MA in Risiko-bestuur hê. Moet ‘n mediese sertifikaat van geskiktheid as Pikslaner oorlê. Die mediese sertifikaat mag deur ‘n toordokter wat oor ‘n mediese kwalifikasie gelykstaande aan ‘n hartsjirurg, uitgereik word. Die aansoeker moet waarborg dat sy sertifikate nie vervals is nie. Geen afskrif geteken deur ‘n polisiebeamte sal aanvaar word nie.
Indien gevind dat die waarborg vervals is sal die aangestelde person se salaris met R100 per maand verhoog word.
LMAA.
Hartseer maar waar.