Vegvliegtuie het Maandag en Dinsdag 17 Koerdiese teikens in die Hakkari-provinsie aangeval as deel van ’n hernude aanslag op die verbanne Koerdiese Werkersparty (PKK).
Reuters berig dat die gewapende stryd reeds vir drie dekades teen Koerdiese selfbeskikking duur.
Turkye, wat ’n lidland van die Noord-Atlantiese Verdragsorganisasie (Navo) is, het verlede maand met ’n sogenaamde “gesinchroniseerde oorlog teen terreur” begin en PKK-vegters in die noorde van Irak en militante van die Islamitiese Staat (ISIS) in die noorde van Sirië begin aanval.
Ontleders meen die Turke gebruik ISIS as ‘n verskoning om van Koerde ontslae te raak wat na onafhanklikheid streef.
Deur hoofsaaklik op die PKK in sowel naburige Irak as tuis te fokus, het Ankara die vermoede onder Koerde verder laat toeneem dat die ware agenda eerder is om Koerdiese territoriale ambisies te fnuik, as om die geharde Islamiete te verslaan.
Die Koerde het met geweld weerwraak geneem. Die PKK het Dinsdag aanspreeklikheid aanvaar vir die bomaanval Maandag op ’n polisiekantoor in Istanboel waarin vier mense dood is. Drie van die oorledenes was aanvallers gewees.
Die bomaanval was een van ’n golf aanvalle op Turkse veiligheidsmagte wat reeds die lewe van nege mense geëis het.
Die lugaanvalle in Hakkari volg na operasies Sondag in die oostelike Agri-provinsie waarin sewe PKK-militante dood is.
In gevegte op die grond, het die PKK ’n militêre basis in Sirnak, ’n provinsie aanliggend aan Hakkari, aangeval.
Een soldaat is dood in ’n geveg wat 20 minute geduur het.
Ek het baie simpatie met die Koerde. Hulle is ‘n etniese groep sonder die eie land wat aanvanklik met die Eerste Wereldoorlog aan hulle belowe is. Ek het minder simpatie met die Koerde omdat hulle as Islamiete die Turke gehelp het om die christelike Armeniers uit te roei. Soos in die geval van die Berbers van Noord-Afrika word soms beweer dat die Koerde oorspronklik blank was. Arabiese en Turkse oorheersing het hulle tot Islam verplig.
Lyk my die Koerde is so gewild in die Midde Ooste soos ons in Afrika
Om een of ander rede mag sekere volke soos ons, koerde Baske ens nie hulle eie staat en grondgebied besit nie. Hulle die koerde is die enigste antwoord wat die Weste het om ISIS te verslaan. Ons kan gerus kyk na hulle militere strategie in Sirie en baie daaruit leer