Die soveelste treinongeluk, hierdie keer by die Booysens-stasie, suid van Johannesburg, kon dalk weens ‘n foutiewe sinjaal plaasgevind het.
Daar is 239 mense beseer in die jongste botsing. Die Gautengse regering het vroeër sy kommer uitgespreek oor gereelde treinongelukke.
In April is ‘n veiligheidswag van Metrorail dood en 240 mense beseer in ‘n botsing tussen twee treine by die Denver-stasie.
‘n Voorlopige verslag oor Vrydag se ongeluk sal na verwagting Maandag vrygestel word.
Die Gautengse premier, David Makhura het ‘n beroep op die Passasierspooragentskap gedoen om voorsorg te tref dat passasiers hul bestemmings veilig bereik.
In Vrydag se ongeluk het een trein van agter teen ‘n ander wat stil gestaan het gebots, tussen die Booysens- en Crownmine-stasies. Albei treine was na Soweto onderweg.
Volgens ‘n voorlopige ondersoek van die Spoorveiligheidreguleerder was die sinjaallig geel in plaas van rooi en het die aankomende trein nie besef daar is reeds ‘n trein op die betrokke spoorlyn nie.
Die woordvoerder van die reguleerder, Babalwa Mpendu sê die voorlopige verslag word môre bekendgemaak.
Die reguleerder sê veiligheidstandaarde van spoorlyne in Gauteng sal ondersoek word.
Intussen sê Metrorail die diefstal van belangrikte toerusting van die spoorlynnetwerk is besig om toe te neem. ‘n Woordvoerder sê die diefstal lei tot ongelukke.
As die hoofingenieur nie behoorlike kwalifikasies het nie hoekom sal die res behoorlik gekwalifiseerd wees? Meeste mense soek net ‘n werk – nie ‘n beroep nie. Hulle wil net betaal word sonder om die omvang van dit waarmee hulle besig is in ag te neem.
Dan moet ek ook toegee dat die kabels so dikwels gesteel word en die kans vir ‘n fout tydens herstelwerk is lewensgroot. Dis eintlik ‘n wonderwerk dat daar nie meer ongelukke is nie.
Ja, in vervloe dae was daar maar bitter min sulke ongelukke. Treindrywer, of is dit deesdae oprrateur, was seker voorheen ‘n taxi bestuurder
WAT ‘N KLOMP SNERT. Die twee stelle spore lê reguit en oop en parallel met mekaar. Jy kan die stasie vir tenminste ‘n kilometer ver sien. ek sou dink dat een van drie dinge kon gebeur het. Die drywer het te vinnig gery, of het aan die slaap geraak of was onder die invloed van drank of dwelms.