Gauteng se premier, David Makhura, sê indien nodig sal die weermag in die geweldgeteisterde Mamelodi, oos van Pretoria, ontplooi word waar taxi-operateurs teen die nuwe busdiens in opstand gekom het.
Hy het op ‘n openbare vergadering aan inwoners gesê meer polisielede sal ook ontplooi word indien dit nodig sou wees.
Minibus-taxibestuurders het Donderdag en Vrydag paaie in die gebied met brandende buitebande versper om beswaar te maak teen die ingebruikneming van die Autopax-busdiens in die gebied, terwyl minstens sewe busse tydens die geweldpleging beskadig is en daar ook op ’n bus geskiet is
Autopax-busse het intussen onder polisiebegeleiding van die depot in Mamelodi vertrek en was daar tot dusver geen voorvalle nie.
Die polisie ook het tientalle minibus-taxis geskut in pogings om geweld teen die nuwe busmaatskappy te verhoed.
Verkeer op die Tsamaya-pad is tot stilstand gebring terwyl die polisie taxis voorgekeer het.
Helen Zille wil die weermag op die Kaapse Vlakte ontplooi vir maar bendegeweld, Makoera in Mamelodi vir busgeweld. En Henk van de Graaf van TLU SA sê die kommando’s wat Terror Lekota afgeskaf het moet vervang word, die boere word teen ‘n bloedstollende pas uitgewis en die kommando’s is die enigste plan wat georganiseerde landbou sien ná meer as twintig jaar dat die veiligheidsdamwal gebreek en geweldsvloed oor die Afrikanervolk spoel en hom meesleur.
ek is seker die taxis se broeke bewe…..
Moet daar nie eers ‘n noodtoestand afgekondig word voordat die weermag ontplooi mag word nie? Hoe werk die wette? Hierdie maak dit mos nou maklik om die weermag te ontplooi teen gewone landsburgers of is dit die plan met die hele klipgooioefning wat tans aan die gang is?
Netso Rooikop, goed raak gesien. Die weermag is nog steeds in Alex, en beide Alex en Mamelodi is strategies feitlik binne wit gebiede. Hulle is besig met iets onderduims. Die versperring van paaie tydens optogte is oefen lopies dink ek.
En Alexandra is net ‘n klipgooi van die JSE af?
Die afkondiging van ‘n noodtoestand word deur art. 27 van die Grondwet gereël.
Dit beteken dat sodanige noodtoestand net onder sekere omstandighede afgekondig mag word. Die vereiste is onder andere “..algemene oproer en wanorde.”
Die afkondiging sal bepaalde seine uitstuur wat die ANC nie nou kan bekostig nie.
In elk geval mag ‘n afgekondigde noodtoestand net vir 21 dae wees tensy die parlement dit verleng.
Dankie Johan – is dit egter wettig om die weermag in sulke gevalle te ontplooi soos hierdie?
Ja, wel ingevolge art 203 (1) van die Grondwet MITS die President ‘n staat van nasionale verdediging uitgeroep het en dit binne 7 dae na verklaring deur die parlement goedgekeur word.
Dit is hoogs onwaarskynlik dat so ‘n staat afgekondig sal word. Die Rand sal in ‘n tuimelval gaan wat uiters nadelige gevolge sal hê – soos na die Rubicon-toespraak van Pres Botha.
Dink bietjie hieraan – Zuma was vandat hy ingesweer was as president, nog nooit deur enige land van betekenins (behalwe Brics-lande en lande soos Mauritius) op amptelike besoeke genooi nie. Dit is tipies wat gebeur as ‘n land ‘n muishondland word.
Zuma is ‘n verleentheid! Dit maak hom onmagtig om selfs die regte ding te doen. Hy het, ek is nou ‘n gedagteleser nie, slegs een oogmerk en dit is om sy termyn te oorleef.
Die verskil tussen ‘n noodtoestand en staat van van nasionale verdediging is bloot dat die noodtoestand deur die Handves van Regte gereguleer word en die staat van nasionale verdediging deur Hoofstuk 11 wat aan die President die mag gee om in lg geval te gelas dat die weermag in samewerking met die polisie mag optree (art 201(2)).
Die lang en die kort is dat Zuma eers ‘n staat van nasionale verdediging behoort af te kondig. As hy dit nie doen nie, sal hy volledig op art 201(2) moet steun en die parlement byeen moet roep en die voorskrifte van a 201(3) moet nakom. Prakties gesien twyfel ek of daar eintlik ‘n verskil is tussen die toepassing van art 201 en die staat van nasionale verdediging. Die een sal waarskynlik net aangewend word in bepaalde distrikte terwyl laasgenoemde meer nasionaal van aard is.
Persepsies van die toestand gaan negatief wees ongeag watter een van die twee opsies Zume kies.
Dankie Dis nou behoorlik tussen die duiwel en die diep blou see – nie ‘n lekker plek om te wees nie.