Daar is ‘n groot polisieteenwoordigheid by die busdepot in Mamelodi in Pretoria na oproeriges ‘n nuwe busdiens onder klippe gesteek en bestorm het.
Minibus taxi-bestuurders is ontstoke oor die bekendstelling van die Autopax-busdiens in die gebied.
Drie busse is beskadig, het Gauteng se departement van vervoer se woordvoerder Octavia Mamabolo aan News24 gesê.
Taxi-operateurs, wat gekant is teen die nuwe busdiens, het busse verhoed om die busdepot met passasiers te verlaat.
Hulle het ook die depot binnestorm en busse se sleutels gegryp.
Taxi-eienaars is ontevrede omdat die roetes aan Autopax toegeken is en nie aan hulle nie.
Volgens taxi-operateurs het ‘n vergadering met die Tshwane Metro Woensdag, geen oplossing opgelewer nie.
Autopax het die roetes oorgeneem van Putco wat dit nie meer as lonend beskou nie.
Dit is nog onduidelik hoeveel pendelaars geraak word.
Mamabolo het gesê ‘n vergadering gehou sal word om 09:00 met die betrokke partye, insluitende die SA Nasionale Taxiraad.
Dis nou demokrasie en en mededinging op die afrika manier. Steek die opposisie onder die klippe eerder as om ‘n beter, goedkoper en meer kompeterende diens te lewer.
Netso Rooikop, dan wonder hulle hoekom hulle nie “Economical Freedom” het nie. As mens nie die konsep verstaan nie gaan jy nooit daarby uitkom nie. Hulle is soos ‘n spul stout kinders wat in plaas van vloermoere gooi eerder iets vernietig waarvoor hulle nie betaal het nie.
Dit is beslis nie lonende nie, 100 buskaartjies en drie brandende busse, mooi man, nou moet hulle nog net die Kliniek brand. Wonder of dit nou weer die regses is wat so betoog en brand?
aaai,klipgooiers alweer,….niks verander nie.