‘n Airbus A330-300 van Singapore Airlines met 180 passasiers en 12 bemanningslede aan boord het tydelik die krag van albei sy enjins verloor terwyl dit Saterdag op ‘n vlug van Singapoer na Sjanghai op ‘n hoogte van 39.000 voet deur ‘n storm gevlieg het.
‘n Woordvoerder van die lugdiens sê die vlieëniers het operasionale prosedures gevolg om weer die enjins aan die gang te kry waarna dit veilig in Sjanghai geland het.
Die straler het krag verloor in beide enjins na meer as 3 uur in die lug. Die een enjin het later weer begin werk.
“Die vlieëniers het operasionele prosedures gevolg om normale werking van die tweede enjin te herstel deur die vliegtuig in ‘n beheerde daling te stuur, voordat dit weer kon klim,” luidens die verklaring.
Volgens die Aviation Herald het die vliegtuig op 39.000 voet, 162 myl van Hong Kong se Rolls-Royce Trent 772-enjins opgehou werk.
Die straler het gedaal tot 26.000 voet voor die werking herstel is.
By nadere ondersoek na ‘n veilige landing, het Singapore Airlines gesê geen “onreëlmatighede” kon opgespoor word met die werking van die enjins nie.
Lyk nie of dit ‘n goeie ding is om in die ooste te vlieg nie.
Lol, lyk nie of dit n goeie ding is om in vliegtuie te vlieg nie 😉
More julle, ek het gou gaan kyk hoeveel vliegtuie op die oomblik in die lug is, 9873. Veronderstel elke vliegtuig het 220 passasiers dan beteken dit dat daar op hierdie oomblik ongeveer 1.9 miljoen passasiers in die lug is. Vlieg is en bly die veiligste vervoer wat jy kan kry. Ja, ‘n vliegtuig ongeluk neem baie gou baie passasiers weg, maar persentasie gewys is en bly vlieg die veiligste.
Op ‘n ligter trant. Indien ‘n vliegtuig val, kan hy nie verder as die aarde val nie, maar ek wil nie een van daardie passasiers wees nie. Stel jou voor die chaos op daardie vliegtuig. As jy nog nooit gebid het nie, leer jy daar om te bid en as jy gelukkig is soos Johan dan kan jy jou gebed uit lewe. So, vlieg het sy voordele en “voordele”
Terloops, vlieg en ondersoeke op te lees en te kyk na vliegtuig ongeluk ondersoeke is my “hobby”, my tyd verdryf.
net daar verander my naam na skuitbeer toe…..
Briekmerk Beer? :))) (Vir die oningeligte luisteraar sou dit dalk geklink het soos ‘n klomp mense wie almal die lotto gelyk gewen het?)
Op ‘n meer sombere noot: Dit is die ergste wat kan gebeur naas ‘n ramp… Dat hulle nie weet wat dit veroorsaak het nie.
Die vlugopnemers sal egter ‘n ander deuntjie sing…
Ek was self in ‘n vliegtuig toe sy enjins onklaar geraak het. Met die eerste vlerk se enijinvrek het die vliegtuig so ‘n ruk gegee en so ‘n kort rukkie daarna die tweede vlerk se enjins.
Toe begin die geskreeuery en die praat van vreemde tale.
Die vliegtuig het darem veilig geland (dit is hoekom ek daarom nog hier kan sit en tik) maar al sy bande was kapoet en sy remstelsel moes seker maar vervang gewees het.
Die remstelsel was al wat die vliegtuig op die landingstrook tot stilstand kon bring want daar was geen enjins om te help nie.
Daar was die swart briekmerke op die teer, maar agterna het ek gewonder hoeveel briekmerke was binne die vliegtuig, wel nie lank en rokerig nie maar tog.
Die grootste krisis vir die loods wanneer ‘n enjin van ‘n veelmotorige vliegtuig staak is om die korrekte enjin te identifiseer en totaal af te sluit – te stop deur die brandstof af te sny na die stukkende een oor die brandgevaar.
Hy’t seker die verkeerde enjin gesny …. As die enjin sou brand kan die vlerk ook brand daarom is dit buite die vlerk gemonteer. So kan die loods die hele enjin laat afval in uiterste gevalle.
Met die 4 motorige Boeing ramp in Holland destyds was dit juis die kwessie of die arme loods nie die verkeerde [goeie] enjin aan dieselfde kant OOK laat val het nie want die stukkende een was toe reeds weg..afgeval.
Die menslike faktor bly die gevaarlikste in lugvaart.
Rolls Royce monitor hulle enjins in die fabriek in UK..