Die twee brandbestryders wat Woensdagmiddag in ‘n helikopter-ongeluk in Bainskloof naby Wellington in die Wes-Kaap omgekom het, se name is bekend gemaak.
Darrell Rea (39), die vlieënier en Jastun Visagie (23), sy medepassasier, is in die ongeluk oorlede is. Albei was lede van Working on Fire.
Dit is die derde lid van Working on Fire wat in ‘n soortgelyke ongeluk dood is. Hendrik “Bees” Marais is in Maart vanjaar dood nadat hy ‘n noodlanding met sy helikopter by Kaappunt moes doen.
“Die helikopter het in Bainskloof naby Wellington neergestort toe dit naby die brand in sterk winde moes land om die helikopter reg te kry vir vuur-bombardering,” het ‘n woordvoerder vroeër gesê.
Die mees onlangse vliegongeluk word ook deur die polisie en die Burgerlugvaartowerheid ondersoek.
Johan Heine, Working on Fire se uitvoerende hoof, het sy medelye teenoor die naasbestaandes uitgespreek.
“…sy medepassasier…” … klink vir my nie reg nie.
Moet dit nie eerder mede-vlieënier, of net passasier wees nie?