Die polisie in Gauteng het Sondagaand ‘n Indiër in Actonville aan die Oosrand in hegtenis geneem vir die onwettige besit van ‘n R1-aanvalsgeweer.
Die Indiërman is vermoedelik ‘n buitelander. Die gebied het die afgelope ruk onder xenofobiese geweld deurgeloop.
Die polisie het vroeër bevestig dat hulle orde herstel het nadat hostelbewoners paaie versper het. Die groep is met traanrook uiteengejaag voor daar by sakeondernemings ingebreek kon word.
Geen berigte van beserings is egter ontvang nie.
Actonville is in die 1950’s ingevolge die Groepsgebiedewet ingerig vir Indiërs.
Die Indiërgemeenskap van Actonville en die swart gemeenskap van Wattville is vroeër deur ‘n treinspoor wat vandag nie meer bestaan nie, geskei, maar woon nog steeds apart van mekaar.
Die Indiërs is verskuif uit Boksburg, Germiston, Nigel en Springs na Actonville en talle het munisipale huise ontvang terwyl sommige hul eie huise gebou het.
By Liberty Cinema, Actonville se sokkerstadion en Red Square in Khan Crescent, is politieke vergaderings gehou in die 1950’s.
Die een ding wat ek altyd so nastreef as ek hoor van hierdie wapens, is waar kry die dekselse ding dit. Ons hoor nooit van die res nie.
Hulle moes die Chara gelos het, hy sou gou die Xenofobiese geweld kon stop met daai geweer,
Hierdie mense wil hulleself ook teen die dansende massas beskerm maar mag nie.