praag.co.za

Taalraad vier Basters se ‘Bloedrivier’

Written by

praag

in

,

’n Afvaardiging van die Afrikaans­e Taalraad (ATR) in Suid-Afrika het Namibië verlede week besoek om bande met die Afrikaanssprekende­ gemeenskappe­ in die land te verstewig, het die Republikein berig.

Dr. Hendrik Theys, onder­voor­sitter­ van die ATR, sê die ATR is ’n burgerlike sambreelorganisasie in die buurland.

Theys, wat Namibië saam met twee van die ATR se direksielede­, mnre. Danie van Wyk en Waldy Kastoor, besoek het, sê die raad sou graag wou sien dat ’n taalvereniging­ vir alle Afrikaans­sprekendes in Namibië gestig word om saam met dié moederorganisasi­e in Suid-Afrika, op inklusiewe wyse na die belange om te sien van die onderskeie­ Namibiese­ gemeenskappe­ wat Afrikaans in die huis praat.

Hulle het daarom besoek gebring aan die Afrikaanse departement van die Universiteit van Namibië, Afrikaanse media-instellings, skole, die Bastergemeenskap van Rehoboth, die organiseerders van die Windhoek Woordfees en ander kultuurorganisasies.

“Ons hoop verteenwoordiger­s van hierdie groepe sal nou ’n verkennend­e vergadering reël met die oog daarop om so ’n taalverenigin­g te stig,” sê Van Wyk.

Die afvaardiging is veral opgewonde­ oor die honderdjarige­ herdenking van die Slag van Sam //Kubis op 8 Mei vanjaar en beplan om dit by te woon. Dit is ’n belangrike­ geleentheid vir die Bastergemeenskap, wat die eerste mense was wat Afrikaans na hierdie land gebring het, sê Theys.

Sam //Kubis is ’n sirkelvorminge­ bergreeks sowat 60 km vanaf Rehoboth­.

Die Basters is op 8 Mei 1915 deur die Duitsers daar aangeval met twee kanonne en drie Maxim-masjien­gewere in ’n geveg wat heeldag geduur het. Ná ’n gebed en gelofte wat glo ooreenkomste­ toon met dié van die Boere tydens die Slag van Bloedrivier, het die Duitse troepe glo teruggeval. Die Basters herdenk jaarliks dié dag.

Theys sê die ATR verstaan dat Afrikaans “in verskillende kleure en geure” kom.

“Alle variëteite van Afrikaans het sy unieke plek en moet gekoester­ word. Ons moet dit gebruik, opteken, erken, waardeer en in woordeboeke opneem. Maar ons moet terselfdertyd ander taalsprekers­ se tale en kultuur erken en respekteer,” sê hy.

Comments

8 responses to “Taalraad vier Basters se ‘Bloedrivier’”

  1. leonlemmer Avatar
    leonlemmer

    Volgens die ATR-webwerf het Theys ‘n “doktoraat”. Dit kan wees dat hy bloot ‘n doktorandus is (dus iemand wat die doktorale eksamen geslaag het maar nie ‘n proefskrif suksesvol voltooi het nie). Dan kan sy titel hoogstens “drs” pleks van “dr” wees.
    Die ATR, wat in die Carstens- en Le Cordeur-tradisie alewig hamer op “inklusiwiteit”, het ‘n nie-wit afvaardiging na Namibie gestuur. Gaan Danny Titus, ‘n ATR-raadslid, nou – soos onlangs teen wittes – kla oor die etniese samestelling van hierdie afvaardiging?

    1. G Avatar
      G

      Nee wat, as pionne van die roofkapitaliste sal hy trots anti-wit wees. Hy wil seker nie die risiko loop om sy werk te verloor as hulle drek begin bevraagteken nie.

    2. Rooikop Avatar
      Rooikop

      Nou leer ek ook weer iets oor akademiese titels.

      1. leonlemmer Avatar
        leonlemmer

        Die doktorale eksamen waarna ek hierbo verwys, is die toelatingseksamen. Na voltooiing van die proefskrif kan die kandidaat daarop geeksamineer word. Daarmee word bv seker gemaak dat dit daardie kandidaat se eie werk is. Martin Luther King jr het egter ten spyte daarvan met plagiaat weggekom. Tog word daar graag na dr Matin Luther King jr verwys.
        Dit is veral mislukte Hollandse doktorale student wat daarop aandring om as doktorandus aangespreek te word. In die VSA word gese ‘n doktorandus het ‘n ABD (All but dissertation).

        1. Rooikop Avatar
          Rooikop

          Dankie Leon. Ek was nie bewus daarvan dat mense kan aanspraak maak op iets soos ‘n doktorandus nie.

    3. leonlemmer Avatar
      leonlemmer

      Titus is die hoof van kultuur van die ATKV en ‘n deeltydse menseregtekommissaris, maar hy wend blykbaar geen poging aan om sy anti-blanke gesindheid te verdoesel nie. Ek het ook die indruk dat hy anti-Afrikaans is, want tydens ‘n Rapport-onderhoud het hy Engels met sy kind gepraat. Dit kom van iemand wat ses jaar lank in die Lae Lande (dus in die nie-Engelse wereld) vir ‘n doktorsgraad gestudeer het. Hoe pas so iemand in by die ATKV, of is dit eerder dat die ATKV by hom aanpas? Waarom is hy ‘n ATR-raadslid as sy gesindheid teenoor Afrikaans bevraagteken kan word?
      Nog ‘n vraag: Is die Afrikaanssprekende blanke inwoners van Namibie nie vir die ATR van belang nie? Waarom nie ook kontak met hulle soek en hulle bemoedig nie?
      ‘n Laaste vraag: Het die ATR-afvaardiging die moed gehad om heftig beswaar te maak teen Engels as die enigste amptelike taal in Namibie? – ‘n land wat baie meer Afrikaans- as Engelssprekend is. Of sou dit indruis teen die ATR se beleid van versoening, omdat politieke korrektheid by die ATR deurgaans voorkeur bo die belange van Afrikaans kry?

      1. Rutger Avatar
        Rutger

        Goeie vraag! Die meeste mense daar verstaan nog steeds nie Engels nie. Afrikaans is die lingua franca.

  2. leonlemmer Avatar
    leonlemmer

    Die Rehoboth-basters het sterker teenstand teen swart politieke oorheersing as die SWA-blankes gebied. Ook is hulle trots op die benaming Basters en is hulle lojaal teenoor Afrikaans. Vergelyk dit met die ontwikkelde Suid-Afrikaanse bruines wat deesdae swart en Engels wil wees.

Leave a Reply

More posts