Die Staatsveiligheidsagentskap (SSA) het ontken dat ‘n privaatvliegtuig gestuur is om ten minste vier senior intelligensie-agente uit hul poste in Afrika te ontruim nadat City Press Sondag berig het hul dekking is in gedrang.
“Die bewerings van ‘n onttrekking van buitelandse agente uit hul plasings is sonder basis en word ten sterkste ontken as nog ‘n poging om inligting te smous,” het Brian Dube die SSA-woordvoerder gesê.
“Ons sal nie by spekulasie betrokke raak oor diegene wat dalk agter die beweerde lek sit en hul motiewe nie.”
Hy het aan Sapa gesê die minister is op rekord dat ‘n volledige ondersoek aan die gang is.
A anonieme bron in die SSA het glo aan City Press gesê dat ‘n agent in Kameroen en nog drie spioene elders in Afrika inderhaas uit hul poste terugeroep is.
‘n Tweede anonieme bron het bevestig dat “ten minste vier” agente binne ure van die vrystelling van die spioenasie-inligting deur die televisie-netwerk Al Jazeera in Katar, uit hul poste verwyder is.
“Die ouens is vroeg Maandag gekontak en gesê om gereed te maak om onttrek te word. Dit het baie vinnig gebeur,” het ‘n bron na aan die SSA glo aan die koerant gesê.
“Die lekkasies veroorsaak chaos in die SSA, en veral onder die agente in die buiteland. Sommige van die ouens het jare en jare lank aan hul lewens en dekking gebou.
“Hul dekking is nou tot niet.”
whoahahakakaka…
Blyk daar is maar min wat die klomp kan regdoen benewens om hul name met ‘n plank te slaan
“…. ons het geen vyande nie, ons is n reenboog nasie, ons spioneer op niemand nie, ….. ons het almal doktors grade, ….. ons pas die minderhede op, …… ons het plaasmoorde, af,….jip daar nie veel oor om te moor nie……. blah, blah, blah, bloah…”
Presies soos jy daar noem. Hoe weet ons wanneer hierdie mense wat so hoog sit kwek praat? Wanneeer hulle monde oopgaan ja.
Hulle dekking is nou tot niet soos SA tot niet is.
Hierdie lees soos ‘n baie slegte “spy vs spy” storieboek. Die totale onkunde, die totale gebrek aan insig om te besef wat is waardevol – vir eers is dit afgemaak as “dit maak nie saak nie”, m.a.w. traak my nie agtige houding laat my verwonderd staan.
Dit beteken een van twee goed, totale onvermoë of interne stryd. As mens sien hoe daar op ons as mense in die land gespioeneer word (Etrol hekke, kameras op elke hoek en draai, selfone, SARS betrokke by spioenasie, Finfisher programmatuur, Zuma se “spy tapes” ens ens) dan maak hierdie lekke nie sin nie.
The most stupid film on the circuit currently is ‘American Sniper’. It should have been ‘American Snooper’