Daar is natuurlik die paar ouens wat onmiddellik aan die Audi RS6 of BMW M6 of Merc E63 AMG dink en dan is daar die manne met die diep sakke wat sonder twyfel aan die Audi S8 of die Mercedes S65 AMG of selfs die Bentley Continental dink.
Maar daar was altyd ‘n paar ouens wat nooit tevrede sou wees met een van die bogenoemde vuurpyle nie. Hulle is die Porsche- en Ferrari-manne om nie eers van die Lamborghini-ouens te praat nie. Wel dit lyk vir my of die wêreld se supermotorvervaardigers elkeen nou sy eie planne het om net so vir al sy bestaande kliënte wel n vinnige vierdeursedan daar te stel. 
Porsche stel baie binnekort hulle Panamera-vierdeur bekend,
Lamborghini het so pas by die Franse Motorskou hulle planne met die Estoque bekend gemaak en ja, Ferrari het so twee weke gelede ook ‘n vierdeur waarvoor hulle nog ‘n naam het, gewys. Aston Martin gaan natuurlik hulle Rapide binnekort loslaat en dan is daar ook sprake van ‘n vierdeur-Bugati Veyron.
Wel, net die tyd sal leer, maar as jy een van daardie ouens met die lustelose raad van direkteure is, moet jy net so bietjie 
aanhang voor jy jou Bentley of Maserati bestel, hier kom ‘n ding!
Leave a Reply
You must be logged in to post a comment.