Verskeie lesings by die Universiteit Stellenbosch moes na ander lokale verskuif word en die rooster moes aangepas word, nadat die Van der Sterr-gebou gedeeltelik in ‘n brand vernietig is.
Die woordvoerder van die universiteit, Susan van der Merwe sê die drie-verdieping Ekonomie en Bedryfswetenskap-gebou sal gesluit word weens veiligheidsoorwegings en waterskade.
Brandbestryders het Sondag gespook om die brand onder beheer te bring.
Dit wil voorkom asof die hele boonste verdieping asook die dak verwoes is. Die voorkant van die gebou lyk ongeskonde, maar daar word strukturele skade vermoed.
Daar was glo opknappingswerk aan die gebou gedoen.
Daar is nog geen aanduiding wat die oorsaak van die brand kon wees nie.
Moenie die rol van beurtkrag in brande soos die onderskat nie. Die elektrisiteit word afgeskakel. Dan word die verbindings koud. Herhaal hierdie siklus gereeld genoeg en al die verbindings by skroefterminale word los wat dan tot slegte verbindings en moontlike skade of selfs brande lei.
Distribusie borde behoort ten minste een keer per jaar versien te word waar al die laste weer vasgedraai word tot op spesifikasie