Ivan Pillay, adjunkhoof van die Suid-Afrikaanse Inkomstediens (SAID), kan weer geskors word net enkele dae nadat sy vorige skorsing tersyde gestel is, berig die Sunday Times.
Volgens die berig het Pillay Vrydag ‘n skorsingskennisgewing ontvang waarvolgens hy tot 12 Januarie het om redes aan te voer oor hoekom hy nie geskors moet word nie.
Die arbeidshof in Johannesburg Donderdag beveel het dat Pillay se aanvanklike skorsing tersyde gestel moet word.
Pillay is deur Tom Moyane, hoof van die SAID, geskors nadat hy ‘n paneel aangestel het om bewerings te ondersoek oor ʼn spesialeprojekte-eenheid se beweerde onwettige aktiwiteite.
Volgens die Sunday Times se berig moet Pillay geskors word aangesien hy met bewyse kan peuter tydens die ondersoek, soos hy al glo voorheen gedoen het.
Pillay word daarvan beskuldig dat hy ʼn sleutelrol gespeel het in die oprig van ʼn geheime intelligensie-eenheid binne die SAID ondanks die feit dat hy geweet het dit is ongrondwetlik.
Hy het na bewering die SAID in oneer gebring deur die “skelm gedrag van diegene wat aangestel is om onwettige bedrywighede uit te voer te magtig, of versuim om dit te verhoed”.
Volgens die berig het Pillay op bedrieglike wyse vroeë aftrede misbruik vir finansiële gewin en verkwistende en nuttelose uitgawes aangegaan.
Pillay en Peter Richer, groephoof van risiko en beplanning, het die arbeidshof genader nadat hulle op 5 Desember deur Moyane geskors is. Richer het egter ʼn skikking met die SAID bereik waarna sy skorsing tersyde gestel is.
Die Minister van Finansies Nhlanhla Nene sê hy is in konsultasie met die kommissaris van die Inkomstediens, Tom Monyane, oor hoe om die hartseer hoofstuk af te sluit.
Nene sê hy sal nie toelaat dat die onlangse gebeure die Suid-Afrikaanse Inkomstediens ontspoor nie.
Hy het onderneem om te verseker dat die Inkomstediens ‘n model-instelling bly.
Die minister sê hy sal aan die einde van aanstaande maand ‘n aankondiging maak oor die pad vorentoe.
Die oomblik as dit te warm raak vir sekeres dan word andere in die pad gesteek.
Ek lees nou ook op die lamppale dat Mantashe blykbaar sê dat Nkandla nie die ANC pla nie Dit wys hulle hoon vir die belastingbetalers en kiesers. Geen respek vir die mense wat hard werk nie. Dit kom altyd terug om jou te byt.
Nog kort terug hoor ek “Al wat nog reg werk is die SAID.” Ek is seker dat julle dit ook al vele kere moes hoor. Die argument dat hierdie regering alles opvoeter, so waarom nie die SAID ook nie, het net nie gewerk met hieride wensdenkers nie. ‘n Vriend wat baie met die SAID te doen het, het al ‘n jaar of meer terug vir my vertel dat al rede hoekom daar nog iets gebeur is oor die ou tannies wat daar oor is wat nog hul werk ken en doen, maar dat hulle ook al minder word.
Ons weet mos dat hierdie spul nie hul hande uit die SAID koekieblik sal hou nie.