Die polisie in die Wes-Kaap ondersoek ʼn saak van poging tot moord nadat ʼn voormalige ANC-raadslid, Andile Lili, Woensdagaand geskiet is.
Lili (39) en ses ander persone is in Julie in die Kaapstadse landdroshof vrygespreek op aanklagte dat hulle die Wes-Kaapse wetgewer met ontlasting wou ontsier.
Volgens die polisie het Lili, leier van die Ses’khona People’s Rights Movement Woensdagaand buite sy huis in Kaapstad geskiet. “Die polisie ondersoek ʼn saak van poging tot moord,” het kapt. Frederick van Wyk, woordvoerder van die polisie, gesê.
Lili is na ʼn hospitaal geneem. Die polisie kon nie Donderdag verdere besonderhede oor sy toestand verskaf nie. Volgens die SAUK is Lili in ʼn kritieke, maar stabiele toestand. Hy is glo ʼn paar keer geskiet.
Van Wyk sê die motief vir die skietery is nog nie bekend nie en niemand is nog in hegtenis geneem in verband met die voorval nie.
In Afrika geskied demokrasie op twee wyses, die een wat die ander aanvul: Een mens, een stem. En een politieke teenstander, een (of in hierdie geval sommer baie) koeëls. Jy wil byna sê, hoe groter die Afrika-demokrasie, hoe meer die koeëls. Ons sou ook van hierdie skietery kon sê, dis niks anders as ‘n vervroegde verkiesing gewees nie.
Mooi gestel.
Absoluut geen verlies vir die samelewing nie!
Ek gaan nou nie een traan stort oor n Poefie gooier nie,, dink persoonlik hy het te lig daarvan af gekom.