Die burgemeester, Kgosientsho Ramokgopa, sê die Metroraad wil die R25 miljoen van die organiseerders van die mislukte musiekfees verhaal.
Die fees op Cullinan oos van Pretoria, sou ‘n optrede van die Amerikaanse kunstenaar Nicki Minaj insluit. Die driedaagse fees sou eerskomende naweek plaasgevind het.
Daar was byna geen belangstelling in die TribeOne Dinokeng konsert nie en net 4000 van die 100.000 kaartjies is verkoop.
Ramokgopa het bewerings ontken dat die stad R65 miljoen op die misluke konsert verkwis het. Hy sê R40 miljoen was vir die “ontwikkeling van infrastruktuur”.
Die burgemeester sê van die R25 miljoen wat vir die konsert begroot is, was die helfte vir bemarking.
Volgens hom is 350 kunstenaars geïdentifiseer vir die vertoning, waarvan 70 persent plaaslik sou wees. Hiervan sou 40 persent van Tshwane wees.
Ramokgopa het gesê hulle kontrak met die organiseerders het voorsiening gemaak vir ‘n terugbetaling indien die konsert nie voortgaan nie.
“Ramokgopa het gesê hulle kontrak met die organiseerders het voorsiening gemaak vir ‘n terugbetaling indien die konsert nie voortgaan nie.”- Is hierdie nie dalk n geleentheid vir mnr Jaap Kelder nie. Die donner alleen weet dis onaanvaarbaar, geen ander manier om dit te se nie. Waar gaan water en ligte en erfbelasting ens ens eindig as hulle 25,000,000.00 Rand wil terugkry. Daai organisasie/familie wat die konsert gereel het gaan nooit as te nimmer die geld teruggee nie.Die belastingbetaler kan maar vergeet van terugeis.Al wat gaan gebeur is die wit melkkoei gaan maar net erens nog ????.00 Rand n maand moet uitkrap om vir die gelag te betaal….en volgende jaar dan is dit maar weer dieselle storie met een verskil……..die verliese is klaar vooruit betaal vir die volgende grappie.