Minstens 14 mense is Maandag beseer ná ‘n bomontploffing by ‘n treinstasie in Santiago, Chili.
Twee vroue verkeer in ‘n ernstige toestand.
President Michelle Bachelet het ‘n noodvergadering gehou met die minister van binnelandse sake, Rodrigo Penailillo, om die voorval te bespreek.
Die bom was binne ‘n vullisblik naby die militêre kollege geplaas. Dit is die derde bomaanval dié jaar.
Die regering het die aanval as “terreur” beskryf. Niemand het nog verantwoordelikheid vir die ontploffing aanvaar nie.
Die herdenking van die militêre staatsgreep deur genl. Augusto Pinochet op 11 September vind eersdaags plaas en is al voorheen deur bomaanvalle gekenmerk.