Die Amerikaanse weermag gaan toetree tot die stryd teen die ebola-epidemie in Afrika. President Barack Obama het dié aankondiging gemaak in ‘n onderhoud Sondag, maar hy het gewaarsku dit sal maande wees voordat die epidemie verlangsaam. Hy het op NBC se Meet the Press verskyn.
Obama het gesê dat, in sy huidige vorm, sal ebola nie die Verenigde State bereik nie, maar het gewaarsku dat die virus kan muteer en ‘n veel groter bedreiging vir diegene wat buite Afrika woon, inhou. Die president het aangevoer dat die dodelike aard van die siekte vererger word as gevolg van die gebrekkige openbare gesondheidsinfrastruktuur in Afrika.
Hy sê die Amerikaanse weermag sal betrokke raak by take soos die oprigting van afsonderingseenhede, die installering van toerusting en beskerming verskaf aan gesondheidswerkers wat met die siekte te doen het.
Die dodetal in veral lande soos Liberië, Sierra Leone en Guinee het reeds meer as 2000 lewens geëis. Meer as 30 sterftes het ook in die noorde van die Demokratiese Republiek van die Kongo voorgekom.
“Jy weet, soms sê die Amerikaanse publiek: ‘Hoekom geld mors op hulle?'” het hy gesê.
“Wel, deels, want as ons nou die korttermyn-belegging maak, kan dit werklik baie van dividende in die toekoms betaal.” Obama het gewaarsku dat dit in ‘n nasionale veiligheidsaangeleentheid kan ontaard indien die VSA nie optree nie.
Obama het nie besonderhede gegee oor die Amerikaanse weermag se toetrede nie, maar hy het bygevoeg: “As ons nie nou ‘n poging insit nie, en dit versprei nie net regdeur Afrika nie, maar na ander dele van die wêreld, is daar die vooruitsig dat die virus kan muteer. Dit raak makliker oordraagbaar. En dan kan dit ‘n ernstige gevaar vir die Verenigde State van Amerika inhou.
Labour force participation of white men 20yrs and older in US. No wonder they want a war in Africa to save the black man!