Berigte van intimidasie en geweld wat deur lede van die metaalwerkersvakbond Numsa gepleeg word, neem toe.
Numsa sal na verwagting Dinsdag vergader om planne te bespreek om die tweewekelange staking in die staal-en ingenieursbedrywe verder uit te brei.
Intussen het honderde metaalbedrywe oral in die land gesê hulle word deurentyd deur Numsa-lede afgedreig met geweld, vandalisme, klipgooiery en aanvalle op personeel en klante.
In Wadeville, Germiston is ‘n brandbom binne in ‘n kantoor geslinger, voertuie onder klippe gesteek en ‘n bakkie aan die brand gesteek.
Stakers spioeneer op fabriekspersele in Wadeville en laat weet mekaar per selfoon as hulle werkers, selfs nie-lede van Numsa opmerk wat opdaag vir werk.
By ‘n ander fabriek in Gauteng is 7 voertuie beskadig deur stakers wat nie deel van die personeel is nie en by ‘n ander is hekke afgebreek toe ‘n groot groep stakers met pangas voor die perseel opgedaag het.
In ‘n ander geval is ‘n opsigter by ‘n plastiekfabriek na buite gesleep en bewusteloos geslaan nadat stakers die hekke afgebreek het en die eiendom geplunder het.
Oproepe na die polisie het onbeantwoord gebly.
Dit volg nadat Seifsa die vakbond se eis vir ‘n skikking verwerp het. Seifsa sê Numsa se voorstel vir ‘n tien persent verhoging oor drie jaar, of alternatiewelik 10 persent vir elke jaar, is nie bekostigbaar nie.
Seifsa sê die huidige aanbod op die tafel wat tien persent in die eerste jaar behels, nege-komma-vyf persent in die tweede en nege persent in die derde jaar, is al wat hulle kan bekostig.
Sommige klein sakeondernemings sê die staking gaan hulle knak. Werkers wat nie lede van die vakbond is nie, eis ook van hulle vergoeding omdat hulle verhoed word om te werk.
Dit is hierdie tipe intimidasie wat nog ALTYD gewerk het met die volk – kyk maar na hoe die halsnoermoorde enige weerstand uit swart geledere teen die ANC in die kiem gesmoor het. Hier gebeur nou weer dieselfde en weereens is die regering te slap om hierdie geweld en intimidasie te keer.
Nee Rooikop, ek dink nie dis ‘n geval van te slap nie! Ek dink ons hare sal regop staan as ons moet WEET hoe staan die ANCC agter Numsa. Wee jy ek vertrou NIE EEN van hulle nie! Hulle bekke is groot teenoor mekaar in die publiek en vanaand klim hulle saam in een kooi!
Ook waar – nes die NP destyds en die DA vandag.
Nou wie anders kan agter die stakings wees as die ANC met
hulle adjudant Malema.
Die mense moet besig gehou word dat hulle die land moet lam
lê en alles in duie laat stort want dit is wat hulle nodig het om n kommunistiese
diktatorskap te bewerstellig.
En die massas dan te beheer met geweldadigheid deur die paar oorgewig
polisie en die paar weermag soldate wat darrem nog kan loop.
Al wat ek vir hierdie besigheids eienaars kan se is,om maar jou vuurwapen saam te vat werk toe.
Wanneer hulle dan kom en jou lewe bedreig ,skiet die wetters ,want heel duidelik doen die polisie
net mooi niks.