Die afgradering van Suid-Afrika deur graderingsagentskappe Standard & Poor’s en Fitch is ‘n bitter pil om te sluk, wat moontlik ernstige gevolge vir ons land inhou.
Uit my basiese kennis van onsmaaklike internasionale politiek, het ek toenemend skepties geword oor sulke stappe.
Natuurlik is daar probleme met die land se groeipotensiaal. Die regering, georganiseerde arbeid en die sakegemeenskap moet saam die skuld kry daarvoor. Maar watter entiteit baat by ‘n afgradering?
Die gevolge daarvan vir die geteikende land is enorm en die grootste verloorders is die armer dele van die gemeenskap.
Afgraderings sal lei tot die depresiasie van ‘n reeds swak rand, produkte en dienste sal duurder word, en ‘n algemene malaise sal beleggers elders lok.
Samesweringsteorieë kan die werklikheid soms ignoreer, maar my skeptisisme gee aanleiding tot ‘n baie werklike persepsie van ‘n alles-deurdringende Amerikaanse invloed in dié geval.
Ons het oor die jare waargeneem dat as die VSA nie hul internasionale oorheersing deur die militêre slaankrag kan bereik nie, gebruik die land graag finansiële spierkrag om die globale ekonomie te manipuleer tot hul eie selfsugtige voordeel.
Dit is waarom geen Westerse land dit waag om kritiek teen hulle uit te spreek nie.
Die enigste entiteit wat sal voordeel trek uit ‘n afgradering van Suid-Afrika is die VSA en die ryk Westerse blok wat die beursie van die wêreld van finansies beheer, want ons sal dan meer betaal om vir ons huidige en toekomstige lenings.
Die drie groot graderingsagentskappe is, verrassend, Amerikaanse maatskappye, en ondervinding het getoon dat sulke besighede is altyd uiters partydig teenoor die Amerikaanse nasionale belang optree.
Imogen Larsen
Dit mag in die Amerikaners se belang wees om ZA se kredietgradering op ‘n laer vlak te hê maar dit is die regering van die dag wat ALLES in hulle onvermoë doen om die ekonomie af te breek. Dit is haas onmoontlik om besigheid te doen. Die produktiwiteit in die land is naby nul. Die stakings en moorde en misdaad verlaag nog verder die vertroue in die regering om nie te praat van die spandabelrige mors van miljoene soos bv Nkandla nie.
Ek vra die vraag – wat sou ek oor ZA se gradering gesê het as ek dit moes gee? ‘n Absolute ronde NUL,
Ek vra die vraag: Vir wie werk Zuma?
als hij al werkt Gas ;-(
Wilde spekulasie – dit lyk egter of die Indiërs en die Sjinese ‘n goeie handjie daarin het – Kyk maar net aan die toegewings (Veral Shaik, Gupta ens) So dit is maar hoe ek reken hy aan sy vriende geken word.
Dink nie die vraag is “wilde spekulasie” nie.
Verseker werk hy vir Iemand… Iemand wat sorg dat hy wegkom met kriminele dade – wat ‘n brandsiek, onhollandse vark soos ‘n slapende kampioen merino laat lyk…
Ek stem saam met die vraag – ek het maar net ‘n klip in die bos gegooi met ‘n antwoord. Gegee dat hy vir bettie op die moddereiland gaan kuier het mag dit netsowel wees dat hy vir haar werk, of selfs die nederlandse opperhoofde gegee dat hy so graag wil hê Shell moet die karoo opmors.
Netso, Rooikop, netso. ‘n Mens wonder of hierdie slegte nuus is of goeie. Soos ek in die bespreking oor voormalige Afrikaanse universiteite opgemerk het: miskien is ons beste strategie om net stil te sit en te wag tot die hele kaartehuisie inmekaar stort en dan iewers weer iets te begin. Dus: hoe gouer hoe beter. Maar ek moet msikien nie so praat nie. Netnou skroef die Afrikaners in die Veiligheidspolisie my op!