Die platinumprodusent Lonmin het die eensydige voedselhulp aan die gesinne van stakende Amcu-mynwerkers bevraagteken.
Die bestuurshoof van Lonmin, Ben Magara sê die skenkings bevoordeel net die stakende vakbond se lede.
Hy het gesuggereer dat die hulporganisasies nie gelykheid onder werkers erken nie.
Die voedselhulp sal daartoe bydra dat die staking nog langer uitgerek kan word.
Magara sê indien die staking onbepaald voortgaan gaan, sal kinders ophou skoolgaan en daar sal op mense se huise beslag gelê word.
Die Moslemhulporganisasie, Gift of the Givers het ontken dat hulle slegs lede van Amcu in die staking-geteisterde platinumgordel help.
Platinummynwerkers sukkel geldelik as gevolg van die Amcu-staking in Rustenburg wat nou reeds in die vierde maand is.
Die woordvoerder van Gift of the Givers, Emily Thomas sê hulle werk saam met die plaaslike Marikana-komitee om die gesinne wat die ergste geraak word, te identifiseer.
Hulle sal nog lank staak en nog lank krepeer want Amcu president Joseph Mathunjwa leef in prag en praal. Sy kieste is vol en sy pens blinkvet saans. Wat sal hy nou omgee of op huise beslag gelê gaan word of kinders ophou skoolgaan.
Ja-nee hier is n klein foutjie.
Daar is baie wat terug werk toe wil gaan, maar hulle is mos met die dood gedreig.
Kry die regte moeilikheid makers en blix hulle.