Die busbestuurders wat die toevoerbusse vir die Gautrein beheer, het so pas ‘n onbeskermde staking in Johannesburg geloods, volgens Bombela, die Gautrein se bestuursmaatskappy wat vanoggend ‘n verklaring uitgereik het.
“Ek het nog nie enige besonderhede oor waarom die staking plaasvind nie, wat enkele ure gelede begin het,” sê die woordvoerder vir Bombela, Errol Braithwaite.
“Dis geheel en al ‘n wilde staking, aangesien die maatskappy geen stakingskennisgewing van die werkers ontvang het nie.”
Busse in Pretoria funksioneer steeds normaal op Vrydag.
Volgens Braithwaite word daar reeds onderhandelings met die bestuurders gevoer.
Al weer – die klomp gaan staak en staaaaaak en staaaaaaaaaak tot almal hulle eie nkandlas kry. Dan sal hulle weer staaaaaaak om al die onderhoud op ‘n plek soos daai te bekostig. Ek wens hulle wil staak………
Staak om te staak?
onder andere 🙂
“Geen besonderhede waarom die staking plaasvind nie”! Dit kan net hier gebeur!
Openbare vervoer kan geensins vertrou word nie. Die oggend kan dit nog goed gaan maar vanmiddag staak die lot. Dan sit mens gestrand. Kan glad nie pyl trek waar hierdie onbevoegde radikales in beheer is nie.
Sanral kort dalk bietjie meer verkeer op die pad –
Die bus bestuurders kan nie slaap op die “job” soos die polisie nie – hoe anders moet hulle n slapie inkry?
Dit is verstommend hoe hierdie prominente multimiljard vervoerdiens – infrastruktuur so maklik tot stilstand gebring word! Wat as Eskom dieselfde doen?