deur Johan Wiggill
Selfbeskikking vir Afrikaners geniet steeds ʼn mate van belangstelling maar die vermoë om dit te bereik, ontbreek. Daar blyk ook onduidelikheid te wees oor die betekenis en implikasies van interne en eksterne selfbeskikking. Dit wil voorkom asof daar beperkte kontekstuele begrip vir VN-deklarasies oor selfbeskikking bestaan. Daar is nog geen vordering in die verband gemaak nie behalwe as die registrasie by UNPO en die enkele klaagskrywes aan die RSA-regering en VN as vordering opgeneem word. Totdat die Afrikaners nie solidariteit bereik en hul wil tot onafhanklikheid strategies bepaal nie, sal die status quo gehandhaaf word. Inteendeel, die situasie sal vererger gemeet aan die mentaliteit van die huidige regering.
Daar word gepraat van selfregering op plaaslike vlak (kantonne) en ʼn potensiële volkstaat in die Noordkaap, en selfs ʼn gekarteerde Afrikaanse gebied wat bestaan uit dele van die noordelike provinsies, OVS en Natal. Alles net voortsettings van selfbeskikkingsretoriek. Kantonne beteken om te lokaliseer. Om langs etniese lyne te lokaliseer, gaan nie prakties uitvoerbaar wees in die RSA nie. Die RSA-Grondwet homogeniseer die RSA as ʼn reënboognasie en is dit onwaarskynlik dat kantonne wat etniese begrensing nastreef, wetlik geakkommodeer sal word. Alhoewel daar nog basiese skeiding tussen swart en wit woonbuurte is, is dit besig om te verander. Derhalwe gaan die gelokaliseerde kanton noodwendig alle bevolkingsgroepe insluit. Wat is dan met die kanton bereik? Die doel van kantonne is juis om selfregeringstatus aan Afrikaners te verleen op plaaslike-owerheidsvlak. Of is die doel net om plaaslike regering meer effektief namens die ANC te bestuur? Veiligheidsnetwerke en drukgroepe sal dalk ʼn beter indruk maak.
Die Grondwet van Suid Afrika maak voorsiening vir selfbeskikking in art 235 maar dit moet gelees word in konteks met die Grondwet en verbandhoudende internasionale deklarasies. In wese kom dit daarop neer dat state selfbeskikking verleen aan kulturele en godsdienstige groepe. Staatsoewereiniteit soos vervat in die uti possidetis-beginsel verbied en keur enige afstigting af wat die integriteit van behoudende landsgrense kan ontwrig. Art 235 maak dus voorsiening vir interne selfbeskikking. Niks verander aan die huidige wetgewing of gees in Suid Afrika nie; die Afrikaner se reg om sy kultuur en godsdiens te beoefen, word toegelaat mits daardie regte nie diskriminerend is nie. Die kernbeginsel is dat gemeenskappe in die Grondwet beskryf word en nie eksklusiwiteit van etniese groepe nie. Om derhalwe briefies te skryf aan die VN of selfs die RSA-regering met die versoek dat eksterne selfbeskikking aan die Afrikanergroep toegestaan moet word, is slegs die vestiging van ʼn nuttelose papierspoor.
Eksterne selfbeskikking word nie eksplisiet uitgesluit in die RSA Grondwet nie, maar dit skep struikelblokke om dit te bereik. Daar is inderwaarheid baie min konstitusies wat sesessie eksplisiet onderskryf. Buiten al die reëls wat bestaan, is eksterne selfbeskikking nie onbereikbaar nie. Daar bestaan kwalifiserende vereistes binne die politieke teorie wat aan ʼn volk die reg gee om af te stig waar hul oor ‘n gemeenskaplike taal, godsdiens, kultuur en etnisiteit beskik en die meerderheid ʼn spesifieke geografiese gebied beset. Die onderliggende kriterium is dat daardie volk solidariteit moet toon t.o.v. die kwalifiserende vereistes. Ongeag die swak ondersteuning vir die volkstaatgedagte is die Afrikanerpsige eerder neutraal as daarteen (skrywer se persoonlike mening). As die gedagte strategies gefundeer is en veld word gewen in die bereiking van eksterne selfregering kan met redelike sekerheid aangeneem word dat steun daarvoor ook sal toeneem.
Strategiese formulering vir selfbeskikking sal begin by ʼn analise van die sterkpunte, swakpunte, bedreigings en geleenthede vir Afrikaners. Dit is hoofsaaklik ʼn samevatting van inligting en prosesse wat reeds bekend is.
Front Nasionaal
Dit is verblydend dat ʼn paar individue die nodigheid van ʼn politieke front vir Afrikanerbelange insien. Dit sal van die bestuur afhang of dit net nog ʼn poging is en of dit die begin van Afrikanervryheid gaan beteken. Die breë raamwerk van Hannes Engelbrecht se Front Nasionaal is realisties en geskoei op die bevordering van Afrikanerbelange met die belangrikste komponent wat selfbeskikking in die vooruitsig stel.
Bekendstelling van die party se doelstellings aan alle Afrikaners is die hoogste prioriteit en die elektroniese sosiale media is uiteraard die medium waardeur dit effektief gedoen kan word. Daar is ʼn reeks strukturele verwagtinge wat sekerlik deur die party bestuur, aangespreek en implementeer sal word. Front Nasionaal se doelstellings en program van beginsels moet vanselfsprekend voldoen aan die verwagtinge van hul ondersteuners, maar ewe belangrik is dat dit sal aansluit by die eietydse internasionale sienings van selfbeskikking in al die dimensies wat dit voorkom en dat veral bestaande resolusies, deklarasies en teorieë korrek interpreteer sal word. Met spesifieke verwysing na Artikel 1.2 van die Verenigde Nasies Handves as vertrekpunt. Daardie artikel het byvoorbeeld nie ten doel dat selfbeskikking binne sesessionele konteks goedgekeur word nie.
Die edele motiewe van die Front Nasionaal, soos nou bekend, is egter nie verhewe bo konstruktiewe kritiek nie. Die opmerking “Selfbeskikking gebeur nie oornag nie. Dit sal waarskynlik nie in my, dr Dan Roodt of Gordon Fox se leeftyd gebeur nie. Dis ʼn lang proses wat stapsgewys gevolg moet word…” is onnodig en kan lei tot onderliggende verslapping in die doelgerigtheid van mense wat aktief wil werk na selfbeskikking. Selfbeskikking kan nie baseer word op waarskynlikhede nie. Dit is ʼn wilsbesluit en ten eerste moet Front Nasionaal deur sy doelstellings die Afrikaner en blankes in die breë, oorreed om die party te ondersteun met die uitsluitlike doel om solidariteit te bewerkstellig. Dit is ʼn vooruitsig wat uitstaande visie en leierskap gaan verg. Die strewe na selfbeskikking is multidimensioneel met potensieel veelvuldige manifestasies. ʼn Passiewe administratiewe proses gaan nie selfbeskikking laat realiseer nie. Vryheid word nie gevra nie, dit word bereik deur aksies op alle terreine. Sodra die gedagte vlamvat, is daar nie tyd aan te koppel nie.
Met die opmerkings in voorgaande paragraaf word onmiddellike konstitusionele optrede en kultuurherlewing nie negeer nie. Daar bestaan redelik aktiwiteite in dié verband en behoort die totale beweging konsolideer te word onder die vaandel van ʼn progressiewe politieke party wat hopelik Front Nasionaal sal wees. Daar is geweldig baie werk vir Front Nasionaal om ʼn evalueerbare barometer te skep met sy verkiesingsuitslag. Gegewe die kort tyd vir voorbereiding voor die verkiesing sal tendensbepaling met ʼn volgende verkiesing wel gedoen kan word. Miskien is daardie verkiesing in ʼn onafhanklike Afrikanerstaat.
Baie dankie vir hierdie rubriek Mnr Wiggell. Ek het volle vertroue in bestuur, spesiale dank ook hiermee aan Dr Roodt.
Soos tereg gestel in die skrywe, selfbeskikking dalk nie in ons leeftyd nie, maar vir ons kinders en afstammelinge.
U het reeds my stem. Mag FN van krag tot krag gaan.
Sien uit na gereelde opdaterings in die verband.
Dankie, Trippie. Ons sal gereeld daaroor berig.
Baie dankie vir ‘n uitstekende artikel Johan. Soos tereg sal daar nog baie water in die see moet loop voordat selfbeskikking ‘n werklikheid word. Solank daar oor gepraat word wys dit die nodigheid daarvan. Myns insiens, solank daar 3 000 en meer siele in ‘n volkstaat kan wees dan kan dit eers selfonderhoudend begin raak. Dokters, tandartse, motorwerktuigkundiges ens sal dan ‘n lewe kan maak. Hoop dit kan nog in my tyd gebeur.
“Dis ʼn lang proses wat stapsgewys gevolg moetword…” is onnodig en kan lei tot onderliggende verslapping in die doelgerigtheid van mense wat aktief wil werk na selfbeskikking -”
*
***** Stem volkome saam hiermee**********
*
Dit gee mens die persepsie dat FN net nog ‘n VF+ is.
Meer as twintig jaar het al verby gegaan, en absoluut niks het uit hulle bestaan gerealiser nie.
Johan jy kan gerus maar die Skeidsregters rol hier speel, en raporteer as jy sien waar dinge ontspoor.
Jou raad aan mense “Op straat”, en nie net FN nie, sal help om die regte denke te kweek. Dit is waar die sukses in die eerste plek vandaan gaan kom.
Ek het nie eintlik saamgestem met Hannes Engelbrecht se stelling dat ons so lank sal hoef te wag nie. Alles hang van die volkswil af. Geen regering en geen ryk of empaaier, allermins ons Bantoe-empaaier, kan ‘n volk wat na onafhanklikheid en vryheid smag, verhoed om dit te verkry nie. Kyk ook na die voorbeelde van die Baltiese state en Slowenië tydens die vroeë jare negentig. Die Baltiese state het as’t ware hul vryheid ΅losgesing” met nasionalistiese liedere terwyl Slowenië binne ‘n jaar, dog ná ‘n kort burgeroorlog, onafhanklik van die ou Joego-Slawië geword het.
Slowenië: http://en.wikipedia.org/wiki/Ten-Day_War
“Sangrevolusie” in Baltiese state: http://en.wikipedia.org/wiki/Singing_revolution
Korrek. Hoe langer hierdie Selfbeskikkings idiaal sloer, hoe minder weet die jeug waarom, en gaan maa aanvaar dat dinge maar so moet wees.
Seker vandaar waarom die “Ou” mense verwyder moet word.
Jy mag nie eens na die vorige bestel hunker nie, en nog minder dit met die jonger mense deel.
Behalwe vir die positiewe kommentare hier op Praag en ander Konserwatiewe Internet bewegings, is die Afrikaners gatvol vir hierdie NSA, en dit kan duidelik gesien word in die kommentare van die Naspers groep koerante.
FN het net betyds opgedaag.
absoluut Dan.
De ‘omstandigheden’ in ruime zin kunnen ook nog veranderen in Zuidelijk Afrika zelf, en daarbuiten !
Dit onrechtvaardige juk is maar beperkt houdbaar en rammelt aan alle kanten.
Baie goeie skrywe Johan en ek stem ook saam met jou standpunt omtrent “Selfbeskikking gebeur nie oornag nie”
Gewis nie oornag nie. Elke mens het seker sy persepsie rondom die betekenis en tydsduur van “oornag”
Vir my is daardie tydperk wat betref “Selfbeskikking” iets wat ons in die volgende twee jaar moet bereik.
En dit kan gedoen word mits al die Afrikaners voorvatters soos Dr Dan Roodt, Sunette, Jaap Kelder, Steve en vele ander, hulle magte saamgooi in hierdie nuwe Front Nasionaal.
Doemprofete MAG GEEN insette lewer nie. Hulle het hulle kans gehad, en ‘n groot gemors daarvan gemaak. ( Om dit beskaafd te stel)
Hierdie is ‘n baaaaaie goeie nugtere artikel Johan – baie dankie.
Dit herhinder aan die definisie van ‘n mislukte staat deur een slim ou:
absoluut direk van toepassing op ons sogenaamde selfbeskikking droom.
Ons / Praag/ FN /VF+ / VVK / HNP kan maklik verval in .” …’n magtige leer wat nêrens in besonder heen oppad is nie maar slegs voortdurend besig is met sy eie ongevalle…”
Dit was presies wat met die NP / NNP gebeur het – onthou u?
Dis ook presies waarheen die ANC oppad is, want:
” ‘n Staat / of enige organisasie is soos ‘n masjien wat se olie [rykdom] mooi versprei word na al die nodige plekke. Maar as die masjien breek dan graviteer die olie [geld] na die maghebbers en skurke se sakke – wat gewoonlik dieselfde mense is.”
Intussen speel ons individuele selfbeskikking laat dit bars met ons vaardighede en dit sal balladruk gaan [rugby natuurlik dames 🙂 ] om ‘n beter finansiele opsie model te kan skep behalwe as dit gaan oor veiligheid en sekuriteit en eiendomsreg
So het Prof Carl Boshoff voortdurend gepleit het: selfbeskikking = grondgebied = eiendomsreg = selfbeskikking Sonder grondeiendom is alle ander regte in gevaar;
Regter Sutherland het selfbeskikking so beskryf : [self determination]
“…… life, liberty, property. These three rights are so bound together as to be essentially one right. To give a man his life, but to deny him
his liberty is to take from him all that makes life worth living for. To give him his liberty , but to take from him the property which is the fruit and badge of his liberty, is to still leave him a slave. The next step in the logical chain ( after life,liberty, property ) is privacy – the right to be unmolested, left alone. Without this right (of privacy) each of the other three is compromised and vulnerable to destruction by an omnipotent state.” (Supreme Court Judge Sutherland).
Daar is geen ander opsie as die Orania Kleinfontein kibbutz opsie wat hoegenaamd sal kan voldoen aan die vereistes wat die Regter stel nie
Finansieel kry ons reeds die beste rentes vir ons beleggings in ons streeksontwikkeling van ons eie grondgebied.
Wat kan enige party / stemreg / buiteland ons meer bied?
Goeie skrywe wat heelwat waarhede op ‘n nugtere wyse identifiseer.
‘n Aantal van die harde realiteite wat in die weg van ‘n strewe na selfbeskikking staan, word op beredeneerde wyse uiteengesit.
Die heel eerste sin van hierdie skryfsel is mynsinsiens een van die mees belangrike werklikhede wat prioriteitsaandag behoort te geniet:
“…Selfbeskikking vir Afrikaners geniet steeds ʼn mate van belangstelling maar die vermoë om dit te bereik, ontbreek…”
Die probleem hiermee is heel eenvoudig Sjert. Ons is almal daarvan bewus dat daar wel aan gewerk word. Oase, VF+, en VVK ens.
So een of tweemaal per jaar kry ons so ‘n bietjie inligting van hulle af, maar dan raak dit weer stil.
Ek het al gewonder of dit nie moedswilligheid is wat doelbewus in plek geplaas is om ons valse hoopte gee nie.
Dit was op ‘n stadium die VF+ se groot trekpleister vir stemme, en ons ken die geskiedenis.
Ek merk dat Front Nasionaal beter bemark word by BKA ( Boere Krisis Aksie) as hier op Praag self.
?????????????????????????????????????????????????????????
Arnie – Hoe beter? Hier lewer jy dan kommentaar by n ellelange inligtingdstuk?
Eerder oral as beter. Gaan kyk.
Niks fout daarmee nie, en dit is gaaf.
Ek sou net wou sien dat Praag die HK moet wees. Oral word daar terug verwys na Praag, en dan vind mens nie veel as jy hier opdaag nie.
Hoekom was daardie inligtings stuk nie hier geplaas nie? Ek moes dit elders gaan haal het, en hier kom plaas het op Praag. ‘n Paar mense wou weet waarvoor Front Nasionaal staan, en dit is waar dit gebly het.
Arnie bedoel jy dat daar n blokkie permanent moet wees
waarop n mens kan klik en dr. Dan – Leon Lemmer en al die artikels en nuwe inligting oor die party moet kan lees?
Ek dink dit is wat in die vooruitsig gestel word deur Praag
bestuur, maar ek praat onder korreksie.
Dit is ‘n baie gawe plan Riempies. Die Front Nasionale “Logo” is orals elders te sienne behalwe hier op Praag waar dit hoort.
Gaan kyk hier. Waarom is dit nie ook hier nie????
https://www.facebook.com/pages/Boere-Krisis-Aksie-BKA/116298045063416?id=116298045063416&sk=events
Oor die toorwoord ‘liberalisme’ [ ek sien in die Burger worstel en wurg die lot steeds daaroor.]
Ons besef laaaaankal dat Tsafendas inderdaad Liberalisme vermoor het.
Dat Pratt die Vrymesselaar en die Nazis inderdaad in die plek van Verwoerd se Christen veelvolkige liberalisme ‘n soort reenboog fasistiese staat opgerig het met die wittes as minderheids diktatuur.
Dit het 40 jaar gevat om uit te sterf en noodwendig oor te gaan in ‘n meerderheids diktatuur.
Veelvolkige selfbeskikking is dus essensieel ‘n liberalistiese strewe – ontsnapping uit die tronk van ‘n meerderheids tirranie.
Verwoerd se apartheid was inderdaad ge-ordende liberalistiese selfbeskikking van individue in volksverband.
Of hoe?
Nog iets om weereens en altyd aan te kou / dink:
100 jaar gelede is die ABO gewapende roof veroorsaak deur vreemde arbeid.[die sogenaamde Uitlander kwessie op die myne.]
100 jaar later was dit weer dieselfde gebeure. – gewapende roof agv presies dieselfde oorsaak naamlik volksvreemde arbeid.
Die vloek van die IT Deskundiges het ons volk twee maal verwoes.
[Impi Tsotsis operateurs.
Al die skurke en kriminele van die wêreld se verbeelding word aangegryp deur die goedkoop IT kontrakteurs beskikbaar in Tsafendastan:: Kotze, Henning, Vorster, Duwani,, Krecher [spelling] Jackson – – te veel om te noem.
Kontrakmoordenaars is die goedkoopste in SA.
En die Boere is die voorbokke en IT deskundiges.
Nou het Dagga Zille ook gedink sy sal die IT triek traai nadat sy van die wittes misbruik gemaak het.
En so sal die geskiedenis herhaal word met verwoestende gevolge vir die DA.
[opgedra aan al die IT deskuniges]].
Dis hoekom Afrikaners geen ander keuse het as om proses wat die internasionale reg bied te gebruik om hul selfbeskikking te bereik. Om binne die RSA grondwet iets te probeer bereik sal op niks uitloop nie want dit is afhanklik van die ‘meerderheid’ se toegewing wat neerkom op n verandering in die grondwet.
Afrikaners moet eerder kyk na hoe onlangse suksesvolle afskeidings deur ander volke bereik is en hier verwys enk na Kosovo en Suid Soedan as maar twee voorbeelde. Daar is ook ander volke wat die weg na onafhanklikheid loop, soos die Skotte, wat hierdie jaar hul referendum vir onafhanklikheid hou tenspyte van teenstand deur die Britse regering. Die Kataloniers is ook besig met dieselfde proses , sowel as die Flaminge en die Duitster in Noord Italie. Afrikaners kan dieselfde proses volg om onafhanklikheid te kry selfs al weier die RSA regering. Die internasionale reg en internasionale gemeenskap erken slegs self-beskikking op grond van etniese verband soos wat die Internasionale Konvensie vir Politieke en Burger Regte in Artikel 1.1 dit stel: ‘All peoples have the right of self-determination. By virtue of that right they freely determine their political status and freely pursue their economic, social and cultural development.’
RSA is n ondertekenaar van die konvensie wat beteken dat dit van toepassing is op Suid Afrika.
Dis tyd dat Afrikaners hierdie geleentheid aangryp en werk maak daarvan ipv aan te pleotyer met planne wat afhanklik is van die regering as wil en wee.
Baie oortuigende argument Chris
Hoe het die republiek van dr Verwoerd se internasionale status gelyk?
En van die Boere republieke van die geskiedenis ?
Hoe het hulle hul soewereiniteit as state gekry?
Kan mens vir selfbeskikking kwalifiseer sonder grondgebied – is die kwessie?
Al verwerf ons net ‘n soort buitelandse Balfour beginsel – soos met Israel destyds gebeur het.. Met Israel het daar nog 30 jaar verloop en n gewelige vervolging en lyding voordat hulle na hul eie grondgebied uit ballingskap kon terugkeer.
Orania het reeds internasionale erkenning al is dit premordiaal maar dis daar as streeks ontwikklingsplan
Dag Willieboer.
Ons Afrikaner politiek het ‘n soort “Sekte” geword, net soos jy met die Kerke ook kry.
Groot doop, klein doop, versuip doop, wegraping, Dooms day Prophets, sewende dag advontiste, en so neuk dit aan en aan.
Almal gebruik een en die selfde Bybel.
Ons Afrikaners se politiek werk presies so.
Elke Selfbeskikkings Organisasie het sy eie Profeet, en sy klein groepie wat hom steun.