Die Arbeidshof sal vandag beslis of ‘n staking in die goudmynbedryf kan voortgaan, terwyl samesprekings in die platinumsektor weer môre hervat word.
Die hof in Johannesburg moet uitspraak lewer of die vakbond, Amcu se beplande staking by goudmyne in die land beskermd sal wees. Goudprodusente wat deur die Kamer van Mynwese verteenwoordig word, betwis die wettigheid van die staking.
Samesprekings om die loonstaking by platinummyne te beëindig, het gister in Pretoria geëindig sonder dat enige ooreenkoms bereik kon word, het RSG berig.
Vakbond-onderhandelaars sê hulle kon nie tot die aanbod instem wat die mynmaatskappye voorgelê het nie.
Werkers by Amplats-, Implats- en die Lonminmyne staak sedert verlede Donderdag. Hulle eis ‘n maandelikse salaris van 12-duisend-500 rand. AMCU se hoof-onderhandelaar – Jimmy Gama – sê daar sal vandag weer met lede onderhandel word voor samesprekings môre hervat word.
Sowat 300 lede van Amcu betoog elke dag by Anglo American se Twickenham platinummyn buite Burgersfort in Limpopo, sedert die staking in Noordwes verlede week begin het.
Die provinsiale woordvoerder van Amcu, Zeb Mabilu sê daar was sover geen voorvalle van geweld of intimidasie nie.
Hy sê die stakende Amcu-lede kry heelwat simpatie van werkers wat nie aan Amcu behoort nie, maar wat ook glo dat R12.500 ‘n regverdige salaris sal wees.
Hierdie ANC regering sal eers hulle eie huis in orde moet kry voor hulle ordelikheid van hulle stemvee kan verwag. Die ANC kan nie die voorbeeld van “maak soos ons wil” stel – en dan van hulle stemvee verwag om nie dieselfde te doen nie.
Hulle probeer hulle bes om die land bankrot te maak.