Die helfte van die wêreld se platinummyne kom vandag tot ‘n stilstand wanneer lede van die vakbond, Amcu vir beter salarisse begin betoog, het RSG berig.
Amcu-lede sal by Implats, Anglo American Platinum en Lonmin staak. Implats het bekendgemaak dat hy sy bedrywighede in Rustenburg sluit om sy werkers te beskerm. Werkers wat vir diens aanmeld sal egter steeds betaal word
Die Arbeidshof in Johannesburg het intussen beslis dat Amcu nie kan voortgaan met sy beplande staking by goudmyne nie, totdat die hof op 30 Januarie oor die saak uitspraak gelewer het.
Amcu sou ook by talle goudmyne begin staak het. Die Arbeidshof het besluit dat hy meer tyd nodig het om die voorlegging van alle rolspelers te oorweeg.
Die Kamer van Mynwese het die uitspraak verwelkom en gesê hul grootste prioriteit is om werkers in te lig dat hulle vir skofte moet aanmeld.
Die president van Amcu, Joseph Mathunjwa, het op sy beurt gesê hulle beskou die uitspraak as ‘n oorwinning.
Die myne behoort aan buitelanders – hoe kan die plaaslike regering inspraak hê op hulle werkers?
Hierdie is ‘n lekker slenter om die myne te nasionaliseer. Ek weet dat die mynhuise al vir ‘n geruime tyd werk aan tegnologie om die handearbeid uit die proses te haal – eerstens omdat hulle op verskeie plekke te diep moet myn (80 grade omgewingstemperatuur) en omdat dit te gevaarlik raak (die koste aan lewensverlies is te hoog). ‘n Logiese uitvloei hiervan is meganisasie met die gepaardgaande verlies aan werk vir ongesoolde arbeid.
Die een ding van ongeskoolde arbeid is dat baie van daardie arbeiders, al het hulle ander geleenthede gehad, dit nie benut het nie. (Ja daar is baie wat min of geen geleenthede gehad het nie en hulle kry ek jammer). Die een ding waarvan te min van hulle beskuldig kan word is fluksheid.
Amerika het seker ‘n tekort aan platinum. Probeer alles in hulle vermoë om die voet in die deur te kry. Olie is vir eers uitgesorteer.