Norman Arendse het gister aangekondig dat Krieket Suid-Afrika hulle plaaslike ooreenkomste met die Zimbabwiese Krieketunie gaan opskort. Krieket Suid-Afrika het teen die internasionale isolasie van Zimbabwe geveg, maar sê nou dat die verslegtende situasie in Zimbabwe hulle noop om hulle posisie te heroorweeg.
Arendse sê hulle sal nietemin aanhou om hulle neer te lê by die Internasionale Krieketraad se toekomstige toerprogram wat Zimbabwe betref, omdat hulle as 'n volle lid van die Raad verplig is daartoe.
Suid Afrika se volgende reeks met Zimbabwe is geskeduleer vir September 2010, in Suid-Afrika.