‘Polisie sal nie onwettige oproer by myne duld nie’

Nathi Mthethwa
Nathi Mthethwa

Die Minister van Polisie, Nathi Mthethwa, sê die regering sal nie anargie en wetteloosheid tydens dienslewerings-en arbeidsverwante betogings in die myngebiede duld nie.

Mthethwa het buite Burgersfort in Limpopo gepraat waar hy die provinsiale Mynmisdaad-bestrydingsforum bekendgestel het.

Verskeie gewelddadige betogings het vanjaar by myne op Burgersfort, Thabazimbi en Phalaborwa uitgebreek. Die minister sê die betogings behoort binne die raamwerk van die wet te geskied.

Hy sê hulle is daarvan bewus dat daar altyd mense sal wees wat gemeenskappe om die verkeerde redes opsweep en deur middel van dié forum sal die polisie seker maak dat hulle saamwerk om sulke wetteloosheid te keer.

Mthethwa sê gewelddadige openbare betogings vermors polisiehulpbronne wat eerder gebruik behoort te word om geweldsmisdade te bekamp.

Lede van die vakbond, AMCU, het weer by Anglo American Platinum vir werk aangemeld. AMCU het Donderdag amptelik aangekondig dat die staking wat op 27 September begin het, verby is.

Die president van AMCU, Joseph Mathunjwa sê hy sal later volledig terugvoer gee oor waarom die arbeidsoptrede opgeskort is.

Die vakbond het geëis dat die aflegging van meer as 3 300 werkers gestaak word. Die bestuur van Amplats het in hul verduideliking gesê hy sal sowat 1 250 werkers vir die volgende ses maande behou om met herwinningsoperasies in Rustenburg te help.

Die res het vrywillige skeidingspakette aanvaar. Amplats het tydens die staking sowat 44 000 onse platinum verloor. – RSG

59 thoughts on “‘Polisie sal nie onwettige oproer by myne duld nie’”

  1. “… die regering sal nie anargie en wetteloosheid tydens dienslewerings-en arbeidsverwante betogings in die myngebiede duld nie. ”

    En … is dit nie wetteloosheid wanneer ons Blankes geterroriseer, verkrag en vermoord word in ons eie huise, kapings by robotte, ens. Dit duld julle, die korrupte regering !!!!!!

    Maar so ken ons julle – VAS AAN DIE SLAAP en salig “onbewus” van dit wat werklik belangrik is !

    1. Swak foto dis onwaar!!!!!!!

      Hierdie mense maak net ogies toe voordat die hoender opgedis word.
      Die ‘mamma’ aan die linker kant probeer die honger pyne stil deur drukking op die hol kol te plaas, die “Sleeping Beauty” langs haar bid:” oh my got I feel like a tjikon wiv vis fercoat in the summar”
      Slem, Jan voor, kyk na links om te sien waar die kos trollie nou trek.
      Die incredible Bulk regs met die blou hemp, check die menu op sy nuwe S4 Samsung, nee mense die mense werk hard, gun hulle die tjikon.

          1. Nou-ja, ek sit nou aan by Kream oorkant Brooklyn Mall – sopas my bord teruggestuur – ek hoor nog die bees bulk.

          2. Ek het nog net twee keer daar gaan eet en elke keer het een van ons siek geword. My vrou was die laaste keer twee dae af siek in die bed nadat ons daar geëet het – hulle sien my nie weer nie.

          4. Gewoonlik bestel ek my kos net so duskant houtskool – en selfs dan het ek by die plek siek geword.

          5. Jy al by A’la Turka Restaurant (Irene Village Mall) ge-eet ?
            Lekker atmosfeer en kos uit die boonste rakke !

          8. Oeeee mammie se kind dit lyk LEKKER!!!! Flippen hel my bek water nou behoorlik! (ek eet ok nie vleis nie, gril my dood)

          10. JY GAAN REGTIG MOET VERANTWOORDING DOEN VIR HIERDIE VERSOEKING!! Ek kan nie wegbly van die bleddie prentjie nie! Ag nee man!

          11. Eet dikwels by Baobab, Menlyn, almal eet voorgereg en hoofgereg – ek nie, eet SLEGS hul Peppermint Crisp tert – dis heerlik !

          16. As dit maar al is…..wat van vryf die vleis aan die onderkant van jou skoen? Gebruik ander ou borde se “garnish” en en en??? Spoeg is die MINSTE wat kan gebeur!! Ek kla nie…sê net lekker k.k, lekker k.k en sluk!

          17. HaHaHa.

            Wat is erger as om ‘n haar in jou kos te kry? As dit ‘n kroeshaar van onbekende oorsprong is.

            Maar wat is nog erger? As jy dit eers agterkom wanneer dit in jou mond is. Ek het al groot manne by die dood sien omdraai as dit met hulle gebeur. Ek het al so gelag dat ek nie kan asem kry nie. Dit laat my onmiddelik dink aan Kevin Bloody Wilson.

            http://www.youtube.com/watch?v=Icyougm-mRg

          20. Ratel, die ongeluk sal MY altyd tref as dit by hare in die kos en mond kom … ek KOTS dadelik en jy kry die verdomde ding nie van jou tong af nie … !

            Vleis maak my net so naar. Veral as ek daardie dingetjie sien (ek dissekteer mos vleis) wat lyk soos ‘n dun hoederekkie … of ‘n sening of drillerige vet.

          21. O ‘n vet tjoppie, of ‘n lekker sappige rump met ‘n ordentlike vet, met babiekie spice en Jimmy’s. Julle kry mos nie Jimmy’s daar by julle nie.
            Biltong of hoenderkerrie met lekker los tastic. Jy kan my in ‘n wip vang met vleis.
            Jy kan my in die middel van die nag wakker maak met afval, of met ‘n varktjop met woestersous en suurlemoen, waarvan die vel crispy is en die vleis nog sappig is.
            Ek wonder of ek die vuur moet gaan aansteek?
            Ek kook ‘n hond uit ‘n tyre uit, g’n wonder my eks vrou raak nou eers maer nie.

          22. Ag nee RATEL !!!!

            Afval ook nog …

            Al waarmee ek saamstem – Tastic rys inderdaad, worcestersous en suurlemoen. Ek eet darem kaaiings (weet nie hoe spel mens dit nie) – maar dan moet dit so hard soos klippies wees.

          25. Ratel ‘n vinnige tip. Om daardie vark se vel lekker critspy te kry smeer hom met koeksoda. Wat is Jimmy’s? Lekker skaap kop, vra vir Trippie, daardie tong, harsings en wang vleis?

          26. Jimmy’s is ‘n marinade wat ‘n ou in die Kaap kan koop. Uistekend saam met meeste vleis as’n ou van gemarineerde vleis hou. Ek gebruik dit saam met barbeque speserye want dit het te min oemf volgens my, maar steeds beter as die ander tipes marinade wat ‘n mens gewoonlik aantref.
            Ek het grootgeword aan die weskus met skaapkop, kreef en bokkoms.
            O ja, en ek wou byvoeg, om varkvel crispy te kry vat ek gewoonlik gewone sonneblomolie met baaaie sout en vryf die vel daarmee. Die sout trek die water uit en die olie laat dit ‘n bietjie brand.

          27. Toe ons nog kinders was het ons die wild wat geskiet word se koppe net so begrawe en vuur bo op gemaak. So na 6 ure trek jy daardie vel net af en eet.
            Ek het nou kort iewers gelees hulle verkoop die skaapkoppe vir, ek is nie seker nie, maar dink vir R80. Hulle noem dit smillies en verkoop tot 200 per dag.
            Bly maar konings kos, vra vir Trippie

          28. Daai afval het ‘n baie positiewe houding. Sy kop is af en hy kom uit die oond, maar kyk net hoe grin hy nog.

          31. Hoef nie TV te kyk om dit te weet nie! Flippen hel het JARE terug as kassiere by ‘n restaurant gewerk vir ekstra geldjies. Ek het nie eens ‘n voorgereggie geëet daar nie. Sal NOOIT vergeet ‘n kliënt het een aand gekla oor sy ribbetjie en gesê dit proe soos nageboorte! Ek wou toe weet waar het hy dit al geproe! Sjoe…..sal ons nie verder daar ingaan nie!

          34. Ratel dit kan ek nog hanteer maar ek sal nooit ‘n bul se tong eet net ‘n koei sn want mens weet nooit waar was daardie bul se tong in nie!

          35. Omtrent min of meer in dieselfde klas as ‘n hoendereier. Ten minste kan ‘n ou nog die eier afskil.

          36. Eet nie gekookte eier nie – daardie dingetjie wat lyk soos nageboorte moet EERS verwyder word. Roer-eier vir my.

          40. Aanvaar jy eet net Vanilla koek. As jy eendag kom kuier, sal ek spesiaal vir jou bak he he – met icing in en op.

          43. Goed om julle almal weer te sien vandag!!! Ek het julle gister gemis maar ek was darem in gees daar!!!!

          45. Dieselfde hier! Ek is net so geskok as ek sien hoe verloor party ouens hulle “tyres” hier dat hulle net op die “rims” rond screech!!! Dit alles in die aande wat ek HEEL rustig verkeer sonder giftige angels!

          2. Hulle kan nog murg uittsuig…. en hulle is so lief vir murg!!! so jy is NIE veilig nie! (veral nie na daai peppermint tert nie!)

  2. Soos ek gesê het dat daar nie ‘n papier rondgelê het, nie ‘n asblik omgekeer was, geen brande gestig was en nie ‘n enkele motoris onder die klippe gestook was met gister se Rooi Oktober optog nie. Die polisie was oorbodig daar want daar is baie belangriker sake wat hulle aandag verg soos moorde en misdade.
    Ons is maar net duidelik opgevoed en in ‘n ander klas!

  3. Onwettige oproer op ander plekke? Dit duld julle. Plaasmoorde? Dit duld julle.
    AMCU is nie onder die ANC beheer nie en daarom wil julle hulle aan bande lê – onthou die ANC het die grondslag gelê vir hierdie geweldadige protes van die 60s tot die 90s en nou verwag julle dat mense anders gaan optree?

Maak 'n opvolg-bydrae