‘n 32-jarige man is Donderdag in hegtenis geneem nadat die ontbinde lyk van IT-kundige in die kattebak van sy motor by Montecasino ontdek is.
Sowat R80 000 is ná die moord uit Dustan Blom se bankrekening onttrek.
’n Ontkleedanseres het Woensdag in die hof verskyn ivm die moord op Blom.
Die 24-jarige Marushcka Robinson sal in aanhouding bly tot haar volgende hofverskyning. Robinson is ’n dag nadat die lyk ontdek is, in hegtenis geneem.
Die polisie was op soek Robinson se vriend, Jean-Pierre Malan, om hulle met die ondersoek te help.
Die tweede verdagte sal van moord aangekla word en sal binne 48 uur in die hof verskyn.
Die motief vir die moord word nog ondersoek.
Die 36-jarige slagoffer se vrou, Talita, is vroeër vanjaar oorlede nadat sy die lewe geskenk het aan die paartjie se tweeling. Die tweeling is in die sorg van Talita se familie, berig The Star. – Sapa
Liefde vir geld bly maar ‘n euwel !
Waar bring dit die twee nou ?
Wat van die tweeling … dis net hartseer.
Dit kom van gulsigheid. ‘n Jong lewe is lekker verwoes. Soveel hartseer het hierdie moordenaars gelos aan die oorledene se geliefdes.
Laat die reg sy gang gaan en laat reg en geregtigheid geskied.
moet die kaalgat danser nou die arme man ook uitgetrek het. wonder hoe sy daai oranje oorpak in die selle gaan uittrek terwyl sy “ontklee” Hoop sy dink elke dag aan die tweeling wat agterbly, goedkoop tert.