Die regering het ‘n konsepbeleid oor intellektuele eiendom gepubliseer wat verreikende gevolge vir farmaseutiese patente kan hê.
Belangegroepe het die stap geloof as ‘n tree nader aan laer medisynekoste.
Indien dit aanvaar word, sal die hervormings die produksie van goedkoper generiese medisyne vergemaklik.
Die groepe Dokters Sonder Grense en die Treatment Action Campaign sê die beleid skep die forum vir veranderings wat beloof om die medediging in die farmaseutiese sektor te verbeter .
Volgens die huidige wetgewing het maatskappye toestemming om patente vir ‘n onbepaalde tyd te hernu.
Dit stel maatskappye in staat om die lewe van hulle monopolieë te verleng, die mededinging van generiese vervaardigers te stuit en hoë pryse te hef vir medisyne in sowel die openbare as die privaatsektor. – RSG
Fantasties! Indien jy nie kopiereg verstaan nie en wil sien hoe belaglik die hele storie raak … doen jouself ‘n guns en kyk die dokumenter. Dit wys ook duidelik hoe Privaat instansies alles wil reguleer :
http://vimeo.com/8040182
Hulle leer goed by die Sjinese – As jy nie meer jou harde werk deur patente kan beskerm nie hoekom dan moeite doen? Die mense werk hard en spandeer baie geld om hierdie produkte te ontwikkel – nou mag hulle nie die voordeel daaruit trek nie?
Ek stem saam medisyne is pes duur maar so is die dokter wat dit vir jou voorskryf. Die winsgrense waarop die mense werk is absurd. Tussen R400 en R600 vir minder as 10 minute by die algemene praktisyn! Dit net omdat ek ‘n voorskrif nodig het vir die gif wat my probleem gaan uitsorteer. (Die uurtarief werk rondom R3000 per uur uit – wie kan oorleef as jy sulke kostes moet betaal?)
Die een ding wat ek egter as ‘n groter probleem sien is die stabiliteit van ons geldeenheid. Met rand in sy pekie het elke pilletjie nou weer met 40% gestyg oor die laaste 2-3jaar. DIT net omdat ons ‘n regering het wat spandeer asof daar nooit ‘n einde aan kan kom nie.Sorteer DAARDIE gierigheid uit en dan is dit nie nodig om nog mense se hardverdiende intelektuele kapitaal te steel nie.