Die metaalwerkersvakbond Numsa sê duisende van sy lede in die motorbedryf begin vandag staak. Dit sluit petroljoggies en vakbondlede by onderdelehandelaars, paneelkloppers en motorwerkswinkels in.
Motoriste is gewaarsku om seker te maak dat hulle brandstof het voordat petroljoggies Maandag ophou werk.
Die vakbond NUMSA het bevestig dat samesprekings met werkgewers vasgeval het.
Die woordvoerder van die vakbond, Karl Cloete, het gesê die staking sal in Gauteng begin, terwyl die ander provinsies Woensdag en Donderdag by die arbeidsoptrede sal aansluit.
Optogte word Maandag in Randburg en Kaapstad beplan.
NUMSA eis ‘n verhoging van R30 per uur in alle sektore vir werkers wat meer as R6 000 verdien. Hulle eis ook ‘n nagskoftoelaag van 20 persent van die normale loon, en ‘n middagskoftoelaag van 15 persent.
Cloete sê Numsa verteenwoordig sowat 70 000 werkers in dié sektor.
Die mynwerkersvakbond AMCU sal na verwagting dié week ook begin staak nadat die ander vakbond – die NUM – sy staking by goudmyne verlede week opgeskort het.
Lede van AMCU het by ‘n massavergadering op Carletonville aan die verre Wes-Rand ten gunste van ‘n staking gestem nadat hulle ‘n salarisaanbod van agt persent van die hand gewys het.
AMCU eis R12 500 vir werkers op intreevlak, maar goudprodusente sê die verhogings is onrealisties in ‘n sukkelende ekonomiese klimaat.
Vanoggend brandstof ingegooi. Geen verskil gesien.
Gelukkig kon ek volmaak gister … hehehe
Hier by ons word daar nie gestaak nie – net beskaafde hardwerkende petrol joggies hanteer die petrol pompe.
Waar is dit?
In die Wes Kaap.
Ek verkies om my eie brandstof in te gooi. Hulle maak in elk geval nie die pyp leeg aan die einde nie – jy het reeds vir daai bietjie betaal en teen vandag se brandsofprys is daai 100ml nog ‘n paar km om te ry.
Die pompjoggies besef skynbaar nie dat die poste wat hulle beklee eintlik net ter wille van werkskepping daar is nie. In groot dele van die wêreld gooi mense self brandstof in.
Hier in die nuwe SA is daar soveel onnodige werkers. Ek ry nou die dag by ‘n parkeer garage in. Daar staan toe sowaar ‘n assistent by die hek om die kaartjie wat die masjien uitspoeg vir my aan te gee! Hoe hulpvaardig. Hoe onnodig!
Die ander een wat my elke keer kry is die (meestal vroulike) padwerkers wat so lusteloos staan en die rooi vlag waai. Gewoonlik reg langs die wat maak of hulle pik slaan, sodat hulle darem kan gesels. Dis seker te veel moeite om op ‘n plek te gaan staan waar die rooi vlag sy doel sal dien. Gmf!
Die rede waarom hierdie mense (lolliepop men) hierdie werk verrig is omdat dit deel uitmaak van hulle ‘cumunity service’ om ‘demerit points’ terug te kry vir verkeers oortredings.
Dit is dus nie vrywillig nie.
Installeer net van die betaal-by-die-pomp petrol pompe. Dan kan hulle maar permanent gaan staak.
Lig jou dinges uit die kar miesies. En sit jou Coke neer oppie dash boepens. Tyd om self die olie te check. Of … soos meeste van U seker sal doen, ry die bediende saam dan kan sy die kleingeld loop haal vir `n tip.