Twee kouefronte beweeg in die rigting van die Kaap en sal na verwagting swaar reën, koue, oorstromings, sneeu, stormsterk winde en onstuimige seetoestande veroorsaak.
‘n Weervoorspeller van die Suid-Afrikaanse Weerdiens, het gesê die eerste front sou die Moederstad Dinsdag getref het.
Die tweede front sal Woensdagmiddag sy opwagting maak en die provinsie tot Saterdag teister. Reënweerstoestande sal waarskynlik tot Dinsdag voortduur.
Stormsterk winde van tussen 65 km/h en 74 km/h sal vandag van Kaappunt tot Kaap Agulhas woed.
Is dit nie maar gewoon dié tyd van die jaar in die Kaap nie? Maart en April is die lekkerste maande in die Kaap, né my Kaapse forum friende? Julle bly maar in so ‘n mooi plek, moet baie naby die hemel wees.
Ek sal daardie weer trotseer net om daar te kan wees.
Dit is maar baie goor op die oomblik – maar sal nie so koud wees soos
oor die res van die land nie. Sterkte aan julle almal – trek maar die
kombersie nader…
Kombersie was nog nooit af, alhoewel, ons in Pretoria gaan vandag ‘n heerlike 28◦ dag geniet. Kan nie wag vir die lente, en die lente-reens … en Oktober, die jakaranda-blommetjies !
Sjoe ja, iets om na uit te sien.
Willy ek stem saam, wat ‘n pragtige plek!
Leana ek gaan defnitief die Kaap op my pensioenlysie sit. Gelukkig darem nie meer sovêr in die toekoms nie.
Willie beslis its om te sien en te ondervind. Ek en my hubby was so 6 jaar gelede daar met vakansie vir ‘n volle 3 weke. Daar was nog so baie plekke om te besoek, kon nie eers daarby uitkom nie. Was by by Tannie Evita se perron, Robbeneiland, die botaniese tuine onder andere. bo-op Tafelberg, talle wynkelders. Oe nee wag, ek sal heeldag besig bly om die Kaap se skoonheid te besing.
By Darling ja. Dis lekker daar. Leana, hierdie is een van die mooiste kerke vir my. Dis by Riebeek Kasteel. Was mos twee maande gelede daar.
Baie, baie mooi willie.
Komplimente aan die fotograaf – wat ‘n pragtige foto !
Hierdie dramatiese effek is relatief eenvoudig te verkry deur ‘HDR’ – High Dynamic Range / Hoë Dynamiese Bereik. Soms kan jy dit al op die kamera instel voordat jy die foto skiet, maar jy kan dit ook heel mooi met Photoshop doen. Dis nie al te moeilik nie, kyk gerus op Google en probeer dit op jou eie fotos! 🙂
Baie dankie … sal dit verseker op die proef stel 😉
Schavuit ek is te dom ek kan nie eers mik en druk nie..
Lol Seg Net, jy hoef nie ‘n professor in rekenaarkunde te wees nie om dit te doen nie, daar is verskeie gidse waar alles stap vir stap verduidelik word.
Ja. Ou nuus is seker goeie nuus.
Hierdie weer maak my lus vir seil. Nouja as adrenalienverslaafde sal dit my groot lekkerkry gee om om die kaap van storms in ‘n seiljag te vaar tydens ‘n storm. My vrou het my egter belet 🙁
O Mooiste, mooiste Kaap. Ook ons Kaap van storms. Die foto laat my skoon verlang. Pragtige foto inderdaad.