Max Boqwana, wat oudpres. Thabo Mbeki en sy voormalige kabinetministers by die Seriti-kommissie van ondersoek verteenwoordig, het hom aan die verrigtinge onttrek.
Die Kommissie sê die onttrekking van sy regsverteenwoordiger sal geen invloed op sy werksaamhede hê nie.
Woordvoerder vir die kommissie, William Baloyi, sê: “Eintlik is daar geen impak op die kommissie nie. Dit is nie verpligtend vir die getuies om hul regspanne te bring nie. Dit is net ‘n opsie.“
Mbeki het verduidelik dat hy onttrek hangende ‘n aansoek om geldelike hulp van die staat.
Mbeki se woordvoerder, Mukoni Ratshitanga, sê Mbeki se posisie sal hersien word as die regering ‘n besluit oor regshulp aan die voormalige president geneem het.
Adv. Tshepo Sibeko, getuienisleier, het bevestig dat daar vergaderings met Boqwana was.
“Ons het geen beswaar teen sy onttrekking nie.”
Regter Willie Seriti, voorsitter van die kommissie, het gesê die regsverteenwoordiging van getuies is buite die grense van die kommissie.
Getuies kan hul eie regsverteenwoordiging hê, waarvoor hulle self moet betaal.
Pres. Jacob Zuma het die kommissie in 2011 aangestel om beweerde korrupsie in die multimiljardrand-wapentransaksie van 1999 te ondersoek.
Hierdie ondersoek sal nie voor die verkiesing afgehandel word nie. Indien ooit. Dit kan ZUMA sink indien die waarheid blootgelê word.