Dettol Suid-Afrika het gesê die produk wat deur die owerheid teruggerroep is, word onwettig na die land ingevoer deur ‘n derde party wat niks met die plaaslike maatskappy te doen het nie, het RSG berig.
Die maatskappy het gesê die onwettige produk heet “Dettol Lime & Lemon Grass Disinfectant Liquid”.
Dettol SA het gesê hy sal met die Reguleerder vir Verpligte Spesifikasie saamwerk om die onwettige produk uit die mark te hou.
Dit volg nadat die reguleerder ‘n produk landwyd teruggeroep het wat hy beskryf het as “Dettol Disinfectant Liquid”.
Dettol Suid-Afrika het gesê alle Dettolprodukte wat hy vervaardig en versprei, is getoets en voldoen aan plaaslike regulasies en standaarde. – RSG