Inwoners wat gewig in Doebai verloor, gaan in goud beloon word as deel van ‘n nuwe inisiatief deur die munisipaliteit om vetsug te bekamp, het ‘n plaaslike koerant Woensdag berig.
“Jou gewig in goud” is die titel van die veldtog wat beloof om een gram goud vir elke kilogram wat afgeskud word te betaal, op voorwaarde dat ‘n deelnemer teen 16 Augustus twee kilogram verloor het.
Die veldtog val saam met die heilige maand van Ramadaan, wat net voor die middel van Augustus eindig.
Deelnemers moet skale in openbare parke gebruik en sal riglyne van dieetkundiges ontvang.
Vetsug is besig om al hoe meer onder mense in die Golf-state toe te neem.