Anglo American het Daniel Thakamakau in diens geneem,” sê Richard Meeran, van Leigh Day & Co wat voormalige goud mynwerkers wat gediagnoseer is met mynverwante longsiektes, verteenwoordig.
“Hy is een van meer as 1200 oud-goudmyners wat klagtes teen Anglo American SA Ltd in die Suid-Afrikaanse en [Verenigde Koninkryk] howe gebring het, en beweer die maatskappy was nalatig om mynwerkers aan buitensporige hoeveelhede silikastof bloot te stel.”
Die mynwerkers beweer dat blootstelling aan die silikastof tot longsiektes soos silikose en silikon-tuberkulose lei.
Thakamakau het in ‘n verklaring gesê dat hy die mynmaatskappy vra vir mediese hulp en billike vergoeding.
“Terwyl Anglo American ryk word van die werk wat ons gedoen het op hul myne, het ons nou die lyding. My tuberkulose is so sleg dat ek werkloos is.”
Hy het gesê dat Anglo American hom en sy kollegas “soos diere” behandel het.
Thakamakau sal vergesel word deur verteenwoordigers van die National Union of Mineworkers (NUM) en die Nasionale Instituut vir Beroepsgesondheid se voormalige direkteur Tony Davies.
“Anglo American het ‘n morele en korporatiewe verantwoordelikheid om die siek mynwerkers te vergoed op wie se rug die maatskappy ryk geword het,” sê NUM-woordvoerder Peter Bailey.
“Die tyd vir praat oor die verskaffing van mediese dienste vir hierdie hardwerkende mense is verby – dit is tyd om op te tree.”
Meeran het gesê om die saak na die Verenigde Koninkryk te neem was in die mynwerkers se belang omdat die Engelse howe “goed ontwikkelde prosedures het en die eisers sal geregtig wees om in die Verenigde Koninkryk skadevergoeding teen die maatskappy te eis”.
Hy het gesê die mynwerkers kan potensieel honderde miljoene pond in vergoeding toegeken word.
Die hooggeregshof in Johannesburg hoor die individuele eise van 18 oud-mynwerkers van Anglo se President Steyn-myn in die Vrystaat sedert 2004.
Die Britse litigasie behels ‘n massatortaksie, met Leigh Day & Co wat 1200 Suid-Afrikaanse voormalige mynwerkers verteenwoordig, en in September begin het.
Die saak sal weer in die hooggeregshof in Londen op 9 Mei hervat word, het Meeran gesê.