Afrikaanse nuus – Bladsy 94

Vrystaatse universiteit verander leuse en wapen

Die Vryheidsfront Plus-jeug in die Vrystaat het vandag by monde van sy jeugleier, Jan van Niekerk, met skok gereageer oor die Universiteit van die Vrystaat-bestuur se beoogde verandering van die Universiteit se wapen en leuse as deel van hul nuwe korporatiewe identiteit.

“Daar is beslis nie fout met ‘n nuwe korporatiewe identiteit en vernuwing nie, maar om die UV se eeue-oue wapen en leuse in die proses te verander, is onverantwoordelik en spreek van swak bestuur,” het Van Niekerk gesê. “Hierdie beplande verandering sal verder bydra tot die swak beeld van die UV, wat oor die afgelope paar jare groot skade gelei het en bygedra het dat voornemende studente hulle tot ander universiteite wend. Dit moet ten alle koste voorkom word.”

Van Niekerk meen dat hierdie verandering tipies van ‘n bestuurstegniek is waar daar slegs aan die kosmetiese aspekte verander word, maar waar die werklike probleme nie aangespreek word nie. “Dit herinner aan die regering se konstante onnodige verandering van dorp- en straatname terwyl daar baie groter krisisse is wat aangespreek behoort te word.”

Die verandering van die wapen gaan beslis nie die UV herposisioneer om “meer demokraties, inklusief en transformerend”, soos wat die UV-bestuur beweer, te wees nie – maar gaan eerder tot verdere verdeeldheid lei. Die huidige leuse beteken, “In God is die lig van die wysheid” teenoor die nuwe voorgestelde “Inspiring excellence, transforming lives”. Die feit dat weggedoen word met die eer aan God, spreek boekdele van die vervreemding teenoor Christelike studente. Hierdie wapen is geskiedkundig van aard en is verteenwoordigend van hoe en waar die Universiteit ontstaan het en van generasies van studente wat baie moeilike omstandighede oorkom het.

“Die UV moet modern en innoverend wees, maar hoef nie van sy wortels ontslae te raak nie. Die Universiteit se herkoms is belangrik en kan nie vergeet of uitgevee word nie,” het Van Niekerk gesê.

коляски для кукол

Zuma vriendelik in Orania ontvang

President Jacob Zuma het Dinsdagoggend in Orania in die Noord-Kaap vir ‘n besoek aan dié Afrikanergemeenskap aangekom.

Die president het kort na 09:00 in ‘n wit Oryx-helikopter geland en is deur plaaslike inwoners en skoolkinders verwelkom.

Die stigter van Orania, Carel Boshoff IV, en sy seun Carel Boshoff V, wat ook die burgemeester van die dorp is, het Zuma by die gemeenskapsaal verwelkom.

Zuma is insgelyks deur skoolkinders, wat hoofsaaklik in oranje geklee was, verwelkom.

Boshoff snr. het die president aan gemeenskapsleiers voorgestel voordat hulle vir ‘n privaat vergadering vertrek het.

Zuma sal na verwagting ná die vergadering besoek aflê aan behuisingsprojekte en verskeie landbouprojekte in Orania.

инструмент минск

VF+ kla dat ANC joernaliste intimideer

“Die onafwendbare afleiding uit die jongste besluit van die Nasionale Vervolgingsgesag (NVG), om die klagtes teen die joernalis Mzilikazi Wa Afrika terug te trek, is dat die optrede van die NVG en Polisie nie deur suiwere regsplegingbeginsels en geregtigheid gemotiveer was nie. Die terugtrekking van kriminele klagtes teen die joernalis Mzilikazi Wa Afrika word deur die Vryheidsfront Plus verwelkom. Die party spreek egter sy teleurstelling uit met die optrede van die Nasionale Vervolgingsgesag (NVG) en die Polisie. Die feit dat die klagtes teen Wa Afrika nou teruggetrek is, bewys dat die NVG en die Polisie oorhaastig opgetree het,” het dr. Pieter Mulder, leier van die Vryheidsfront Plus en adjunkminister van landbou gesê.

“Die tydsberekening van die optrede van die NVG lei daartoe dat die afleiding gemaak word dat die staat sy magsinstrumente misbruik het om ‘n joernalis wat ongemaklike berigte oor die ANC skryf, te intimideer. Op watter gronde word ‘n joernalis gearresteer en aangehou as daar so min van ‘n saak teen hom is dat die saak uit die hof gegooi word?” het Mulder gevra. Die NVG moes toe reeds aanvaar het dat nuwe klagtes teen Mzilikazi Wa Afrika nie gebring moes word totdat die Polisie en NVG die saak voldoende ondersoek het nie.

“Hierdie voorval van magsmisbruik en die inperking van mediavryheid in Suid-Afrika het reeds die goeie internasionale beeld van Suid-Afrika na die Wêreldbekersokkertoernooi onherstelbare skade aangedoen. Omdat dit alles plaasvind midde in ‘n debat oor die moontlike instelling van ‘n media-tribunaal, is die skade soveel erger,” volgens dr. Mulder.

Staking met verskuilde agenda?

Dr. Pieter Mulder, leie van die Vryheidsfront Plus, het in ‘n verklaring gesê: “Die dood van weerlose siekes en onskuldige babas as gevolg van die staatsdiensstaking, is die ergste vorm van selfsugtigheid. Dit getuig van uiters onprofessionele gedrag van Suid-Afrikaanse gesondheidswerkers. ’n Suid-Afrikaanse samelewing wat hierdie tipe voorvalle duld, is ’n samelewing in krisis met baie ernstige morele- en dissiplinêre probleme.

Wat ’n doodgewone staking oor salarisse behoort te wees, is besig om in ’n skande vir alle Suid-Afrikaners te ontwikkel. Geen salarisdispuut regverdig die dood van mense en die vernietiging van jong matrikulante se loopbane nie.

Uit die radikalisme van Cosatu-leiers wil dit al hoe meer voorkom of daar ’n verskuilde agenda agter die staking is. Cosatu-leiers het reeds hulle frustrasies met president Zuma uitgespreek omdat hy nie hulle beleidsrigtings wil volg nie. Na sy verkiesing as president met Cosatu se hulp, het hulle geglo dat hy dit aan hulle verskuldig is. Tot watter mate word onskuldige staatsdienswerkers nou ingespan om die magstryd tussen Cosatu- en ANC-leiers op hierdie wyse te probeer besleg?

Dit is tragies dat die slagoffers van hierdie stryd tans onskuldige babas, weerlose siekes en jeugdige skoolleerlinge is. Die Vryheidsfront Plus eis dat verskuilde agendas opsy geskuif word en dat ’n werkbare oplossing so vinnig as moontlik gevind sal word in belang van almal in Suid-Afrika.”

Afrikanerskole ontwrig deur intimidasie

Afrikaanse skole in Johannesburg, wat hoofsaaklike deur blanke Afrikanerkinders bygewoon word, is gister en vandag deur stakende swart onderwysers geïntimideer om nie langer met klasse voort te gaan nie. Vir die eerste keer in die geskiedenis is Afrikaanse skole gesluit verklaar, met onderwysers wat meesal nog op die terrein was maar kinders wat huis toe gestuur is.

Gister is die Laerskool Fairland, Hoërskool Linden, asook Unika-laerskool om veiligheidsredes gesluit verklaar. Vandag is die meeste skole steeds gesluit, met Bryanston Parallelmedium (die vorige Laerskool Bryanston) wat ‘n omsendbrief aan ouers uitgestuur het dat die skool vandag “om veiligheidsredes… voorlopig gesluit word”. Die skool vra dat alle kinders by die huis gehou word en alternatiewe reëlings getref word.

Werkende ouers wie se kinders van die nasorgsentrum gebruik maak, is besonder verontrief en daar was verskeie klagtes.

By die Hoërskool Randburg het klasse gister normaalweg voort, maar hekke is gesluit en alle motors, ook van leerlinge, is binne die skoolterrein geparkeer en die hele skool was op ‘n gereedheidsgrondslag om te reageer in die geval van probleme. Vandag gaan die skoolprogram ook normaalweg voort en die hoof , mnr. Booysen, het geweier dat leerlinge uit vrees eenvoudig “uitteken”.

Radio Sonder Grense berig dat matrieks binnekort hul rekordeksamen skryf. Blykbaar gaan die minister van basiese onderwys, Angie Motshekga, met belanghebbendes vergader om moontlik die skoolrooster te hersien.

big bad wolf

Kimberley se ACVV ‘verwaarloos blanke kinders’

Die ACVV, ‘n welsynsorganisasie wat in 1904 met Afrikanergeld begin is, word daarvan beskuldig dat sy kleuterskool op Kimberley spesifiek blanke kinders afskeep. Babas by die kleuterskool se doeke word slegs een keer per dag omgeruil.

Volgens een ouer, is “kruisinfeksies aan die orde van die dag en ouers bestee baie geld aan medikasie om hulle kinders op ‘n manier gesond te hou. As die organisasie op so iets sou afkom, sou hulle met ‘n helse bohaai so ‘n kind uit sy/haar ouers se sorg verwyder, maar dit floreer reg onder hulle neuse.”

Die ouer meen dat donasies aan die ACVV deesdae hoofsaaklik op gekleurdes uitgegee word en dat Afrikanerkinders daarom “die spit moet afbyt”.

Daar word voorts beweer dat toesighouers nooit gedurende die dag hul hande was nie, wat verdere besmetting van kinders veroorsaak.

‘n Enkelouer wat haar baba in die ACVV-kleuterskool op Kimberley se sorg gelaat het, se kind was in twee maande “nooit gesond nie”. Volgens die moeder, wat anoniem wil bly, “was my kind se boutjies so erg verbrand omdat haar doek nie geruil is nie dat ek haar by ‘n dokter moes kry. Alstesaam het ek oor slegs twee maande R3700 aan mediese kostes moes betaal omdat my kind so verwaarloos is. Ek kan u van die datums, tye en mediese rekords voorsien, indien nodig.”

Sy het reeds by die hoof van die babakamer gekla, dog sonder gevolge. Ook klagtes by die bestuur van die ACVV in Kimberley het geen positiewe gevolge gehad nie.

Данильченко Харьков

Reitz-4 gaan appèl aanteken

Die Reitz-vier gaan appèl teen hul vonnis aanteken. Hulle is onlangs skuldig bevind aan crimen injuria, nadat hulle ‘n grapvideo oor ontgroening aan die UV gemaak het.

Hulle prokureur het gesê hulle vonnis van R20 000 boete of 12 maande tronkstraf plus ‘n verdere ses maande opgeskorte tronkstraf, is buite verhouding tot die misdryf.

Die boete wat hooflanddros Mziwonke Hinxa aan hulle opgelê het, oorskry ook die jurisdiksie van die Bloemfonteinse landdroshof waar hulle op 30 Julie gevonnis is.

Hulle regverteenwoordiger sê voorts ’n vonnis van opgeskorte gevangenisstraf was nie gepas nie en die opskortingsvoorwaarde, gekoppel aan Artikel 21 van Wet 4 van 2000, in die besonder, was nie ’n toelaatbare of gepaste voorwaarde nie

Die vier studente is R.C. Malherbe van Hertzogville, Johnny Roberts van Hoopstad, Schalk van der Merwe van Christiana en Danie Grobler van Windhoek.

Vyf swart werkers, wat intussen die gelykheidshof genader het en eise van miljoene rande teen die studente en die universiteit ingestel het, neem laggend aan die ontgroeningspret deel in die opname. Dié video het in 2007 in die koshuis op ‘n kultuuraand die eerste prys verower.

free casino bonus games slots

Baie Afrikaners sluit glo by ANC aan, sê Mbalula

Adjunk-minister van polisie Fikile Mbalula sê ‘n onlangse telling toon die regerende ANC het meer as 820 000 lede – en baie van hulle is Afrikaners.

Mbalula het in Johannesburg gepraat, tydens ‘n inligtingsessie vir die media oor die Imvuselelo, die hernuwingsveldtog wat die ANC wil inspan om tot ‘n miljoen geregistreerde lede in 2012 te vorder.

Mbalula het gesê: “Die ANC is onvernietigbaar … Dit is veral Afrikaners wat by die ANC aansluit”.

Hy kon nie presies sê hoe baie Afrikaners by die ANC aangesluit het sedert President Jacob Zuma die veldtog in Mei geloods het nie.

“Hoeveel Afrikaners … ons nie dink ons beskik tans oor die inligting nie,” het Mbalula geantwoord, maar het onderneem om die inligting beskikbaar te stel by die party se nasionale algemene raadsvergadering volgende maand.

Jackson Mthembu, ANC-woordvoerder, het gesê dit is belangrik vir die ANC om lede te werf wat alle rasse en taalgroepe insluit.

“Een van die waardes van die ANC is om ‘n nie-rassige samelewing te bou … hoe bou ons ‘n Suid-Afrika wat vir almal is, as ons kan nie saamleef [met alle rasse] nie?”

Mbalula het gesê die ANC is besig om sy lidmaatskapdatabasis op te knap, waaruit dit blyk hulle het 1 800 000 lede, maar hierdie inligting is onbetroubaar en verouderd.

“Sommige van hulle het gesterf, sommige het oorgeloop na COPE … ons is basies besig om die stelsel skoon te maak. Ons wil nie die dooies en diegene wat weg is, tel nie.”

іграшка

TLU SA se standpunt oor plaaswerkerspitsberaad

TLU SA het die plaaswerkerspitsberaad in Somerset-Wes bygewoon. Die amptelike afvaardiging is gelei deur TLU SA se Wes-Kaapse Streeksvoorsitter, mnr. Bennie Liebenberg. Van die aanvanklike reëling dat TLU SA ‘n spreekbeurt sou kry om ‘n voorlegging te maak, het niks gekom nie.

Reeds op die eerste dag van die beraad het dit vir TLU SA se amptelike afvaardiging duidelik geword dat die beraad ‘n gees uitstraal wat weer eens van die boere slaansakke maak, en dat die beraad in ‘n rigting beweeg wat vir TLU SA onaanvaarbaar was.

Met dit in gedagte en nog voor die werkskommissies vergader het, het TLU SA Vrydag reeds van die beraad onttrek en nie Saterdag daarheen teruggekeer nie.

TLU SA se Voorsitter van die Noord-Streek, mnr. Jan Viljoen, was die gas van die LUR vir Landbou van Limpopo en nie deel van TLU SA se amptelike afvaardiging nie, en kon in daardie hoedanigheid nie uitstap nie. Nogtans het hy dit gerade geag om ‘n spreekbeurt te eis en sekere sake in perspektief te stel, weliswaar vanuit ‘n TLU SA oogpunt.

Die feit is dus dat TLU SA reeds Vrydag die beraad verlaat het, sonder om daarvan ‘n publisiteitsoefening te maak. TLU SA het ook nie die resolusiedokument aanvaar nie, en die Departement van Landbou se dank aan TLU SA omdat hy sogenaamd by die beraad gebly het, is gevolglik ook nie van toepassing nie.

паркет

Studente kla oor rassisme van UV

Die Vryheidsfront Plus-jeugleier, Jan van Niekerk, het vandag in ‘n brief aan mnr. Rudi Buys, Studentedekaan aan die Universiteit van die Vrystaat (UV), die VF Plus se misnoeë met die UV se hantering van rassekwessies uitgespreek en sekere eise aan die UV gestel. In die brief spreek die VF Plus hul misnoeë met die hantering van verskeie voorvalle uit. Die voorvalle sluit in dat daar swart studente wit dames met klippe gooi, beweerde rassistiese optrede deur die SR-visepresident, Thabiso Letsoara en dubbele standaarde wat deur die UV toegepas word ten opsigte van wit en swart.

Die VF Plus is moeg vir die UV se eensydige hantering van rassekwessies en eis daadwerklike optrede. Die VF Plus eis dat:

* Dringende en konsekwente optrede teen die studente geneem sal word;
* Dat die UV sal verskoning vra en erken dat ‘n sekere groep aan die UV bevoordeel word;
* Dat ‘n ondersoek na Villa Bravado geloods word en dat drastiese dissiplinêre optrede sal volg;
* Dat die Primarius en die Koshuishoof van Villa Bravado uit die UV geskors word;
* Dat ‘n taakspan aangestel word om te ondersoek waarom die UV-bestuur, nou en in die verlede, onkonsekwent teenoor wit en swart studente opgetree het en dit reggestel word.

Die misnoeë spruit voort uit die hantering van die volgende voorvalle:

* In 2009 het die VF Plus-Kovsies ‘n klagte by die UV gelê oor swart studente wat wit dames met klippe gegooi het en met verkragting gedreig het – die UV het niks daadwerkliks hieraan gedoen nie;
* Die UV het gedurende 2009 Armentum-manskoshuis se hele huiskomitee oor ontgroeningspraktyke geskors waarna die HK met regsaksie die UV se besluite moes laat herroep;
* In soortgelyke voorvalle is senior studente uit Karee-manskoshuis geskors;
* Die VF Plus-Kovsies het ‘n klagte teen die SR-visepresident, Thabiso Letsoara, ingedien na beweerde rassistiese optrede onder die invloed van alkohol in die Kovsie-kerk, wat bitter swak deur die UV hanteer is. Letsoara het skotvry hiervan afgekom;
* Die Reitz-manskoshuis is na die Reitz-video gesluit en die belofte is gemaak om ‘n diversiteitsentrum daar te vestig. Intussen is slegs 50 swart studente met Letuka-beurse vir rekeningkunde daar gevestig.

Die VF Plus is van oordeel dat hierdie video met verswarende omstandighede behandel behoort te word, aangesien die Reitz-video as ‘n satire vervaardig was, maar hierdie video ‘n ware ontgroening praktyk is waarin wit studente duidelik deur swart studente uitgesonder is. Wat egter onaanvaarbaar is, is die feit dat die UV-bestuur volgens Volksblad reeds in 2009 van hierdie video bewus was, maar nie daadwerklik opgetree het nie. Indien prof. Jansen sy geloofwaardigheid wil behou, behoort hy deursigtig en drasties op te tree, soos hy beloof het om in sulke gevalle te doen.

Tweede ontgroeningsvideo maak opslae op Kovsie-kampus

‘n Tweede ontgroeningsvideo het aan die Universiteit van die Vrystaat opgeduik, hierdie keer met wit studente as die “slagoffers”.

Dit toon vier wit studente by die oorwegend swart Villa Bravado-manskoshuis op wie water gegooi word. Hulle word aangesê om op een been te staan en later as vloerlappe deur swart studente op die vloer rondgetrek.

Studente het vroeër vanjaar die video onder die universiteitsbestuur se aandag gebring, en hulle het “met ontsteltenis” kennis geneem van die ontgroening, het die universiteit gister in ‘n verklaring gesê. Die video is in Oktober 2009 gemaak.

Die dekaan van studentesake, Rudi Buys, het die primarius van die koshuis, Chris Nthakeni, geskors. Dissiplinêre maatreëls is ook teen die koshuishoof vir sy beweerde betrokkenheid ingestel.

Die UV het gesê hy glo dat dit nie ‘n geval was van swart studente wat teen die wit studente opgetree het nie, aangesien swart lede van die huiskomitee dieselfde inisiasie ondergaan.

Die Vryheidsfront Plus Jeug aan die UV veroordeel die universiteit se hantering van die saak, gegewe sy “ekstreme” reaksies in die verlede jeens sulke gevalle.

“[Dit] toon dubbele standaarde,” het die woordvoerder van die VF + Jeug, Wouter Wessels, in ‘n verklaring gesê.

Hy sê die UV-rektor Jonathan Jansen het gewaarsku dat hy sal optree teen studente wat deelneem aan ontgroeningsaksies, en wou weet hoekom stappe “in die geheim” teen Nthakeni geneem is.

Nthakeni is nie, soos in ander gevalle, uit die universiteit of die koshuis geskors nie.

“Dit toon nie deursigtigheid nie,” sê Wessels.

In die geval van die Reitz-video, is die studente onmiddellik geskors en die koshuis gesluit verklaar. Die vier voormalige UV-studente, wat ‘n vernederende video met vier swart universiteitswerknemers by die Reitz-koshuis gemaak het, is verlede week met R20 000 beboet nadat hulle skuldig bevind is aan crimen injuria in die Bloemfonteinse landdroshof.

Wessels het gesê dat die hele koshuiskomitee van Armentum in 2009 geskors is ná ontgroenings. In dieselfde jaar is ‘n student in die Karee-koshuis ook geskors.

In die verklaring het Jansen gesê hy hoop die Villa Bravado-geval was die laaste van ontgroenings.

“Die UV kommunikeer duidelik en gereeld aan studente dat ontgroenings streng verbode is.”

free slots Лобановский

UV moet konsekwent optree oor ontgroeningsvideo

Die VF Plus-jeug in die Vrystaat het vandag met skok gereageer oor die nuutste diskriminerende ontgroeningsvideo wat by die Universiteit van die Vrystaat die lig gesien het. In hierdie video word die ontgroening van wit huiskomitee-lede in Huis Villa Bravado gewys.

“Die VF Plus-jeug veroordeel die UV-bestuur vir die wyse waarop hul hierdie aangeleentheid hanteer het – veral as dit vergelyk word met die wyse waarop hul in die verlede heftig teenoor ontgroeningspraktyke opgetree het,” het Wouter Wessels, die VF Plus-jeug se onderleier in die Vrystaat, gesê.

“Die UV-bestuur tree eensydig en met dubbele standaarde op. Ons is moeg daarvoor dat die UV-bestuur rassisme aanwakker deurdat hulle swart studente en wit studente verskillend behandel,” het Wessels bygevoeg.

Wessels het verder gesê dat prof. Jansen, rektor van die Universiteit van die Vrystaat, nog altyd deursigtigheid beklemtoon het en gewaarsku het dat daar radikaal teen studente wat die reëls oortree en hulself skuldig maak aan ontgroeningspraktyke, opgetree sal word. “Waarom is daar dan in die geheim teen mnr. Chris Nthakeni, die betrokke primarius, opgetree terwyl die oortreding reeds Oktober verlede jaar (2009) plaasgevind het? Dit getuig beslis nie van deursigtigheid nie. Hy is ook slegs as primarius van Huis Villa Bravado geskors en nie soos in talle ander soortgelyke gevalle uit die universiteit of ten minste uit die betrokke koshuis geskors nie.”

In die Reitz-video geval is die betrokke studente summier van die universiteit geskors en is die hele koshuis gesluit. Gedurende 2009 is Huis Armentum se hele huiskomitee geskors en het die UV-bestuur al die inwoners met skorsing gedreig. Daar is ook gedurende 2009 ‘n student uit Huis Karee geskors en die koshuis se seniorbond is summier gesluit.

Ontgroening is verbode en Villa Bravado se inwoners wat aan hierdie praktyk deelgeneem het, se huiskomitee en se koshuishoof is skuldig aan hierdie oortreding en daar moet teen hulle opgetree word.

Die VF Plus-jeug eis ook dat die Menseregtekommissie op dieselfde heftige wyse as in die geval van die Reitz-video teen hierdie betrokkenes sal optree. Hulle reaksie sal met verwagting dopgehou word.

mositaldent

Mpumalanga-boere wil nuwe liggaam stig

Boere in Mpumalanga is besig om ‘n nuwe liggaam te vorm wat Agri Mpumalanga, AM, sal vervang. AM gaan binnekort gelikwideer word.

Die voorsitter van die komitee, Koot Claassen sê boere van verskeie boere-verenigings in die provinsie het eenparig besluit om ‘n nuwe organisasie op die been te bring om hul belange te beskerm.

Claassen sê in die lig van onsekerheid oor grondeienaarskap en veranderinge rondom watervoorsiening en mynbedrywighede, moet boere op ‘n georganiseerde manier saamwerk om volhoubare boerdery in die provinsie te bevorder.

Die nuwe organisasie beplan om ‘n kongres op 1 September in Nelspruit te hou. Twee inligtingskonferensies word aanstaande maand gehou waar boere voorstelle oor die nuwe organisasie kan maak.

кладка печи Александр Фильчаков

PRAAG verwerp Tutu se boikot teen Israel

Dr. Dan Roodt, leier van PRAAG, het vanuit Jerusalem emiritus aartsbiskop Tutu se oproep om ‘n internasionale boikot van Israelse produkte verwerp en sy heftige teenkanting daarteen uitgespreek.

Roodt, wat as reisende ambassadeur vir Afrikanerbelange tans in Israel verkeer, het gesê: “Tutu is skynheilig, want terwyl hy Palestynse selfbeskikking ondersteun, word Afrikanerselfbeskikking en Afrikanerregte in Suid-Afrika vertrap en daaroor swyg hy in alle tale.”

Volgens PRAAG was “ekonomiese sanksies teen die vorige Afrikanerregering wat deur Tutu en die Statebondsleiers bepleit is, slegs die voorspel tot die stukturele volksmoord wat daar tans teen die Afrikanervolk gepleeg word”. Roodt het Tutu getipeer as “‘n pro-Arabiese, anti-Semitiese propagandis wat die vernietiging van Israel en die Joodse volk in die oog het”.

Roodt meen dat sowel Tutu as die Anglikaanse kerk ‘n sleutelrol gespeel het in die proses om die Afrikanervolk van sy soewereiniteit en vryheid te ontneem en hy wil dieselfde strategie nou teen Israel herhaal.

Hy het ‘n beroep op Afrikaners gedoen om Israel sigbaar in sy huidige oorlewingstryd te onderskraag, terwyl hy insgelyks die Joodse gemeenskap in Johannesburg gevra het om die Afrikaner se stryd om die herstel van sy regte en soewereiniteit in Suid-Afrika op tasbare wyse te ondersteun.

“Sedert die tyd van Paul Kruger, het die Afrikanervolk nog altyd in harmonie en broederskap met Jode saamgeleef en gedurende die twintigste eeu was Israel een van ons getrouste bondgenote. Ons wil ons solidariteit en vriendskap met Israel bevestig, asook die reg van Jode op hul voortreflike en vooruitstrewende volkstaat.”

Roodt het gister ‘n besoek aan die oustad van Jerusalem, waaronder die Tuingraf en die Klaagmuur, gebring. Sy besoek geniet wye mediadekking in die Heilige Land en benewens ‘n onderhoud met die Israelse staatsradio in spitstyd en ‘n Russiestalige TV-kanaal wat in die land en in Europa uitsaai, is personderhoude steeds aan die gang. Hy sal vandag in Tel Aviv verdere TV-onderhoude voer.

шкаф управления Фильчаков прокурор