Suid-Afrikaanse nuus, d.w.s. sowel nuus uit Suid-Afrika én Suider-Afrika.
Die drie is gister by ‘n McDonald’s- restaurant in die Kolonnade-winkelsentrum in Pretoria vasgetrek. Nóg metropolisielede het glo in ‘n gemerkte metropolisievoertuig van die restaurant gevlug.
Lees meer.
Die lewensverlies van soldate kan repurkussies inhou vir binnelandse politiek asook die verhoogde koste aangesien die land reeds troepe in die DRK en Soedan ontplooi het.
Die Somaliese terreurbeweging El-Shabab het op 11 Julie uit weerwraak bomme in Kampala geplant teen Uganda se betrokkenheid by die oorlog in Somalië. Meer as 70 mense is dood in die aanvalle.
Volgens Sisulu is Suid-Afrika egter daartoe verbind om soldate na Somalië te stuur.
Zuma het pas uit Kampala van die AU se leiersberaad teruggekeer waar Afrikaleiers onderneem het om die AU-vredesmag in Somalië met nog 2 000 soldate uit Burundi en Guinee aan te vul.
“Die president moet nog bepaal hoe en waar ons die AU sal bystaan,” het Sisulu tydens ‘n informele inligtingsessie by die parlement gesê.
Thabang Makwetla, Sisulu se adjunk, het gesê daar is politieke druk op Suid-Afrika om hulp te verleen.
Die minister het ook bekend gemaak dat die aanvoorprojek oor nasionale diens vir die jeug teen September sal plaasvind, maar dit sal beperk word tot ‘n tydperk van ses maande in ‘n jaar.
Sy sê twee taakspanne stel ondersoek in na die saak en sal aan haar verslag doen, waarna sy die bevindings aan die kabinet sal voorlê.
Sisulu wil hê dat nasionale weermagdiens weer ingestel word om op dié manier grootskaalse werkloosheid onder jeugdiges teen te werk. Sowat vyf miljoen jong Suid-Afrikaners is werkloos.
Alle politieke partye se jeugorganisasies is genooi om diensplig te doen, maar net die ANC-jeugliga, die Jong Kommuniste en die jeugstruktuur van die PAC het die uitnodiging tot dusver aanvaar.
Honderde staatsamptenare sal na verwagting vandag na die Uniegebou in Pretoria opruk as deel van ‘n landswye staking.
Dié staking gaan vandag vir ‘n tweede dag voort, nadat die Vereniging van Staatsamptenare die regering se nuwe aanbod vroeg vanoggend verwerp het.
Die aanbod is gisteraand by die Staatsdiens Bedingingsraad in Centurion voorgelê. Die staat bied amptenare ‘n 6,5 persent salarisverhoging en ‘n R630 behuisingstoelaag, slegs tien rand meer as die vorige aanbod.
‘n Woordvoerder van die vereniging, Manie de Clerq sê die regering se jongste aanbod is ‘n belediging. Staatsamptenare eis onder meer ‘n salarisverhoging van 8,6 persent en ‘n R1 000 behuisingstoelaag.
In ‘n ooglopende vingerwysing na die DA, sê die ANC “skadukulture” teer soos “parasiete” op die simboliek en geskiedenis van die ANC vir eie gewin.
Die dokument verwys na die DA se pogings veral in die Kaap om die “struggle”-simboliek in te span om die bruin stem te lok.
Daarmee onthef die party homself van die verantwoordelikheid vir die verwydering.
Sedert die party se nasionale konferensie in 2007 by Polokwane, het faksiegevegte en etniese struwelinge toegeneem.
ANC-byeenkomste word deesdae gekenmerk deur geweld of oproer omdat heksejagte aan die orde van die dag is.
“Opvolgdebatte en struwelinge begin nog voordat ‘n nuutverkose leierskorps die geleentheid gekry het om hul mandaat uit te voer.”
“Die ANC-leierskollektief word dikwels verlam weens vrese dat optrede van ‘ons groep’ of optrede teen die ‘ander groep’, as ‘n suiwering vertolk kan word,” lui die dokument.
Die 16-jarige seun, het nie Woensdag skool toe gegaan nie. Hy het glo ‘n medeleerling drie keer met ‘n mes gesteek terwyl hy van sy skoolbus afgeklim het en toe gevlug.
Die slagoffer is op pad na die hospitaal dood.
Die oorsaak vir die voorval is nog nie bekend nie.
In die mees onlangse voorval is vier verdagtes in hegtenis geneem terwyl hulle glo op pad was om renosters by ‘n wildreservaat naby Lephalale te skiet, het lt. Kol. Ronel Otto gesê.
Die mans is Dinsdag by ‘n padversperring naby Vaalwater vasgekeer.
Dié vier mans, drie van Zimbabwe en een van Mosambiek, sal Donderdag in die landdroshof verskyn.
Vyf mans is drie weke terug, in ‘n aparte voorval, in hegtenis geneem nadat hulle renosters op ‘n wildreservaat wou stroop.
Die mans, almal van Zimbabwe, het reeds in die hof verskyn.
Hulle saak is tot Augustus uitgestel.
Volgens Otto is daar ‘n moontlikheid dat dié mans ook betrokke was by voorvalle van huisrowery.
Daar sal na verwagting landswye optogte plaasvind terwyl Richard Baloyi, minister van staatsdiens en openbare administrasie, verder met vakbondleiers sal vergader.
Staatsamptenare dring aan op ‘n 8.6%-loonverhoging sowel as ‘n behuisingstoelaag van R1000, wat terugbetaalbaar moet wees tot 1 April vanjaar.
Die regering het ‘n 6,5%-loonverhoging en ‘n behuisingstoelaag van R620 aangebied, terugbetaalbaar tot 1 Julie vanjaar.
Volgens Koos Kruger, Kaapstad se bestuurder van PSA sal werkers wat in ‘sleutelposte’ aangestel is, nie aan die staking deelneem nie.
Die Suid-Afrikaanse Demokratiese Onderwysersunie (Sadtu) het ook ‘n beroep op sy lede gedoen om nie te staak nie.
“Ons doen ‘n dringende beroep op die ANC om kennis te neem van die nuwe mediawetgewing in Ysland,” vra ds. Theunis Botha, leier van die Christen-Demokratiese Party (CDP) en waarnemende voorsitter van die Christen-Demokratiese alliansie.
“Ysland het die teenoorgestelde koers ingeslaan as wat die ANC nou in die parlement probeer inslaan. Deur die nuwe Yslandse wetgewing, wat deur die ModerneYslandse Media-inisiatief gedryf is, sal die bronne van ondersoekende joernaliste effektief beskerm word en skoon adminitrasie verseker word. Die media beskryf hierdie wetgewing as ‘n gids vir persvryheid.
“Selfs voor die jongste verwikkelings het Ysland reeds die 9de plek op Verslaggewers Sonder Grense se persvryheidsindeks beklee, en Suid-Afrika die 33ste – na lande soos Ghana en Mali.
“‘n Land se posisie op die persvryheidsindeks beïnvloed die land se posisie op die korrupsiepersepsie-indeks en beïnvloed so weer beleggersertroue.”
Farouk Seedat (52) is na ‘n hospitaal gehaas nadat hy rondom 22:00 Dinsdagaand by sy huis deur gewapende mans aangeval is.
Dit is nie bekend of enigiets tydens die aanval gesteel is nie maar Kym Cloete, polisiewoordvoerder, sê ‘n saak van poging tot moord en huisbraak is gemaak.
Volgens ‘n woordvoerder vir die hospitaal waar Seedat opgeneem is, verkeer hy in ‘n stabiele toestand.
Edna Molewa, ANCWL-woordvoerder, het Gillwald ” ‘n heldin van ons stryd vir vryheid” genoem.
Volgens Molewa was Gillward ‘n “dapper” vrou wat ‘n prominente rol in die vryheidstryd gespeel het.
Gillward, wat op die ouderdom van 53 dood is, was twaalf jaar lank ‘n parlementslid van 1994 tot 2006.
