Voormalige RAU: slegs 2 uit 31 raadslede nog Afrikaners

Image

RAU: Afrikanerkerkhof?

Slegs 2 uit 31 raadslede (waaronder 8 blankes) van die voormalige Randse Afrikaanse Universiteit in Johannesburg is nog Afrikaners. Ook die rektor van die universiteit is ’n ondergekwalifiseerde bruinman, Iron Rensburg, wat hom by voorkeur in Engels uitdruk. Die skouspelagtige ineenstorting van Afrikanerinvloed aan dié universiteit is deels te wyte aan wat personeel aan dié universiteit die “kapitulasie” van die vorige bestuur noem en deels aan Kader Asmal, die vorige anti-Afrikaanse onderwysminister, se kwaadwillige samesmeltingsprogram.

Die RAU is in die vroeë sewentigerjare opgerig om in die vraag na tersiêre onderrig in Afrikaans aan die Rand te voorsien. Geldinsamelingsveldtogte is regoor die land, maar veral in Johannesburg, asook die Oos- en Wesrand deur Afrikaners gehou om die droom van ’n Afrikaanse universiteit in Johannesburg te verwesenlik. Ook die voormalige Broederbond het ’n groot rol gespeel om die destydse Nasionale Partyregering te oorreed om ’n Afrikaanse universiteit in Johannesburg op te rig.

Image

Kader Asmal

Weens die nabyheid van dié universiteit, kon laermiddelklasouers aan die Oos- en Wesrand vir die eerste keer hul kinders universiteit toe stuur en het ’n hele geslag Afrikaners sodoende toegang tot universiteitsonderrig verkry.

Die verbeeldingryke moderne argitektuur van die RAU is indertyd deur kenners geloof as die versinnebeelding van die moderne, stedelike Afrikaner. Sommige Engelstalige kritici het dit egter as ’n “betonlaer” afgemaak.

Sedert Asmal se vyandige samesmelting van die RAU, die Witwatersrandse Technikon en die Vista-universiteit in Soweto, is die RAU herdoop tot die “University of Johannesburg” en het die voertaal insgelyks Engels geword, hoewel sommige klasse nog in Afrikaans aangebied word terwyl dié taal uitgefasseer word.

Image

UJ verkies Indi?rs of swartes

Op die webblad van die University of Johannesburg word die tipiese student deesdae as hetsy ’n Indiër, hetsy ’n swarte, uitgebeeld (sien foto links).

Die meerderheid van die doserende personeel, tot sewentig persent, bestaan egter steeds uit Afrikaners. Die RAU bied daarom ’n studie in Afrikanerondergang, hoe ’n eens trotse instelling wat Afrikaans voorop gestel het, binne slegs enkele jare ’n radikale “transformasie” ondergaan het.

Toenemend word daar ook van Afrikanerpersoneel verwag om ondergeskikte posisies teenoor swart akademici in te neem, terwyl hulle steeds “die werk moet doen”. In een so ’n voorval is ’n Afrikaanse vrou gevra om terwille van “transformasie” ’n swart dekaan te aanvaar, met dien verstande dat sy al sy administratiewe en bestuurspligte moet uitvoer. Sy het egter geweier en aangebied om te bedank. Hierna is sy in die dekaanspos aangestel, ’n rare voorbeeld van Afrikanerverset aan die voormalige RAU waar die gees van oorgawe spookagtig deur die blink gepoleerde gange sweef.

 

современное протезирование зубовФильчаков прокурор харькова

Van waar die Tambo-miljoene?

Image

Adelaide Tambo

Die weduwee van die voormalige ANC-hoofman, Oliver Tambo, het so pas gesterf. Woordvoerders uit die regerende party soos Thabo Mbeki bring tans hulde aan die ontslape Adelaide Tambo as “heldin van die nasie”, maar groot nuuskierigheid heers oor die waarde van die Tambo-boedel.

Oliver Reginald Tambo het Suid-Afrika in die sestigerjare verlaat en as ‘n ryk man teruggekeer, terwyl hy sy lewe lank in die ANC se diens was. Die Tambo-kinders, waaronder Dali Tambo wat in die luuksebuurt Saxonwold in Johannesburg woon, beskik al drie oor ’n uitspattige lewenstyl.

In die doodsberig oor Adelaide Tambo word vermeld dat sy ná 1976 vir die International Defence and Aid Fund gewerk het. Dié fonds was die voorwerp van ondersoeke deur die destydse inligtingsdienste aangesien geheime somme geld van die Sweedse regering deur hierdie fonds na die ANC gekanaliseer is.

Dit was wel bekend dat die Sweedse parlement onder Olof Palme finansiële steun aan die “bevrydingsbeweging” gestem het, maar die presiese bedrae is nooit bekend gemaak nie. In April 2004 het die Sweedse ambassadeur in Suid-Afrika in ’n onderhoud oor RSG gespog dat “die ANC nooit sonder ons hulp die bewind sou oorgeneem het nie”. Die bedrag wat gewoonlik genoem word as daar van destydse Sweedse hulp aan die ANC gepraat word, is $100 miljoen per jaar.

Image

Olof Palme

Olof Palme is op 28 Februarie 1986 in ’n sluipmoord gedood. Hy is in Sveavägen, ’n straat in die middestad van Stockholm, doodgeskiet terwyl hy en sy vrou, Lisbet, besig was om huis toe te loop nadat hulle gaan fliek het. Daar is selfs gespekuleer dat die SA veiligheidsdienste agter die sluipmoord kon gesit het.

Feit is egter dat groot bedrae Sweedse geld in die vorm van geheime fondse na die ANC gevloei het onder die destydse Palme-regering wat ‘n sterk linkse en anti-Westerse inslag gehad het. Dis in die aard van geheime fondse dat daar moeilik beheer daaroor toegepas word.

Oliver Tambo het, soos menige Afrikaleier voor hom, ryk geword uit die politiek. Met die dood van sy vrou Adelaide, wat haar loopbaan in 1944 as ’n bode vir die organisasie begin het, word ’n hoofstuk in die Tambo’s se finansiële opgang afgesluit. Ná 1994 het ANC-politici immers nie meer Swede vir ’n bron van inkomste nodig gehad nie, maar het hulle direkte toegang tot die Suid-Afrikaanse staatskas verkry, asook swartbemagtigingstransaksies waaruit figure soos Sexwale en Ramaphosa miljoenêrs geword het.

games kazinoлобановский харьков класс

Misdaad: ENB plaas druk op Mbeki

Image

Een van die vier groot Suid-Afrikaanse banke, Eerste Nasionaal, gaan binnekort druk op Mbeki plaas om sy siening oor misdaad te verander. Volgens die bank gaan hy van dié naweek af met ‘n groot anti-misdaadveldtog in die media begin om die ANC-bewind onder die indruk van die erns van die probleem te bring.

воздухосборник горизонтальныйлобановский обыск

WB se veiligheidshoof is korrupte tronkbaas

Image

Linda Mti, vorige DKD-hoof

Die plaaslike reëlingskomitee van die internasionale sokkerliggaam FIFA, het aangekondig dat Linda Mti, voormalige hoof van die Departement van Korrektiewe Dienste, aangestel is as die hoof: veiligheid van die Wêreldsokkerbeker in 2010. Mti moes by die DKD bedank weens aanklagte van korrupsie en dronkbestuur.

 

Mti is ook anti-Afrikaans. In 2001 is studente van die DKD se Zonderwater-opleidingskollege met die dood gedreig deur amptenare van die departement omdat hulle hul eksamens in Afrikaans wou aflê. Mti het die gedrag van sy amptenare verdedig.

 

Kritiek is reeds uit die geledere van die DA se mnr. James Selfe uitgespreek. Volgens Selfe is Mti se aanstelling “ten beste voortydig en ten ergste swak oordeel”.

Die gewese gevangenishoof word sedert November verlede jaar deur die Staatsdienskommissie ondersoek weens ‘n botsing van belange. Mti het naamlik bande gehad met maatskappye wat terselfdertyd verskaffers van die DKD was. Ook in November 2006 het Mti onder die invloed agter in ‘n ander voertuig vasgery in die Johannesburgse spitsverkeer. ‘n Saak van dronkbestuur is teen hom aanhangig gemaak, maar intussen van die hofrol geskrap weens die departement van gesondheid se gesloer met die tersaaklike bloedtoetse.

дизайн гостинной с угловым каминомДанильченео

Stormjaers verhoed Amerikaner om oor ras te praat

Image

Jared Taylor en betogers

Die Amerikaanse skrywer en kritikus van regstellende aksie, Jared Taylor, is onlangs in Kanada verhoed om ‘n voorbereide toespraak in ‘n hotel te lewer.

Dosyne betogers wat agter balaklawas of bandanas geskuil het, het hom hardhandig by die saal uitgesmyt en eksemplare van sy tydskrif American Renaissance opgeskeur. Van die geskeurde tydskrifte is opgeskeur en op een stadium na sy kop geslinger. Die f-woord is glo vrylik deur die betogers gebruik.

Die gebeure het in die Lord Nelson-hotel in Halifax, Nova Scotia, plaasgevind. Mnr. Taylor sou aanvanklik in ‘n debat teen ‘n swart Kanadese professor, David Devine oor die onderwerp “Rassediversiteit: voordeel of nadeel vir Noord-Amerika?” op die kampus van die Dalhousie-universiteit deelneem. Toe Devine kop uittrek, het Taylor die vertrek in die hotel op eie koste gehuur om sy toespraak te lewer. Die toespraak verskyn in die jongste uitgawe van American Renaissance wat ook elektronies op www.amren.com bestel kan word.

Kanada ondervind toenemend rasseprobleme aangesien die land nie meer in staat is om soos in die verlede blanke Europeërs as immigrante aan te lok nie. Rassisme en etniese verdeeldheid word as ‘n toenemende probleem in Kanada gesien.

Die insident het ‘n debat in die plaaslike koerant, die Chronicle Herald, veroorsaak. Verskeie rubriekskrywers het gemeen dat, hoewel hulle nie met Taylor se kritiek op multikulturalisme saamstem nie, hy wel toegelaat moes gewees het om te praat. Daar is ook gevoel dat spraakvryheid in Kanada wesentlik deur polities korrekte stormjaers bedreig word.

Intussen beplan Taylor om in Maart terug te keer na Halifax vir ‘n debat met ‘n filosofieprofessor wat ingestem het om met hom die rede te voer.
{mos_mb_discuss:13}

casino noАлександр Фильчаков

Ontsteltenis oor historikus se dood

Image

David Rattray

Groot onsteltenis heers oor die moord op historikus David Rattray wat in veldslae tussen Engelse en Zoeloes gespesialiseer het. Hy is in sy veldhotel naby Rorke’s Drift doodgeskiet.

Die ANC-sakeman, Saki Macozoma, het die moord beskryf as “’n voorbeeld van die tipe misdadigheid wat so algemeen in ons samelewing is”.

“Dis ‘n groot verlies. Hy het die waardigheid van die Zoeloevolk en hul geskiedenis herstel, en het mense vasgenael gehad met sy intieme kennis van die Anglo-Zoeloe-oorlog.”

Die Afrikanersakeman en voorsitter van die Switserse luukseartikelsgroep Richemont, mnr. Johan Rupert, het die moord as “sinneloos” bestempel.

Is dit die soort samelewing waarvoor duisende mense geveg en hul lewens opgeoffer het? Mense wat nie glo dat ons land ‘n krisis beleef weens geweldsmisdaad nie, moet in ‘n ontkenningstoestand verkeer.”

Hy het bygevoeg dat Suid-Afrika nie die soort land is waarin hy gehoop het om sy kinders groot te maak nie.

“Suid-Afrika het vir seker een van sy groot seuns verloor… hy het sy lewe aan die bevordering van Zoeloekultuur gewy,” het Rupert afgesluit.

 

насосы высокоголобановский харьков

Pta-naamsverandering kom sodra Jordan ‘lus is’

Image

Dr. Pallo Jordan

Die minister van kuns en kultuur, dr. Pallo Jordan, “sal Pretoria se naam verander sodra hy die oggend opstaan en lus voel om dit te doen”. Tot dan gaan hy egter geen aankondiging in dié verband doen nie.

Volgens berigte verlede jaar sou Jordan voor einde Januarie die besluit of die stad se naam gewysig gaan word, aldan nie, bekend maak. Maar laatmiddag op Vrydag 26 Januarie het Jordan by die Kaapstadse lughawe teenoor my ontken dat hy ooit so ‘n onderneming gegee het. “Ek het nooit enigiets van dié aard gesê nie,” het hy met beslistheid verklaar.

Die onsekerheid oor die Pretoriase naamsverandering duur dus voort. Intussen wil dit voorkom asof sowel die stadsraad as die SAUK wel eensydig die naam van die hoofstad verander het aangesien beide instellings konsekwent die benaming “Tshwane” gebruik. “Tshwane” beteken alternatiewelik “plek van die aap” of “plek van die koei” en die herkoms van die term is steeds in onsekerheid gehul.

Gerugte loop wyd dat die hele Pretoria oranje, wit en blou geverf sal word indien die naams finaal sou verander. Sedert die eerste aankondiging van ‘n naamsverandering is die meerderheid Pretorianers daarteen gekant en het daar ook verskeie groot betogings daarteen plaasgevind.

{mos_mb_discuss:13}

детектор лжи проверить себяФильчаков прокурор харькова

Ek skiet jou soos ‘n hond dood, oom!

Boeremaglede in beskuldigde bank.

V.l.n.r.: Rudi Gouws en Herman van Rooyen

Die nuus oor die inhegtenisname van die voortvlugtige Boeremaglede, Herman van Rooyen en Rudi Gouws, het die kollig geplaas op die SAPD se hoofsaaklik blanke taakmag wat hemel en aarde beweeg het om die twee weer agter tralies te kry.

Op Nylstroom waar die egpaar Bogaards gearresteer is omdat hulle na bewering die twee voortvlugtiges op hul plaas laat kampeer het, het ‘n blanke taakmaglid aan ‘n bejaarde buurman van die Bogaardse gesê, “Oom, as jy deur dié hek gaan, skiet ek jou soos ‘n hond dood!” Die buurman wou gaan ondersoek instel op die plaas nadat daar aanvanklik geglo is dat die Bogaardse dalk die slagoffers van ‘n plaasaanval was.

In die Sondagblad Rapport is ‘n groot foto van die gearresteerde Boeremaglede geplaas, maar slegs met swaar gewapende swart polisiemanne by die beskuldigdes. Die vraag ontstaan waarom die blanke taakmaglede wat hoofsaaklik die verskillende operasies op die Bogaardse en die meenthuis in Centurion (voorheen Verwoerdburg) uitgevoer het, nie ook afgeneem word nie?

Tydens die Rebellie in 1914 het die destydse Eerste Minister, generaal Jan Smuts, seker gemaak dat hy slegs Afrikaners teen die rebelle ontplooi. Dit wil voorkom asof die ANC ‘n soortgelyke strategie voer teen die Boeremag, deur grotendeels blanke Afrikaner-polisiemanne teen hulle in te span.

Oor die naweek het ook bewerings in die pers verskyn dat die polisie doodsdreigemente van die Boeremaglede se familie en ondersteuners sou ontvang. Dit mag een verklaring bied waarom die blanke polisietaakmag wat tot dusver soos in Hollywoodfilms in die vroeë oggendure deur dakke klim of in helikopters bo plase sirkel onsigbaar gebly het: hulle vrees weerwraak vanuit hul eie gemeenskap.

Uit die berigte wat tot dusver oor Herman van Rooyen en Rudi Gouws verskyn het, is daar ‘n merkbare toonverskuiwing, vergeleke met enkele jare gelede toe die Boeremag uiters onsimpatiek in die koerante van Nasionale Pers uitgebeeld is. Tans val die klem op die menslike sy van die gevangenes, hoe hulle die sonsopkoms en -ondergang of Kersfees waardeer het terwyl hulle op vrye voet was.

Die borgaansoek van die Bogaards-gesin kom vandag in die Nylstroomse landdroshof voor. Deels vanweë die hardhandige optrede van die polisietaakmag, is die hele dorp blykbaar in rep en roer en word ‘n groot skare mense by die hofverrigtinge verwag.

Hoewel die Boeremag aanvanklik as ‘n randeiergroep afgemaak is, mag dit wees dat die staat en veral die oorywerige blanke polisietaakmag se optrede besig is om simpatie vir die beskuldigdes by die publiek te wek.

липецк опцииtopcargo

ANC se landsbestuur stort in duie – HNP

Die eerste politieke party wat reageer op die nuwe elektrisiteitskrisis is die HNP. Volgens mnr. Louis van der Schyff, hoofsekretaris, "is die ANC se landsbestuur besig om in duie te stort".

Hier volg sy volledige verklaring: "Die Koeberg kragsentrale in Kaapstad het vir die tweede keer in ‘n betreklike kort tydperk gesorg dat die land in ‘n elektriese krisis sit.  Bronne in die kragsentrale berig dat daar ‘n ontploffing was wat sy turbines tot stilstand laat knars het.  Feitlik onmiddellik is groot gebiede in die Wes-Kaap sonder krag gelaat, terwyl die effek daarvan in die res van die land ook gevoel word, selfs in die hoofstad waar buitelandse missies waarskynlik op hierdie wyse eerstehands kan voel hoe basiese dienslewering onder die ANC werk.

Die elektrisiteitsprobleme word al hoe groter, en probleme word al hoe korter op mekaar gevoel.  Ons kan ons net indink hoe dit gaan lyk teen 2010."

Die HNP blameer restellende aksie en transformasie vir die elektrisiteitskris en het voorts gesê: "Dit word met die dag al meer duidelik dat die ANC-regime nie kan regeer en nie kan bestuur nie.  Hy kan nie daaglikse dienslewering aan die gang hou nie.  Nou word die wrange vrugte voelbaar gepluk van sy beleid om bekwame blankes te vervang met onbekwame Swartes — net omdat hulle swart is.

Ons hoop dat die ambassades en konsulate wat in die land is en hierdie wantoestande nou byna daagliks begin voel, hulle regerings daaroor gaan inlig.   Maar dit word al hoe meer duidelik dat, ten spyte van al die ander faktore wat ‘n rol speel, geen wêreldbekersokkertoernooi aangebied kan word as daar nie eens ‘n waarborg is dat die stadions se liggies kan brand nie."

жилета для девочкилобановский александр отзывы

SA ervaar elektrisiteitskrisis – Eskom

Suid-Afrika het te min elektrisiteit om in die vraag te voorsien, het Eskom vandag aangekondig.

"Eskom ervaar onbeplande kragonderbrekings van 4600 MW as gevolg van tegniesesentraleprobleme. Dit is 3000 MW hoër as die verwagte syfer vir die huidige tydperk," het die maatskappy se direkteur: verspreiding, Jacob Maroga, in ‘n verklaring gesê.

Eskom is besig om alle voorafbeplande noodmaatreëls in werking te stel. Dit sal egter nie genoeg wees om die elektrisiteitstekort vir vandag en moontlik die volgende week te oorkom nie.

Volgens Maroga is die nasionale verspreidingsnetwerk wel stabiel, maar die land staar ’n tekort aan beskikbare opwekkingskrag gedurende dié periode in die gesig. Hy beskryf die situasie as “krities”.

Koeberg-kernkragsentrale se eerste eenheid het om 2.18 v.m. op Donderdagoggend gaan staan toe die turbine uitgeskakel het.

“Die reaktor verkeer in ’n veilige afskakeltoestand. Die oorsaak van die turbine-uitskakeling word tans ondersoek.”

Verpligte ladingverligting sal landwyd geïmplementeer word, indien nodig, om die balans tussen vraag en aanbod te handhaaf.

Eskom het ‘n beroep op die publiek gedoen om alle nie-noodsaaklike elektriese toerusting soos lugreëlaars, warmwatertoestelle en swembadpompe af te skakel. (Gegewens van Sapa)

запчасти на насосные станцииФільчаков прокурор