Dan Roodt, Author at praag.co.za

Polisie skiet betoger

‘n Vrou is noodlottig gewond tydens ‘n gewelddadige betoging in KwaDukuza, noord van Durban, het die polisie in KwaZulu-Natal Dinsdagaand gesê.

“Gister (Maandag) is ‘n vrou doodgeskiet, na bewering deur ‘n ongeïdentifiseerde veiligheidswag,” het brig. Phindile Radebe gesê.

Sy het ontken dat die vrou deur die polisie, wat op die skare van ongeveer 300 met lewendige ammunisie gevuur het, gedood is.

“Die polisie het nooit lewendige ammunisie gebruik nie,” het sy gesê. “Rubberkoeëls is gebruik om die skare uitmekaar te jaag.”

Moses Dlamini, woordvoerder van die Onafhanklike Klagtedirektoraat, was nie beskikbaar vir kommentaar nie.

Die SABC het berig ‘n man is ook dood tydens die betogings Dinsdag, maar dit kon nie bevestig word nie.

“Ons weet nie enigiets daarvan nie,” het Radebe gesê.

Inwoners betoog sedert Maandagoggend hier oor ‘n toename in taxifooie.

Radebe het gesê hulle het paaie met brandende bande afgesper.

Die polisie het Maandag 164 betogers in hegtenis geneem vir openbare geweld.

Hulle het in die landdroshof op KwaDukuza verskyn. Borgtog is nie toegestaan nie. Hulle sal weer oor sewe dae verskyn.

Nóg 108 betogers is Dinsdag in hegtenis geneem en sal na verwagting Woensdag in die hof verskyn.

Dit is nie seker of taxibestuurders geteiken is tydens die betoging nie, het Radebe gesê.

“Die polisie is ontplooi en sal die gebied oornag monitor. Op die oomblik is dinge onder beheer,” het sy gesê.

igt africa

Chinese diplomate reik uit na Libiese rebelle

Chinese diplomate het in Benghazi, wat deur Libiese rebelle beheer word, aangekom om lede van die opposisie te ontmoet en die konflik in Libië te evalueer, het die regering Dinsdag gesê.

Die onbekende diplomate van die Chinese ambassade in Egipte het Benghazi besoek “om ‘n beter begrip van die humanitêre toestand en die omstandighede vir Chinese beleggingsinstellings” in te win, het die Chinese departement van buitelandse sake in ‘n verklaring gesê.

Die besoek is onderneem om “kontak met die Nasionale Oorgangsraad, wat deur die rebelle geskep is, te behou en om albei kante van die Libiese konflik aan te moedig om ‘n politiese oplossing te vind.”

Dit is nie bekend hoe lank die diplomate daar gaan vertoef nie. Dit is die tweede keer in die afgelope paar weke wat die Chinese regering kontak met die rebelle maak.

погремушки topcargo

Ernstige bedenkinge oor die VVK

Ek loop dikwels kommentare onder Praag-artikels raak wat die Volksraadverkiesingskommissie se beplande verkiesing as ‘n lewensvatbare alternatief vir die rasse-sensus wat Suid-Afrika se gewone verkiesings verteenwoordig, probeer voorhou. Ek het al dikwels sulke inskrywings bevraagteken, spesifiek oor die onafhanklikheid van die VVK, en die antwoord is telkens dat die VVK soortgelyk aan Suid-Afrika se OVK is, met ander woorde ‘n onafhanklike liggaam wat bloot daar is om ‘n volksverkiesing te organiseer. Met ‘n onafhanklike liggaam wat soveel as moontlik Afrikaners wil betrek, kan ek hoegenaamd geen fout vind nie en sou ek dit heelhartig steun. Ek het egter ernstige bedenkinge oor die VVK se onafhanklikheid.

‘n Onafhanklike verkiesingsowerheid soos wat mens in Westerse lande aantref, het in breë trekke drie funksies: 1.) Hou die kieserslys by en hanteer kieserregistrasies, 2.) Bestuur die proses van kandidaatregistrasie en hou die register van kandidate by. 3.) Organiseer die verkiesing, tel die stemme en kondig die resultaat aan. Só ‘n owerheid mag onder geen omstandighede self by die politiek betrokke raak nie. Hy mag byvoorbeeld geensins probeer om kiesers wat registreer, te sif volgens hul politieke oortuigings nie. Al wat ‘n onafhanklike owerheid mag doen, is om seker te maak dat die kiesers wel burgers van die betrokke land en van ‘n stemgeregtigde ouderdom is. Dit sou byvoorbeeld ondenkbaar wees vir die Amerikaanse kiesowerhede om vir voornemende kiesers tydens die registrasieproses te vra: “Ondersteun jy die moord op babas wat aborsie is?” Nie net het so ‘n polities gelaaide vraag geen relevansie vir die registrasieproses nie, maar die blote stel van die vraag en die manier waarop dit gevra word, het alreeds ‘n politieke strekking ten gunste van ‘n bepaalde sienswyse. Dit sal 100% gewaarborg lei tot ernstige hofsake deur die Demokratiese Party om die aktiwiteite van die owerheid onwettig en buite orde te laat verklaar.

PRAAG – hier is geen heilige koeie nie. Ondersteun ons nóú deur hier te klik.

Voorts kan ‘n owerheid wat waarlik wil aanspraak maak op neutraliteit en onafhanklikheid, nie die uitslag van die verkiesing vooruit wil loop nie. Om weer die Amerikaanse voorbeeld hierbo te gebruik, kan die sogenaamd onafhanklike owerheid onder geen omstandighede sê dat hy ‘n verkiesing gaan hou wat slegs daar is om diegene wat gaan sorg dat die Roe vs Wade-beslissing oor aborsies omgekeer gaan word, te verkies nie. Só ‘n verkiesing kan allermins as vry en regverdig bestempel word, omdat dit reeds die uitslag vooruitloop. Dit kan hoogstens ‘n verkiesing wees van Republikeinse kandidate, en dan slegs dié wat teen aborsies gekant is. Diegene wat so ‘n verkiesing organiseer, kan hulself nie onafhanklik wil noem nie.

Ek is bevrees dat die Volksraadsverkiesingskommissie (VVK) bostaande toetse liederlik dop. Eerstens verwag sy registrasievorm van kiesers om alreeds ‘n politieke mening ten gunste van ‘n volkstaat uit te spreek. Alhoewel ek persoonlik ten gunste van selfbeskikking asook uiteindelik ‘n volkstaat is, hoe weet ek of die VVK dat die meerderheid Afrikaners ten gunste van ‘n territoriale volkstaat is? Waaroor gaan die verkiesing dus? Is dit slegs om ‘n raad te verkies wat voorstanders van ‘n volkstaat verteenwoordig? Hoe weet ons die meerderheid Afrikaners staan hoegenaamd (soos ek) ‘n volkstaat voor? Ons gaan egter ná die verkiesing ook nie weet nie, want slegs diegene wat ‘n volkstaat voorstaan, mag registreer.

As die VVK homself as onafhanklik wou voorhou, mag hy nie die kar voor die perde span en die uitslag van die verkiesing vooruitloop nie. Lees mens op die VVK se registrasievorm en webwerf, is dit egter duidelik dat hy ‘n territoriale volkstaat voorstaan en dit is waarna sy verkiesing mik – ek verwys spesifiek na 16.5 en 16.6 op sy registrasievorm. Die VVK het dus alreeds bepaal wat sy “volksraad” se politieke doelwit is: ‘n volkstaat, ‘n politieke uitkoms wat nie deel mag wees van ‘n onafhanklike verkiesingsowerheid se aktiwiteite nie. Die AVP, ‘n splintergroep van die HNP, wat byvoorbeeld nie ‘n territoriale volkstaat voorstaan nie, weier gevolglik om deel te neem, want die VVK is allermins neutraal.

Ook die vrae wat die VVK aan sy kandidate op sy vraelyste stel, spreek van ‘n baie spesifieke godsdienstige ideologie. Verwys weer eens na my gelaaide vraag oor aborsies hierbo. Die manier waarop veral vrae 4, 5 en 6 in die kandidaatvraelyste gestel word, asook die vrae self, spreek duidelik van die invloed van die Geloftevolkbeweging, wat slegs ‘n baie beperkte ledetal het. Weer eens: ‘n VVK wat soveel as moontlik Afrikanerstemme wil kry, kan nie ‘n spreekbuis vir ‘n bepaalde beweging se ideologie wil wees nie. Dit is goed dat die kandidate die geleentheid gekry het om hulle standpunte te stel, maar die keuse van vrae het hulle ongelukkig in ‘n bepaalde ideologiese rigting gelei, wat na my mening uit voeling is met die meeste gewone Afrikaners se alledaagse bekommernisse en aspirasies, en totaal en al buite die bestek is van ‘n kommissie wat wil beweer hy is onafhanklik en daar vir alle Afrikaners.

Wat eweneens kommerwekkend is van die VVK, is die volgende wat op sy hoofblad verskyn: “Daarbenewens sal Volksraadslede wat die selfbeskikkingstrewe op enige stadium mag ondergrawe, demokraties uit hulle posisies verwyder kan word sodra ‘n mosie van wantroue op ‘n volksvergadering aangeneem mag word en sonder dat hulle eers ‘n ‘termyn’ moet uitdien waarin hulle skade op skade kan aanrig.” Dus: Selfs al word iemand verkies tot die raad, sê maar van die AVP wat nie gediend is met die gedagte van ‘n volkstaat nie, kan sy mede-raadslede die kiesers wat dié raadslid verkies het, se demokratiese wil ignoreer en hom bloot verwyder. Dis voorts onduidelik wat “ondergrawe” beteken. Netnou besluit ‘n meerderheid van die lede “ondergrawe” beteken om nie die Geloftevolk se ideologie te gehoorsaam nie. Dis nie hoe ‘n demokrasie werk nie, mense! Jy kan nie net iemand wat wettiglik verkies is, ontslaan omdat hy nie saamstem met jou siening nie!

Ten spyte van bostaande het ek geen probleem met die bestaan van ‘n verkiesingskommissie wat ‘n raad wil verkies om ‘n volkstaat te bevorder nie, of ‘n raad wat daar is om die Geloftevolk se ideologie uit te bou nie. Dit is hulle goeie reg om so te maak en ek wens hulle alle sterkte daarmee toe. Die probleem ontstaan wanneer aanhangers van die VVK veral op Naspers of Praag se kommentaarblaaie probeer voorgee dat die VVK daar is vir álle Afrikaners, en ook met die gebruik van die naam “Volksraad”. Dit kan per definisie nie ‘n volksraad vir alle Afrikaners wil verkies as die kiesowerheid voor die verkiesing reeds besluit het wie is die volk en welke politieke of godsdienstige doelwitte die sogenaamde volk moet nastreef nie. Die volk is dan meer akkuraat dié faksie van Afrikaners wat ‘n territoriale volkstaat voorstaan, en met die Geloftevolk se godsdienstige ideologie saamstem. Laasgenoemde is weliswaar miskien in die meerderheid, maar dis nie ‘n onafhanklike kommissie se rol om dit reeds vóór die verkiesing te bepaal nie.

Die gevaar van die VVK behoort vir ons almal duidelik te wees: Deur vooraf reeds ‘n bepaalde ideologie, godsdienstige benadering en politieke doelwit voor te hou, gaan dit baie mense, asook regses soos die AVP, vervreem en uitsluit, en gaan dit uitloop op ‘n besonder duur mislukking (ek verneem dat dit minstens R5 miljoen gaan kos.) Dit gaan ook oneindige ammunisie aan Afrikaners se opponente verskaf wat vir seker vingers na die VVK se lae stemtal gaan wys, en as bewys gaan voorhou dat Afrikaners kwansuis nie die gedagte van selfbeskikking steun nie.

PRAAG – hier is geen heilige koeie nie. Ondersteun ons nóú deur hier te klik.

casino slots

Grootste teeplaas in puin gelê

Die grootste teeplaas in die suidelike halfrond, Magwa Tea buite Lusikisiki in die Oos-Kaap, staar ondergang in die gesig nadat die plaas vroeër hierdie jaar deur sy werkers geplunder en verlaat is.

Die plaas van 1 803 hektaar het ‘n omset van R65-miljoen per seisoen en verskaf werk en loopbaanopleiding aan 1 200 permanente en 2 300 seisoenale werkers.

In Februarie, is die plaas gesluit toe werkers, die hoogsbetaaldes in die tee-industrie, die plek in puin gelaat het nadat die bestuur geweier het om ‘n 104% verhoging toe te staan.

In Mei, waar teeplante gewoonlik vir die gemak van pluk gesnoei word tot middellyfhoogte, was hulle reeds skouerhoogte en nutteloos.

Die plante strek so ver as die oog kan sien aan beide kante van die grondpad tussen die heuwels van Lusikisiki aan die Wildekus, in Transkei.

“Die oes vir die jaar is verlore,” sê Pierre Leppan, ‘n direkteur by die Oos-Kaap Ontwikkelingskoörporasie OKOK wat daarin geslaag het om die plaas vir die afgelope sewe jaar te bedryf.

“Die name van ses bestuurders is op ‘n doodslys en die OKOK is nie in staat om hul veiligheid te waarborg nie. Hulle moet die plaas mbv hul selfone bestuur.”

Die plaas het begin floreer in die afgelope jaar, ná dekades van plundering, korrupsie en wanbestuur.

‘n Magwa-bestuurder, wat geweier het om sy naam te gee uit vrees vir sy werk en sy veiligheid, sê die moeilikheid het verlede jaar begin, kort nadat ‘n Farm Workers’ Union (Fawu) amptenaar herontplooi is na Kaapstad en vervang is deur twee ander.

Die oorspronklike unie-amptenaar het verstaan waaroor Magwa en sy geskiedenis gaan, en wat lewensvatbaar was aldan nie, maar sy opvolgers het nie.

“Die werkers en die bestuur het voorheen ‘n harmonieuse verhouding gehad,” het die bestuurder gesê.

“Die twee nuwe amptenare was konfronterend van die begin af. Hulle het misverstaan hoe Magwa gewerk het. Hulle het gedink, byvoorbeeld, dat die bestuur die eienaars van die plaas is.” Tydens die staking is daar gereeld op bestuurders geskiet. Huise en eiendom is geplunder en afgebrand. Motors is verniel en gesteel.

Magwa se sekuriteitsbestuurder Daan Schoeman sê die toestand was plofbaar. “Hulle vernietig alles in sig. Hulle het wat hulle kon gebreek. Yskaste, vrieskaste, oonde en voertuie… Alles,” sê Schoeman.

Die polisie ontbied is en rubberkoeëls en traangas is afgevuur tydesn die staking in Maart.

Schoeman het selfs ‘n desperate oproep vir hulp van ‘n bestuurder ontvang. “Hy het gesê:” Help Daan, hulle gaan my doodmaak ‘, maar ek kon niks doen nie. Dit was onmoontlik om in te gaan. Hulle het hom met kapmesse getakel, maar hy het dit gemaak. Een van die sekuriteitswagte is egter doodgeskiet.

“Dit was verskriklik, daardie dag, ek het ‘n ou man geword,” sê hy.

Permanente werkers, wat in huise op die 13 nedersettings op die plaas woonagtig was, het geweier om deel te neem aan die staking, en is verjaag uit hul eiendomme.

Kapt Mduduzi Godlwana het bevestig dat een persoon in hegtenis geneem is vir die moord op die sekuriteitswag en nog 48 vir openbare geweld. Hulle sal in die hof verskyn, sê hy.

Fawu-amptenaar Tonga Mbaliese blameer die bestuur vir die staking.

Hy sê die aanvanklike dispuut was oor die oplegging van ‘n 253 kg-teeplukkwota, ipv 180kg en 200kg.

“Die hoeveelheid is eensydig gestel sonder om werknemers se stem te hoor.

“Die werkers is nie die oorsaak van die probleme op Magwa nie. Die probleme word veroorsaak deur die styl van bestuur,” het Mbaliese gesê.

Omliggende gemeenskappe, politici en stam-leiers maak die afgelope paar dekades aanspraak op die grond.

Die plantasie is in die Pondolandlanddrosdistrik van Lusikisiki, wat onder die Qawukeni Stamowerheid val.

Moderne geopolitiek

Nuwe tegnologiese ontwikkelings vereis ‘n voortdurende aanpassing aan ‘n konsep wat in die 60-gerjare van die vorige eeu besonder gewild was, die geopolitiek. As die strategiese belang van seeroetes bekyk word, is sekere gebiede doodgewoon belangriker as ander. Die Arabiese domino-rewolusie het onder meer beklemtoon hoe belangrik die Suezkanaal is. Kernmissieltegnologie het verseker dat die Noordpoolprojeksie uiters belangrik is, en ander het weer baie gemaak oor hartlandgebiede diep in ‘n kontinentale binneland wat dit bykans immuun teen aanvalle maak, soos ook Napoleon op die harde manier moes leer.

Die strategiese verbinding tussen geografiese realiteite en wêreldpolitiek is egter veel ouer, soos eers die Britse gebruik van Splendid isolation, met ‘n sterk element van merkantilisme en die Amerikaanse konsep van Hemisfere defence.

Nog ‘n geografiese konsep wat die lig gesien het, was die Noord-Suid-verdeling. Hiervolgens word van die uitgangspunt uitgegaan dat die noorde ryk, en die suide arm is. In sommige variasies is die rykdomverspreiding toegeskryf aan die uitbuiting van die suide deur die noorde, veral in die koloniale era.

Om verskeie redes het hierdie konsep in onbruik verval. Dit laat immers geen ruimte vir selfrespek nie, en so ‘n benadering kom op ‘n verskansing van die bakhandsindroom neer.

Na 1994 het die Suid-Afrikaanse regering dit egter opnuut afgestof, en slaan dit nou selfs in akademiese leerplanne uit. Dit is geen absolute verdelingslyn nie, en daar is heelwat welvarende lande in die suide, en heelwat arm lande in die noorde.

‘n Simptoom is dat daar ‘n voortdurende stroom migrasie uit die sogenaamde suide, na die sogenaamde noorde is, soos vlugtelinge uit Afrika wat Europa op enige denkbare manier probeer bereik. Die VSA het weer met die massale oorsteek van sy suidelike grens te kampe.

Dit het nie impak op die plaaslike politiek in die lande van bestemming onaangeraak gelaat nie. ‘n Rugstyfmakery in Europa het Europa nou die titel van Fort Europa besorg, en daar word menings versprei dat Europa Afrikane aan ‘n grusame lot oorlaat.

Boonop het Europa intern ook te kampe met sy eie Noord-Suid-stryd – hoofsaaklik noordelike lande soos Finland wat Griekeland, Spanje en Portugal met enorme bedrae moet probeer ekonomies beredder, terwyl die inwoners van die struikellande erg stram is om self ‘n beduidende rol te speel om hul lot te verbeter. Die noorde se bronne is nie onbeperk nie – die VSA het byvoorbeeld reeds sy perk van $14 triljoen op sy begrotingstekort bereik.

Die Vlaminge raak ook al minder geneë om Wallonië met miljarde Euro’s per jaar te bestendig. Die voormalige Wes-Duitsland moes ewe-eens miljarde Euro’s opdok om die ou Oos-Duitsland ekonomies op koers te kry.

Vir die sogenaamde noorde is die deurlopende verlening van hulp aan die sogenaamde suide nie net ‘n ekonomiese las nie, dit is ook onplesierig wanneer die noorde sien hoe die suide spandabelrig en korrup met hul geld omgaan.

Dit is nou tyd dat die suide – en nie net lande soos Indië, Sjina en Brasilië nie, hul welvaartskeppende ekonomieë vlot kry. Geen land is ‘n eiland nie, en Suid-Afrika ook nie. Om beleggersvertroue te wek is ‘n komplekse proses – dit verg dat die regering moet waak teen nar-agtige optredes in die buiteland, waarvan pres. Jacob Zuma se besoek aan Broer Leier die jongste verleentheid was. Die vrye teuels wat Malema kry om sy sê te sê is ontsettend skadelik. Dat Laurrence Mushwane steeds as voorsitter van die Menseregkommissie aanbly na sy onbekwaamheid as Openbare Beskermer in die Petro-SA-sage in die hof gaan draai het, is skandelik. Die Valke se verslag oor waarom sy ondersoek na die Wapenskandaal opgeskort is, dreig om in ‘n yslike skandaal te ontwikkel. Die lys van liederlike blapse is ontsettend lank.

‘n Verbete toeslaan op korrupsie, en ‘n verbintenis tot ‘n ontwikkelingsgerigte ekonomie sal baie bydra daartoe dat die Suid-Noord-persepsie nie sinoniem met ‘n bakhandstanery beskou word nie.

casino online

Nòg ‘n plaasmoord ruk Randfontein

‘n Prominente boer se liggaam is om ongeveer 4.30nm deur plaaswerkers gevind, nadat hy Vrydagoggend as vermis aangemeld is.

Lede van die plaaslike SAPD-sektorpolisie, honde-eenheid en lugvleuel, sowel as gemeenskapslede, en die plaaslike gemeenskapspolisieëringsforum (GPF), is al sedert Vrydag betrokke by ‘n reuse soektog na die boer, wat niks opgelewer het nie.

Plaaswerkers, wat Saterdag laatmiddag nog gehelp het met die soektog, het op die boer se liggaam, waar dit, oorkant die straat van sy plaas, sowat ‘n kilometer vanaf die pad, in ‘n rotsskeur versteek is en met gras en bossies bedek is, opgemerk en die GPF en polisie in kennis gestel.

Die boer, wie se naam op hierdie stadium nie aan die HERALD bekend is nie, was volgens getuies op die toneel, die eienaar van ‘n bekende troeteldier- en voëlplaas in die omgewing.

Die liggaam is gevind met vasgebinde hande en voete, sonder klere en met ‘n lap oor die kop getrek.

Die oorsaak van sy dood kan nog nie bepaal word nie, aangesien die polisiepatalogie-eenheid, nog nie die liggaam verwyder het nie, en ondersoekers op die toneel nie die liggaam mag beweeg nie.

Volgens ooggetuies, het die man “baie wreed” gesterf.

Die boer se dood volg glo kort nadat ‘n gewese werknemer die boer probeer dagvaar het oor ‘n geldgeskil, wraak gesweer het op die boer nadat sy saak glo misluk het.

Volgens getuies op die toneel, het die gewese werknemer, en drie ander werknemers wat ook by die geskil betrokke was, intussen spoorloos verdwyn.

люстра купить

Volksmoordenaar gaan Mugabe opvolg

Die man wat die suksesvolle volksmoord in Zimbabwe in die tagtigerjare gedryf het, dr. Sydney Tigere Sekeramayi (67), gaan volgens alle aanduidings as die opvolger van Robert Mugabe aangewys word. Hy is sedert 2009 die minister van staatsveiligheid in Zimbabwe.

Sekeramayi het sy opleiding in Swede en Tsjeggoslowakye ondergaan nadat hy uit sy skool in die destydse Rhodesië geskors is. Hy is glo tans ‘n vertroueling van die eerstydse Speaker Emmerson Mnangagwa en Joyce Mujuru. Hy is ‘n bekende en geliefde figuur in Swede en Denemarke waar hy persoonlike vriendskappe met belangrike sosiaal-demokratiese politieke leiers gesmee het.

In 2001 is die Zimbawiese minister van verdediging Moven Mahachi skielik in ‘n motorongeluk oorlede waarna Sekeramayi hom dadelik opgevolg het. In 2005 het William Mervin Gumede reeds gesê dat Sekeramayi Mugabe as President van Zimbabwe kan opvolg vanweë sy invloed in militêre kringe in dié land.

Sekeramayi was aktief betrokke by die Gukurahundi-slagting waar ZANU met hul opposisie ZAPU afgereken het. ZAPU, wat veral steun onder die Ndebele-bevolking onder leiding van Joshua Nkomo gehad het, se steunbasis is deur die moorde vernietig. ‘n Geraamde 20 000 ZAPU-ondersteuners is tydens die slagting doodgemaak. Volgens ingeligte bronne was Sekeramayi die aanstigter van die geslaagde etniese reiniging.

“Gukurahundi” is die Sjona-woord wat beteken “die lente-reën was die kaf weg”.

Sekeramayi het Marondera-Oos tydens die parlementêre verkiesing in 2005 ingepalm. Hy het glo MDC-kandidaat Iain Kay met 19,912 stemme teen10,066 verslaan. Dié oorwinning is deur buitelandse toesighoudende beamptes bevraagteken aangesien die aantal stemme die aantal geregistreerde kiesers ver oorskry het.

Sekeramayi is ook heftig gekant teen die huidige regering van nasionale eenheid waarvan die MDC-opposisieleier, Morgan Tsvangirai, eerste minister is.

светильник Фільчаков прокурор

Britte bekommerd oor te veel seksuele inhoud

Die Konserwatiewe Party in Brittanje wil ouderdomsbeperkings op musiekvideo’s toepas om te verhoed dat kinders “te gou grootword”.

Daar is stygende kommer in Brittanje oor kinders wat op ‘n baie vroeë ouderdom aan beeldmateriaal met seksuele botone blootgestel word.

‘n Verslag, wat deur die regering aangevra is, stel voor dat ouers meer beheer moet hê oor wat hul kinders op TV en op die internet mag kyk.

Die verslag het ook adverteerders en publiseerders aangemoedig om beelde wat baie seksueel is, nie onder die oë van kinders te plaas nie.

Hulle het spesifiek verwys na tydskrifte se voorblaaie, sowel as advertensieborde wat naby skole is.

Die verslag het ook ‘n beroep op winkels gedoen om nie uitlokkende kinderklere te verkoop nie.

“Die samelewing word oorval met beelde wat seksueel van aard is,” het die outeur van die verslag, Reg Bailey, voorsitter van Mothers’ Union, gesê.

“Ouers voel dat hulle nie van dié beelde kan ontkom nie en dat daar al hoe minder plekke is waar kinders bloot kinders kan wees.”

Die Britse eerste minister, David Cameron, het die voorstelle verwelkom.

Hy was veral ten gunste van ‘n webblad waar ouers direk oor TV-programme, advertensies, produkte en dienste kan kla indien hulle voel dat die inhoud nie geskik is vir kinders nie.

Reguleerders sal dan gedwing word om die klagtes direk aan te spreek.

Hy het reguleerders en besighede aangemoedig om aksie te neem en teen Oktober terug te rapporteer.

для девочек игри Фільчаков прокурор

Hond lewend verbrand

‘n Hond moes Maandag uitgesit word nadat hy in Daleside, Vereeniging, aan die brand gesteek is, het die Dierebeskermingsvereniging (DBV) Maandag gesê.

“Die hond het doodstil gestaan omdat dit te pynlik was om te beweeg. Geen dier verdien dié barbaarse, wrede teistering nie,” het Marlien Pieterse, bestuurder van die DBV in Vereeniging gesê.

Die Shar Pei-teefhond was nog lewend toe sy Maandag gevind is. Sy is met elektriese drade vasgemaak en haar hele lyf was verbrand.

“Haar wonde was te erg, so die beste ding wat ons kon doen was om haar uit te sit.”

Die DBV en die plaaslike polisie is op soek na die oortreders.

Die skuldiges sal ingevolge die Wet op Dierebeskerming aangekla word.

что такое справка 086 Лобановский Харьков

Weermag takel renosterstropers

Vier vermeende renosterstropers is in twee verskillende voorvalle oor die naweek vasgetrek, het die Suid-Afrikaanse Nasionale Weermag (SANW) Maandag gesê.

Twee mans is Sondag in hegtenis geneem in ‘n gesamentlike operasie van die SANW en die polisie in Belfast Trust, KwaZulu-Natal, het woordvoerder lt. kol. Marinda Meyer gesê.

Hulle was na bewering betrokke by renosterstropery in en om die Kruger Nasionale Park in Mei.

Twee vermeende stropers, wat in besit van drie renosterhorings betrap is, is Vrydag in die Kruger Nasionale Park in hegtenis geneem.

Soldate wat op voetpatrollie in die park was, het hulle vasgetrek.

Hulle is ook in besit van ‘n AK-47, ‘n CZ550-jaggewer, ‘n byl en ‘n mes betrap. Een van die stropers is in die regtervoet geskiet toe hy na bewering die AK-47 op die soldate gerig het.

игры длядєвочєк