Dan Roodt, Author at praag.co.za

Proteas maak nie mooi met Swart Pette

Suid-Afrika se krieketspan het vanoggend (Boeretyd) hulle Nieu-Seelandse teenstanders in Napier, NS, gruwelik verniel en gaap-gaap met 6 paaltjies gewen. Wat die Swart Kepse veral intimiderend moet vind, is dat die volle geweld van Suid-Afrikaanse krieket hulle nog nie getref het nie. Die Proteas het baie silinders en het op almal geloop – net nie gelyktydig nie.

AB de Villiers het in die nadoodse onderhoud gesê die “ouens het bestendig goed gespeel.” Ons sal hom vergewe, want hy is dwarsdeur ’n goeie makker en ’n lojale kaptein wat in aanmoediging eerder as kritiek glo. Die ding is net, die ouens het goed gespeel, met rukke, maar geensins bestendig nie. Dié keer het die boulaanval slegs sporadies gevlot, maar die paar boulbeurte wat dinge mooi geloop het, was dit vreesaanjaend en baie indrukwekkend.

De Villiers het die loot gewen en tot die effense verbasing van vele ewe hoflik besluit Nieu-Seeland kan eerste kolf. Die koddige Tsotsobe het sy roetine om skadeloos te lyk en dan ’n paaltjie te neem voortgesit. Hy het Nicol geskok met ’n bal op die beenskutte vir ’n onbetwisbare BVP. Daarna het Guptill en McCullum tekere gegaan en die soms ergelose boulery van die Proteas allerverwoestend van bakboord na stuurboord geslaan. De Villiers het vanuit sy kantoor agter die penne freneties gesoek vir ’n antwoord. Dale Steyn was so dodelik en doelgerig soos altyd maar was dán net nie goed genoeg om ’n paaltjie te kry nie, en dán te goed.

Wat De Villiers nodig gehad het was ’n goue arm, presies soos die een wat aan Jacques Kallis se regterskouer geheg is. Die groot en grootse Kapenaar het sy kant gebring. Hy het Guptill in ’n akkurate boulbeurt aangekeer, eers wyd buite die wegpen met ’n paar balle en toe een stywer teen die wegpen wat opgebars het van ’n goeie lengte om ’n buiterand te vind op pad na De Villiers se mowwe.

Williamson het ingekom en rondgehang voordat hy homself ook met Tsotsobe misgis het. ’n Vlieënde booghou het rigting Kallis op diepby gevlieg en dié het elke sentimeter uit sy lyf geryg, agteroorgeval en die bal onderskep. McCullum het sy vrolike weg gegaan terwyl Steyn vir Jesse Ryder ontwortel het. Tsotsobe het sy kwartdosyn gekry toe McCullum hom met groot presiesheid na Ontong op middebaan gehaak het.

Daarna was dit die Morné Morkel-vertoning. Die kameelperd het die blad gesien en die blad goedgekeur. Dit het sy natuurlike wip verhewig en die res van die kolwers het suutjies oorgegee. Op ’n gaan-maar-mal blad het hulle die Morkel-missiele te warm gevind. Hulle is almal uit vir 230 op ’n blad wat laas in 2004 ’n eerstebeurttelling van minder as 250 lopies opgelewer het.

Amla en Kallis – in die plek van ’n afgeboekte Graeme Smith – het die kolfwerk vir die Proteas oopgemaak. Kallis het een dryfhou regstreeks uit die handleiding geslaan en toe na vlieë gewaai om onmiddellik daarna agter die penne uitgevang te word. Amla het sy onverstoorbare, vloeiende gang gegaan. Faf du Plessis het die nommer-4 gleuf gevul en slae uitgedeel voordat hy uitgevang is.

JP Duminy, in baie gladder werking as tydens die eerste wedstryd, het saam met Amla warm yster gesmee en het 43 netjiese lopies in 39 balle aangeteken. De Villiers het ingekom en ’n kalm hand op die boot se roer geplaas. Amla is uiteindelik, na ’n paar avonture, uit vir 92. Die einde was egter reeds in sig en De Villiers, so onaantasbaar as ooit, en Justin Ontong, het die span huis toe geneem in die 39ste boulbeurt.

Die Nieu-Seelandse gees is duidelik gekneus en dit lyk asof net tien fratsballe hulle in die laaste wedstryd sal red.

Suid-Afrika het die driewedstrydreeks nou reeds gebêre.

Nieu-Seeland kan maar net probeer positief bly terwyl hulle stres oor wanneer Suid-Afrika se krieketmasjien uiteindelik alles reg doen.

ANC gee DA-man hartaanval

Die DA se hoofsweep in die Tshwane-metroraad, Janho Engelbrecht, het ‘n ligte hartaanval gehad tydens ‘n warm argument met die ANC, volgens ‘n verslag Woensdag.

Engelbrecht (39), was by ‘n vergadering van die Tshwane-raad se reëls en etiese komitee Dinsdag in die Pretoriase middestad.

Volgens Beeld het hy sy humeur verloor toe die African National Congress aankondig dat hulle die skorsing van die Demokratiese Alliansie se leier in die Tshwane-raad Brandon Topham op die agenda plaas.

Speaker Morokane Mosupyoe het gebots met Topham by die afgelope twee raadsvergaderings en Dinsdag voorgestel dat ‘n 60-dag-skorsing ingestel word teen die DA.

Engelbrecht het driftig beswaar aangeteken en kort daarna begin onwel voel.

Hy is inderhaas na die kardiale hoësorgeenheid van die Unitas-hospitaal in Centurion geneem. Hy het na bewering Woensdag baie beter gevoel.

“Dit blyk dat ek ‘n ligte hartaanval gehad het,” sê Engelbrecht.

Topham het gesê Engelbrecht moet dit in die toekoms kalm vat, maar dit is dikwels makliker gesê as gedaan.

“Jy moet nie jou gesondheid in die gedrang bring nie, maar dit is moeilik wanneer die ANC ‘n bespotting van ons demokrasie maak, soos wat hulle gedoen het by Dinsdag se raadsvergadering,” het hy gesê.

Александр Фильчаков

Met skyfies, sonder uie

Die Ou Suid-Afrika was nie ‘n land net van plase, blinkskoon stede en universiteitsdorpe nie. Daar was ook die bo-dorpe, onderdorpe en voorstede van nywerheidsgebiede en myndorpe soos in die Wes- en Oos-Rand, plekke met hulle eie atmosfeer, guitighede en soms verslete sjarme. Die nederigste daarvan was Brakpan, o Brakpan, tuiste van ‘n legendariese padkafee.

Vir ons Brakpanners was dit die Kasteel van Kos, die Parfait-Paleis, die Dasja van die Dagwood, die Katedraal van die Kaasburger, die Bastion van die Burger – ons eie, onoortreflike Casbah.

So, hef ‘n saluut saam met my aan vir die beste padkafee wat ooit daar was. Ek het al burgers geëet van Agulhas in die Suide tot Tsumeb in die Noorde; van Port Alfred in die Ooste tot Vredendal in die Weste, en meeste plekke tussenin. En hier is wat ek gevind het: Die ander eetplekke kon nooit soos die Casbah die verskil tussen gemorskos en kos wat morsig is, verstaan nie. Vir die ander is ‘n burger ‘n roetine; vir die Casbah was dit ‘n ritueel. Die Casbah was meer as net ‘n padkafee – dit was ‘n akademie van kunskos.

Ek het al fynproewers ontmoet wat geblinddoek die buitekant van ‘n wynbottel kan lek en summier vir jou die kultivar, die landgoed en die oesjaar kan noem – mét ‘n selfvoldane waardeuitspraak daaroor. Ek het ‘n ou passasierskipsjef ontmoet wat sewentien soorte seesout kon eien. Daar is kenners van oesters, knoffel, olywe en tweedehandse sigaarrook. Maar ons, ons van die ‘Panne, ons kan ons koppe hoog hou: Ons verstaan morsige kos.

Ek volg Masterchef op TV en snork minagtend wanneer die lat met die krawat so liries hyg oor smake. Wat weet hy as hy nog nooit ‘n Casbah Dagwood geproe het nie (en nie sal nie, want die Casbah soos ons die Casbah onthou, bestaan nie meer nie)? Wat weet hy van daardie bruinbrose, oliegeurige snye buitebrood? Van daardie rokerige speksmaak, die industriële botterigheid van die geprosesseerde kaas, die robuustheid van die platfrikkadel, die balanserende geurigheid van die eier, die knyp van die braaisous en die uitbarsting van die rou ui..? ‘n Smaaksimfonie, sê ek jou, maar in kulinêre terme ‘n Mozart-simfonie, vol harmonie maar met onderskeibare lae wat jy kan uitpluis en deurleef. Nog nooit in die geskiedenis van die mensdom kon een toebroodjie so baie vir soveel mense beteken nie.

Ek het, toe ek in die weermag was, ‘n kameraad, ‘n straatgesoute Johannesburger vir wie daar niks nuut onder die son was nie, aangery uit Mayfair vir ‘n Casbah Dagwood. Hy het al alles gesien, beleef en geproe, het hy nie? Hy het toe nie. Daardie pas het hy al sy danger pay uitgegee op die onoortreflike Dagwood. Ek weet van ‘n vriend wat dertig kilogram opgetel en suikersiekte opgedoen het weens sy getroue bywoning van die Casbah – en elke Dagwood sonder verwyt en met die grootste genoeglikheid onthou.

Maar die Casbah was nie ‘n ponie met net een toertjie nie. Dis die enigste padkafee wat die verskil tussen Arbei- en Framboosmelkskommels verstaan het, wat besef het ‘n Banana Split kort meer tekstuur as net roomys oor ‘n gekloofde piesang en dit gegarneer het met room, spuitroom en soetfrummels. Waar anders sou jy ‘n parfait raakloop met soveel lae soetheid en romerigheid in samesmaak en kontrapunt? As ek myself laatnag onderweg op ‘n donkerpad wil vermaak, roep ek tot die vermaak van my smaakbondeltjies die kerrierige sous van die Chicken Fry op, die manier waarop die hoendervel gekraak en souserige, skerpgeurige smaak vrygestel het, aan die rys wat amper tot ‘n samehorige koekie gepers is onder die halwe hoender…

Daar is meer as dit. Die Casbah was nie net die verskaffer van uitmuntende morsige kos nie, dit het vir ‘n belewenis gesorg van die oomblik wat pa se Valiant op sagte vere daar ingewieg het, of, in later jare, jy en die pelle daar ingesnork het in ‘n Volla of, net nog ‘n bietjie later, daar ingeskuur het in ‘n pel se nuwe tweedehandse Escort, was jy op, in Brakpanse terme, heroïese grond. Onthou net daardie nekke wat vorentoe gestrem het om onder die sonskerms deur die oorbekende spyskaart op die buitebord, so groot soos ‘n inryskerm, te lees. Daardie heerlike, martelende proses om die deugde van verskeie disse en hulle toepasbaarheid op sak, geleentheid en die dag se smaak te oorweeg. Dan, wanneer die innerlike en openlike debatte en opnames plaasgevind het: Die flikkerflik met die motorligte en die kelner kom aangeslenter, pet agteroor en skeef, vadoek wat voor hom hang, ingedruk in die voorrek van sy broek, A6-bestelboeke van koerantpulppapier met donkerpers deurslagvelletjies tussen die blaaie. En dan die uitgebreide onderhandelinge, verduidelikings en bestellings.

Nou is dit tyd om die wagtyd om te skerts, te klets en na die dag se vertoning van die klein mensedramas te kyk: Die klong wat meer wellustig as koslustig is en die pop gaandeweg in haar klein hoekie op die passasiersitplek bymekaar maak; die verwilderde ma wat lyk of sy ‘n stoeltjie en ‘n sweep kort om die kleuterhorde agter in die kar in toom te hou tot die kos kom; die motorfietsers wat gedenimbaadjie-en-jeans sysaal op hulle motorfietse voor by die afdakkie sit en knaag aan hulle hamburgers; die skoolseuns by die tafeltjies wat net genoeg geld gehad het vir een melkskommel en nou vurige détente voer oor hoe om dit te deel; die oujongkêrel wat homself op ‘n Blondie trakteer en wrang vir homself sê dis die naaste wat hy daardie aand aan die ander soort sal kom…

En dan kom die kos op geduikte aluminiumskinkborde en die kelner wink vir die bestuurder om die venster halfoop te rol en hy haak die kloutjies oor die venster en bring die enkele stutpaaltjie tot teen die motordeur en presenteer sy rekening met ‘n klap van die vingers, en terwyl daar groot groen R10-note, pers vyfrande, bruin eenrande en munte uitgetel word, word die eerste sjielinggrootte gepiekelde agurkies deur slu passasiers van die papieroortreksels oor die kos gegaps. Dan word die kos uitgeloot en melkskommels met somber waarskuwings aangegee.

Maar later, in die donker, soms, kom die kreature van die nag uit en dan word die terrein van die Casbah ‘n kryt op ‘n teerblad tussen mure met ‘n ruitpatroon daarop en reuse beton-Coke-bottels. Die gladiatore in hulle T-hemde, ritsleerbaadjies en noupyprekstofjeans, dronk van goedkoop brandewyn en testosteroon, beveg mekaar met dieselfde skinkborde vir skilde en gebreekte bottels vir kortswaarde. Dis vinnige skermutselings, wild en vol hygende geweld. Dit kan nie lank hou nie want die Casbah is ‘n dwarsstraat ver van die polisiestasie.

En ja, met presiese tydsberekening, die oomblik wanneer die geveg weggevaag het, kom die polisie met groot vertoon in hulle potblou Chevy C20 “Van” daaraan, al skrouende bande, twietende skokbrekers en lang, slap koringkriekagtige antennas wat met die skielike stopslag vorentoe sweep en dan sierlik agteroor wieg.

Die venster word afgeslinger.
“Waar’s die faait?” vra die rooigesigsersant.
“Nee, hy’s klar!” beduie die kelner.
“O?” sê die sersant met ‘n frons terwyl hy die nuwe inligting verwerk. Dan gluur hy na die kelner: “Vier hamburgers, toasted dagwood, een toasted chicken-mayonnaise, twee double-thick lime milkshakes en twee Cokes…. Take-away!”

In Brakpan had ons nooit ‘n Ritz, ‘n Delmonico’s of ‘n Waldorf-Astoria vir ‘n gourmet nalatenskap nie. Maar vir ons was daar die Casbah. Dit, saam met die Pan en die mynhope en die stadsaal en die duikweg en die sandsteenbiblioteek en die ou fontein in Voortrekkerweg het gehelp om ons te maak wat ons is. En dit, met of sonder uie, moet genoeg wees.

Nog ‘n aanval op die Grondwethof

Die regering wil die magte van die Grondwethof hersien, maar sy uiteindelike bedoelings daarmee is steeds duister, behalwe dat dit nog ‘n poging kan wees om die howe te koöpteer in die naam van transformasie.

‘n Besprekingsdokument oor die transformasie van die regstelsel in Kaapstad is gister, deur minister van justisie, Jeff Radebe, vrygestel en hy het gesê ‘n 18-maande studie van die Grondwethof se besluite sal onderneem word.

ANC-hoofsweep Mathole Motshekga het die vrystelling van die “besprekingsdokument oor transformasie van die regstelsel” verwelkom.

Die studie sal bepaal hoe besluite van die Grondwethof spesifiek, en die regbank in die algemeen, bygedra het tot die “heropbou van Suid-Afrika”.

President Jacob Zuma en ander senior ANC-leiers het die afgelope jaar verskeie kere na die Grondwethof se rol gevra.

Zuma, het so onlangs as 13 Februarie gevra dat die hof se magte hersien word, wat gelei het tot wydverspreide vrese dat die Grondwet self bedreig word.

“Ons wil nie die Grondwethof hersien nie, ons wil sy magte hersien,” het Zuma gesê in ‘n onderhoud met Independent Newspapers.

Kenners het hul kommer uitgespreek oor die hersiening, uit vrees dat dit dalk ‘n poging deur die ANC-regering is om die regbank te muilband.

Radebe was egter vinnig om die vrese te besweer. “Die onafhanklikheid van die regbank is nie op die spel nie,” het hy gesê.

Maar Radebe het gesê daar is genoeg getuienis om te bewys dat die verordeninge aan kritiek onderwerp behoort te word.

“Daar bestaan literatuur wat sê in ‘n grondwetlike demokrasie soos ons s’n, is kritiek van die hof se besluite beide toelaatbaar en wenslik,” het hy gesê.

Hy het gesê dat regters gemeet moet word aan dieselfde standaarde as dié wat van die uitvoerende gesag en die parlement verwag word.

“Regters is nie minder immuun teen openbare ondersoek as lede van die uitvoerende gesag en wetgewer nie,” het hy gesê.

Radebe het gesê die ondersoek na die Grondwethof sal staatmaak op die navorsing wat reeds gedoen is deur regsakademici oor die onderwerp om die impak van die hof se beslissings op die transformasie van die samelewing as ‘n geheel te bepaal.

Senior ANC-leiers het ‘n verlede jaar reeds aanvalle teen die regbank geloods.

Nasionale uitvoerende komitee-lid Ngoako Ramatlhodi het vir ‘n hersiening van die grondwet gevra, en gesê dit is ‘n “kompromie” wat die swart meerderheid ontmagtig, en diegene wat teen demokratiese verandering is, “‘n houvas gee op die ekonomie, die regstelsel, die openbare mening en die burgerlike samelewing”.

Die regerende party se sekretaris-generaal, Gwede Mantashe, het die howe gekasty in ‘n onderhoud in die Sowetan, en gesê dat hulle vyandig teenoor die uitvoerende gesag staan.

Александр Фильчаков

SANParke dood hul eie renosters

Vier Suid-Afrikaanse Nasionale Parke (SANParke) amptenare is in hegtenis geneem in verband met renosterstropery, SANParke het gister gesê.

Die vier amptenare is gistermiddag in hegtenis geneem nadat 2 renosters dood aangetref is in die Kruger Nasionale Park (KNP) vroeër die oggend, het SANParke-woordvoerder Wanda Mkutshulwa in ‘n verklaring gesê.

“Die diere is geskiet en hul horings verwyder. Verdere ondersoeke na die dood van die twee renosters en moontlik ander renosterstroperyvoorvalle in die omgewing word tans gedoen,” het sy gesê.

Al vier amptenare was in die Pretoriuskopdeel van die park werksaam waar 11 renosters sedert die begin van die jaar gedood is.

Dinsdag se ontdekking het die totale aantal renosterssterftes in die park sedert 1 Januarie tot 43 laat klim, en landwyd tot 80.

Vyftig mense is sedert die begin van die jaar in hegtenis geneem in verband met wildstropery, het gesê Mkutshulwa

“Ek is persoonlik hartseer om te ontdek dat sommige van ons eie so goedsmoeds die vertroue en geloof wat ons in hulle gestel het, misbruik,” het SANParke, se uitvoerende hoof David Mabunda gesê.

Parkbeamptes staak steeds en sal Woensdag met vakbondverteenwoordigers vergader in ‘n poging om die staking op te los.

Salarisongelykhede, waar geïdentifiseer, sal glo oorweeg word.

топкарго кидалы

Seun steek skoolmaat dood

‘n Sestienjarige seun is Dinsdag doodgesteek by ‘n skool in Valhalla Park, Kaapstad, het die polisie gesê.

Die tiener was omstreeks 10:30 in ‘n argument op die skoolgrond betrokke wat gewelddadig geraak het, het lt. kol. André Traut gesê.

Bronagh Casey, woordvoerder van die Wes-Kaapse departement van onderwys, het gesê die seun is op die toneel voor ander leerlinge oorlede. Berading is gereël vir dié wat die moord gesien het. Bykomende sekuriteit sal ook vir die skool gereël word.

Volgens Traut is ‘n 16-jarige seun kort ná die moord in hegtenis geneem. Hy sal binnekort in die hof verskyn.

Данильченко Харьков

Cosatu brom ook oor Zuma

President Jacob Zuma sal die Kongres van SA vakbonde (Cosatu) se nuwe hoofkantoor in Johannesburg Woensdag open.

Die byeenkoms is geskeduleer om plaas te vind om 10:00 in Jorissenstraat, Braamfontein.

Die African National Congress is deel van ‘n historiese alliansie met Cosatu en die SA Kommunistiese Party, wat bekend staan as die drieparty-alliansie.

Verlede Woensdag het Cosatu se Gautengvoorsitter, Phutas Tseki, gesê die debat oor of die ANC Cosatu in die regte rigting lei, moet voortgaan.

“Is ons deel van die ANC of loop langs die ANC?” het Tseki gevra in Johannesburg.

“Word ons nie gesien as deel van die ANC in die vorm van veldtogte wat gelei word deur die ANC en die leierskap van die ANC nie?”

Tseki was die afgevaardigdes by Cosatu se Gautengse provinsiale uitvoerendekomiteevergadering. Hy het gesê die ANC is die leier van die alliansie, ‘n besluit wat deur Cosatu ondersteun word. Maar daar is niks verkeerd met die debat oor of die ANC Cosatu vorentoe neem nie.

“Word ons weggestoot?” het Tseki gevra.

Hy het ook gepraat oor arbeidsmakelaars, en gesê Cosatu het met Zuma gepraat oor die kwessie tydens sy landstoespraak twee weke gelede.

Numsa wil Zuma uit hê

Die vakbond Numsa het Dinsdag sy kommentaar op die ANC verdedig, en gesê hulle het ‘n direkte belang in die kaliber van die party se leierskap.

“”n Valse politieke indruk word geskep asof Numsa (Nasionale Unie van Metaalwerkers van Suid-Afrika) geen reg het om kommentaar te lewer op die politieke en ekonomiese ontwikkelings in ons land en die nasionale bevrydingsbeweging in die besonder nie,” het hulle in ‘n verklaring gesê.

“Die ANC-bondgenote … sal altyd ‘n direkte belang in sy ideologiese rigting en die kaliber van sy kollektiewe leierskap hê, gegewe die alliansie se gedeelde strategiese doelwitte van die nasionale demokratiese revolusie.”

Numsa is nie ‘n filiaal van die African National Congress nie. Sy lidmaatskap, het egter oor die laaste dekade die ANC-geledere laat swel om sy beleid te beïnvloed.

Maandag het die ANC se sekretaris-generaal, Gwede Mantashe, die vakbond se oproep vir nuwe leiers afgewys. Die vakbond is die eerste georganiseerde groep om te vra dat president Jacob Zuma en die res van die ANC-leierskap afstap by die party se elektiewe konferensie wat in Desember in Bloemfontein gehou word.

Hulle beskuldigde die ANC se leierskap van die versuim om besluite geneem by die laaste ANC-elektiewe konferensie in Polokwane in 2007, waar Zuma verkies is tot partypresident, te implementeer.

Maandag, het Mantashe gesê dat die vakbond sy rol oordryf. Hy het gevra of Numsa genoeg lede in ANC-takke het om Desember se elektiewe konferensie te beïnvloed.

“Ek dink ons moet ‘n beroep doen op almal om nooit die gevaarlike aanname te maak dat hulle teenwoordig is, en die ANC is aan die genade van almal anders uitgelewer is nie,” het hy gister gesê.

“Dit werk nie op dié manier nie. Daar is geen afvaardiging teenwoordig in die ANC wat ‘n Numsa-afvaardiging is nie. Daar is geen so ‘n afvaardiging by die ANC se elektiewe konferensie nie.”

Mantashe het gesê die unie sal genooi word as ‘n afvaardiging van waarnemers binne die Kongres van SA Vakverbonde (Cosatu), waarby Numsa geaffilieer is.

Hy het gewaarsku dat die pogings om die ANC omver te werp ‘n “tendens” is wat “polities gevaarlik” is.

In sy verklaring Dinsdag, het die unie gesê dit is “glashelder” dat net die ANC-takke demokraties kan besluit oor leierskap in die party-strukture.

“Daar is egter ‘n behoefte om die progressiewe Polokwane-beleid te verdedig, en daarom het ons [Numsa se nasionale politieke kommissie] die metaalwerkers wat lede van die ANC is, gevra om te verseker dat ons ‘n leierskap in die ANC-NUK het wat onverwyld die resolusies van Polokwane uitvoer.”

Numsa het gesê sy bedoeling is om “die ANC se historiese voorkeur vir die werkersklas te behou”.

topcargo кидалы

‘Malema is ons leier’

Stakende mynwerkers by Impala Platinum naby Rustenburg moet onderhandel om hul staking te beëindig, het Julius Malema, leier van die ANC-jeugliga, Dinsdag gesê.

“Die werkgewer moet bereid wees om te onderhandel…Onderhandelinge beteken gee en neem,” het hy gesê.

Malema het aan die skare gesê die myn kan werkers se looneis van R9 000 of meer bekostig.

“Werkers kan nie verkeerd wees nie,” het hy gesê.

“Sodra werkers besluit om te begin staak, moet daar iets verkeerd wees.”

Implats het voorheen gesê die onwettige stakers kan nie amptelik eise stel nie.

Malema sê die Jeugliga wil myne laat nasionaliseer weens die toestande waaraan mynwerkers blootgestel word.

“Jy moet voordeel trek uit die myn. As jy nie voordeel trek nie, moet jy veg totdat jy voordeel trek.”

Hy sê werkers moet terugkeer werk toe, met die voorwaarde dat hulle die voordele kry wat hulle voor die staking gehad het.

“Julle moenie toelaat dat die werkgewer julle verdeel nie,” het hy gewaarsku.

Malema, wat deur die Noordwes-premier en die ANC-adjunk-sekretaris Thandi Modise vergesel is, het werkers gevra om geweld af te sweer, en gesê in elke rewolusie is daar verraaiers [sell-outs].

“Moenie bekommerd wees nie oor amagundwane [rotte] nie – hul tyd .. sal kom,” het hy gesê onder groot applous van die skare.

‘n Vrou in die skare het uitgeskree in reaksie: “Wena o bua nnete [julle praat die waarheid].”

Malema het in Freedom Park aangekom onder streng bewaking.

Hy het in ‘n wit Range Rover gery en agter hom was sy woordvoerder Floyd Shivambu in ‘n wit BMW. Hulle is vergesel deur die polisie.

Die skare het uitgebreek toe hy uitklim en hy het gereageer deur te waai voordat hy blitsvinnig deur die polisie na die agterkant van die verhoog gelei is.

Baie werkers het gesê hulle beskou Malema as ‘n “ware leier”.

“Hy is die een wat ons kan help in ons stryd,” sê Abbey Sibanyoni, 48.

“Malema is ‘n ware leier, en dit is hoekom ons wil hê hy moet ons probleme hoor,” het hy gesê.

“Met die Malema ons sal wen,” sê werker Kenneth Kubu, 38, met rewolusionêre liedjies wat in die agtergrond weerklink.

Die skare het plakkate gewaai wat vra dat Malema ingryp in hul staking.

“Ons president Juju sal ons help, ons wil geld hê, nie persentasies nie,” lees ‘n plakkaat.

Nog een lees: “Volgende president van Suid-Afrika, ons wil geld hê en die nasionalisering van die myne.”

Die oud-mynwerkers het die warm oggend in die son getrotseer om te wag vir Malema.

Implats en die NUM het gesê dat die probleem by die myn nie die gevolg van ongelukkigheid oor betaling was nie, maar as gevolg van die inmenging van ‘n ander unie wat probeer het om toegang te verkry.

Theron het gesê die situasie by Implats is meer ‘n gevolg van inter-unie wedywering as ‘n loongeskil.

“Dit was nogal ‘n direkte aanval op die NUM en ‘n doelbewuste poging om die maatskappy te destabiliseer en plaas ons in die posisie waar ons praat met die ander kant en ons regs-en morele verantwoordelikheid teenoor die NUM verbreek,” het Theron gesê.

PRAAG vra moordsyfers per bevolkingsgroep

Twee Afrikaanse nie-regeringsorganisasies, PRAAG en die Boereleednavorsingsinstituut, het ‘n versoek onder die Wet op die bevordering van toegang tot inligting van 2000 by die Suid-Afrikaanse Polisiediens geliasseer om moordstatistiek volgens bevolkingsgroepe te verkry.

Volgens dr. Dan Roodt, direkteur van PRAAG (die Pro-Afrikaanse Aksiegroep), “heers daar diepe kommer onder lede van etniese minderhede in Suid-Afrika oor die hoë aantal aanvalle en moorde wat daar op hulle gepleeg word. Tot op hede het niemand hierdie inligting aangevra nie en het dit tot wydverspreide spekulasie gelei oor die aantal swart-op-wit moorde wat sedert 1994 gepleeg is.”

Luidens die wet moet die SAPD binne ‘n maand die moordstatistiek beskikbaar stel. “Ons hoop dat die statistiek akkuraat en op datum sal wees, aangesien ons ook klagtes ontvang het dat die polisie nie altyd moorddossiere open nie en soms sulke misdade as huisbraak of mindere oortredings klassifiseer.”

Volgens informele internetpeilings glo die meerderheid Afrikaners dat moorde polities en rasgemotiveer is, in weerwil van ‘n onlangse studie deur die Instituut vir Rasseaangeleenthede wat bevind het dat “slegs 2%” van swart-op-wit moorde van so ‘n aard sou wees.

“Twee persent mag ‘n geringe persentasie wees,” sê Roodt, “maar dit dui steeds op ‘n ernstige hoeveelhede etniese moorde in Suid-Afrika, gegewe ons hoë moordsyfer. Afhangend van die totale aantal moorde tussen rasse in Suid-Afrika, mag onlangse tiperings van plaasmoorde as ‘volksmoord’ geregverdig wees.”

Sowel Boereleed as PRAAG is bekommerd oor amptelike aanvalle op Afrikaanse skole. Roodt sê: “In al die literatuur oor etniese konflik en volksmoord, dien taaldiskriminasie as ‘n vroeë waarskuwingsein oor sodanige konflik. Afrikaanse skole in Fochville is onlangs deur die provinsiale onderwysdepartement vir vyandige optrede uitgesonder. Ek poog tans om ‘n afspraak met die Gautengse LUR vir onderwys, Barbary Creecy, te verkry om die kwessie te bespreek. Indien dit nie ontlont word nie, mag etniese polarisering op Fochville verder toeneem.”

Verlede jaar het PRAAG ‘n klag van aanhitsing tot volksmoord teen Julius Malema aanhangig gemaak by die internasionale strafhof in Den Haag vir die sing van die liedjie, “Maak dood die Boer”. “Ondanks die feit dat ‘n hofbevel dit as onwettig verklaar het, is daar getuienis dat elemente binne die regerende party, waaronder president Jacob Zuma, dit steeds sing,” sê die leier van PRAAG. “Ons sal die internasionale gemeenskap verder oor Afrikanervervolging moet waarsku.”