Dan Roodt, Author at praag.co.za

SA-leerlinge wil in Engels, Afrikaans leer

Meer as 60 persent van Suid-Afrika se leerlinge kies Engels vir leer en onderrig, het die Suid-Afrikaanse Instituut van Rasseverhoudings Dinsdag gesê.

Dit was ten spyte van die feit dat slegs sewe persent van die land se leerlinge (852,000 van 12.2 miljoen) Engels by die huis praat.

‘n Totaal van 7,6 miljoen leerlinge wil in Engels onderrig word, het die instituut se SA Survey bevind.

Net so, oorskry die aantal leerlinge wat in Afrikaans wil leer die aantal studente wat die taal by die huis praat.

Zoeloe is die mees gesproke huistaal, met meer as 3,1 miljoen leerlinge.

Ongelukkig verkies minder as ‘n derde van hierdie leerlinge om in Zoeloe geleer te word.

Dieselfde tendens is waar van Xhosa, Tswana, Pedi, Swati, en Venda-sprekende leerlinge.

Minder as ‘n kwart van leerlinge wie se huistaal, Ndebele, Sotho, of Tsonga is, het verkies om in hierdie tale te leer.

“Die meerderheid van die leerlinge ontvang onderrig in Afrika-tale in die grondslagfase, maar skakel oor na Afrikaans of Engels as hul onderrig- en leertaal van so vroeg as graad vier,” sê Jonathan Snyman, ‘n navorser by die instituut.

Hy het gesê die afname in Afrika-tale is ‘n gevolg van die keuses wat ouers en leerlinge vroeg in hul skoolopleiding neem.

прокурор Фильчаков

Internasionale vuilspel in mynwese?

Die volgende vergelyking tussen Suid-Afrika vandag en die Oktoberrewolusie van 1917 het by my opgekom.

Om hierdie rede is ‘n mens geneig om te dink dat die myne begeerlike eiendom is. Natuurlik is dit ook so, maar die oplettendes onder ons sou ingesien het dat die myne se produksie die laaste paar jaar behoorlik agteruitgegaan het. In hierdie artikel word ‘n aantal redes vermeld oor die agteruitgang, maar hierdie probleme is streng gesproke nie onoplosbaar nie en kan met regeringsbeleid verhelp word.

Hiermee gepaardgaande het die goudprys in min of meer dieselfde periode ‘n rekordhoogte behaal. ‘n Mens sou dink dat met die hoë goudprys die myne genoeg kapitaal kan genereer om hul skagte te vernuwe en die hoë elektrisiteitsrekenings betaal, maar dit is natuurlik te eenvoudig. As hierdie myne disfunksioneel is en minder goud oplewer is dit vanselfsprekend dat die goudprys die hoogte in skiet.

Vanuit hierdie gegewens wil dit voorkom asof die goudprys kunsmatig hoog gehou word deur die myne in gebreke te hou. Vanwee die wêreldwye resessie word goud ‘n begeerde kommoditeit om te koop wat ook help om die pryse op te jaag, maar deur die mynproduksie te belemmer help om die goudprys se waarde verder te beïnvloed. As die myne opeens besluit om volstoom te produseer en die markte met goud te oorspoel sal die pryse val en die soveelste seepbel wees wat sedert 2008 gebars het.

Ons het min of meer dieselfde tendens gesien in Azerbaidzjan met hul olie in 1920. Die hoofstad van hierdie Kaukasiese land, Bakoe was destyds ‘n speelveld van ryk oliebaronne gewees, en die stadsgebied was besaai met luukse landhuise en woonstelblokke. Dit was origens die rykste olievelde op aarde gewees indertyd. Die belangrikste uitbuiters van die olievelde was die Sweedse Nobel-broers gewees, en die Nobelkommitee en prys was juis opgerig deur die winste wat uit hierdie olie-eksploitasie gegenereer is.

In 1920 egter het Lenin ‘n einde gemaak hieraan. Met sy tipiese kommunistiese retoriek het hy mense aangehits om Bakoe binne te val en “gelyke behandeling vir die arme, uitgebuite werkers” opgeëis. Suid-Afrikaanse toestande het geheers met barbaarse moord, roof en verkragtings op “volksvyandige kapitaliste”, en die olievelde was aan die brand gesteek. Die Nobelbroers het halsoorlop teruggevlug Swede toe en ‘n groot verlies gely, en sedertien het die olieproduksie agterweë gebly onder die Bolsjewistiese bewind. Hierdie aksie het gesorg dat die olieprys die hoogte in geskiet het, en dit was eers tydens die Tweede Wêreldoorlog toe die olieproduksie in Bakoe ietwat herstel was.

Dit was nie spontaan nie. As ons Oswald Spengler se stelling onthou, is daar geen enkele proletariese of kommunistiese beweging wat nie deur die grootmagte gemanipuleer is nie. Die Standard Oil Company het ‘n belangrike rol gespeel hierin. Hulle het self ‘n aandeel in die ontginning van olie in Bakoe gehad en het geweet hulle sou ‘n tydelike verlies te verdure kry met hierdie aksie, maar die stygende olieprys het meer as voldoende hul verlies aangevul. Dit was die bedoeling om kompetisie te elimineer en om te sorg dat Sowjet Rusland geen bedreiging vir die westerse oliebaronne sou wees nie.

Dit bring ons terug na Suid-Afrika met sy tanende goudproduksie.

Deur nou te praat van hoër belastingtariewe op die myne is pogings om die winste nog verder onder druk te sit om hierdie myne buite spel te hou. Op ‘n later stadium sal die grootmagte weer besluit om in Suid-Afrika te ontgin, maar voorlopig wil hulle aandeelhouers in goud gysel met ‘n goudprys wat kunsmatig hoog is, en ander goudryke lande die kans gun om hul eie goudproduksie te stimuleer.

Данильченео

‘Selfs Homer Simpson is teen nasionalisering’

Die Vryheidsfront Plus is van mening dat die ANC se insig dat die nasionalisering van myne, soos vervat is in die verslag van ‘n ANC-taakspan, nie ‘n lewensvatbare beleid vir Suid-Afrika is nie, mosterd na die maal is.

Volgens adv. Anton Alberts, VF Plus parlementêre woordvoerder oor minerale, moet die ANC kennis neem van die geskiedkundige feit dat die groot projek van sosialisme internasionaal gefaal het en dat dit reeds in 1989 plaasgevind het met die val van die Berlynse muur.

“‘n Mens moet wonder op watter planeet die ANC woon dat hulle enigsins die pleidooie van ‘n quasi-kommunis met tenderpreneuriese neigings, soos Julius Malema, ernstig opgeneem het en hierdie ondersoek geloods het.

Selfs Homer Simpson sou kon aandui dat privaatbesit en die vrye mark, hoewel nie perfek nie, die beste stelsel is om rykdom en werk te skep en sosiale geregtigheid te verseker.

Wat wel hierdeur gebeur het, is dat Suid-Afrika se beeld by buitelandse beleggers baie skade gely het. Dit mag dalk snaaks wees dat die ANC werklikheidsvreemd optree, maar dit is geen grap nie, veral vir die mense wat ‘n werk kon bekom het weens beleggings, maar wat nou verlore is as gevolg van die ANC se optrede,” het Alberts gesê.

Die VF Plus is van mening dat die ANC reeds deur middel van kaderontplooiing, regstellende aksie en swart ekonomiese bemagtiging die ekonomie van Suid-Afrika toenemend begin beheer.

Dit is deel van die ANC se plan soos uiteengesit in die bloudruk van die Nasionale Demokratiese Rewolusie wat met alle mag teëgestaan moet word.

лобановский депутат

Moorde hoër as padsterftes

Suid-Afrika is die enigste land waar ‘n mens meer geneig is om vermoor te word as om in ‘n padongeluk te sterf, het die Suid-Afrikaanse Instituut vir Rasseverhoudinge (SAIRR) in ‘n opname bevind.

“Dat ons moordsyfer meer as die sterftes op die paaie is beteken nie dat padsterftes laag is nie, net dat ons ‘n hoë moordsyfer het, selfs hoër as ons baie hoë padsterftesyfer,” het navorser Kerwin Lebone Maandag gesê.

Die studie is gebaseer op inligting uit die padverkeerkorporasie en die polisie vir die 2010/11 finansiële jaar wat verlede Maart geëindig het.

Daar is bevind dat 32 Suid-Afrikaners per 100,000 dood is as ‘n gevolg van moord, terwyl 28 per 100,000 in padongelukke gesterf het.

“Internasionale data toon dat die koers van padsterftes altyd baie hoër is as die moordsyfer oor die hele wêreld,” het Lebone gesê.

In die Verenigde State van Amerika, byvoorbeeld, is padsterftes verantwoordelik vir drie maal meer sterftes as moord.

Slegs Limpopo en Mpumalanga is naby aan die internasionale norm, met twee keer soveel mense vermoor in padsterftes as deur moord.

Twee vas oor plofstof

Twee mans het in die Bloemfonteinse landdroshof verskyn vir die versuim om oorskiet plofstof na skietwerk wat hulle gedoen het, te vernietig, het die polisie Maandag gesê.

Sersant Fikiswa Matoti het gesê Alen Smith, 36, en Johannes van der Merwe, 24, twee werknemers van ‘n privaatplofstofmaatskappy, is aangekla van die onwettige besit, vervoer en berging van plofstowwe.

Die saak teen hulle is uitgestel tot Dinsdag in dieselfde hof.

Die mans is in hegtenis geneem toe die plofstof in hul besit gevind is Donderdag. Polisie het gesê hulle het ‘n wenk van ‘n lid van die publiek ontvang.

Matoti het gesê dit word deur die wet vereis dat oorblywende plofstof na elke wettige ontploffingsoefening vernietig word, maar dat die mense versuim het om by die reël bly.

Polisie het die gekonfiskeerde plofstof aan die forensiese eenheid gestuur om dit te vergelyk met dié wat gebruik word by onlangse skietwerke.

‘Tieners bewonder my hare’

Die Demokratiese Alliansie se parlementêre leier, Lindiwe Mazibuko, het Maandag gesê sy is ‘n rolmodel vir jong meisies van alle rasse.

“Die demografie van die jong mense wat my voorkeer in die straat is veral tiener-en pre-tiener meisies van alle rasse wat my vra watter vakke hulle in die hoërskool moet neem om ‘n LP te word, en wat sê hulle dink dit is so opwindend dat ek is ‘n lid van die Parlement is en dat my hare pragtig lyk,” het sy aan die Kaapstadse Persklub gesê.

Mazibuko het gesê dat sy nie die rassekaart gespeel het in die bitter veldtog vir die parlementêre leierskap nie, maar dat sy tot die diversiteit van die DA se topbestuur bygedra het.

“Jong mense in die besonder stel in die toekoms van die party belang en identifiseer en bewonder die lede van die leierskap op ‘n manier wat hulle gewoonlik nie vyf of 10 jaar gelede sou nie.”

Sy het gesê swart kiesers vind toenemend ‘n “ideologiese resonansie” met die DA en sy glo dat die party binne die volgende twee verkiesings ‘n dramatiese verandering in sy ondersteuningsbasis sal sien.

“By ons is diversiteit ‘n uitdaging. Die manier waarop ons betrokke raak met ras in die DA is ‘n iets waarmee ons die hele tyd worstel.

“Ek is daarvan oortuig dat dit ‘n uitdaging is waarmee ons met enorme spoed handel.”

Mazibuko het geweier om direk kommentaar lewer oor die kwessie rondom haar verkiesing waaroor die swart LP Masizole Mnqasela gewaarsku het dat dit blote oëverblindery was wat swart kiesers nie sal flous nie.

Sommige ontleders het tydens die laaste verkiesing gesê die party het deur die sogenaamde “wit plafon” gebreek, maar ander het daarop gewys dat die stemme hoofsaaklik ten koste van kleiner partye eerder as van die ANC gekom het.

Mazibuko het Athol Trollip in die parlementêre leierskapsverkiesing in Oktober maklik verslaan om die eerste swart persoon te word om die pos te beklee.

Sy het gister gesê dat die Parlement ‘n “disfunksionele instelling” geword het, want dit keur wetgewing goed wat geskryf is in die regerende party se hoofkwartier.

Sy het die regering se nuwe Gesondheidsplan sowel as die geld wat aan onderwys besteë word gekritiseer as ondoeltreffend.

Myne gaan belas word, nie genasionaliseer

Nasionalisering is nie ‘n opsie vir die mynsektor nie, het Trevor Manuel, minister in die presidensie, Maandag gesê.

“Die minister [Susan Shabangu] was redelik op die man af toe sy gesê het daar oor haar dooie liggaam nasionalisering sal wees. Vir ‘n duideliker stelling as dít, kan jy nie vra nie,” het hy aan die Mynindaba gesê waar hy afgevaardigdes in Kaapstad by ‘n mynkonferensie toegespreek het.

“Die mynsektor is so fundamenteel belangrik as ‘n platform om die [opheffing] oorgang te laat gebeur dat ons nie hierdie idee van nasionalisering vorentoe kan neem nie.”

Hy het gesê die bedryf verdien duidelikheid oor beleid.

“As ‘n doemprofeet kom en nog ‘n leuen [oor nasionalisering] vertel, moet hulle nie glo nie.”

Die regering sal eerder vennootskappe met die privaatsektor wil bou om die sektor op te bou deur opvoeding, verbeterde werksomstandighede en meer regte, het hy gesê.

Manuel sê Suid-Afrika sal mynmaatskappye nie onverhoeds betrap deur skielike nuwe belastings in te stel nie, maar ‘n aanpassing in hul huidige belastingkodes sal beslis oorweeg word.

Manuel sê indien daar ‘n verandering kom, sal die minister van finansies en die departement van minerale waarskynlik ‘n langtermyn-beplanning doen.

Die ANC het opdrag gegee vir ‘n studie oor die nasionalisering van myne wat eers afgehandel moet word.

Manuel sê myne behoort oordeelkundig belas te word, sodat geld van die industrie verkry kan word om in Suid-Afrika se ontwikkeling te belê.

Berigte lui dat die nasionalisering van myne in die studie verwerp word en dat die ANC eerder ten gunste is van hoër belastings en minerale regte-heffings.

Taalunie ondersteun mosie oor Afrikaans

De IPC van de Taalunie heeft zojuist met algemene stemmen een motie aangenomen die de ministers van Vlaanderen en Nederland oproept zich actief op te stellen het Afrikaans te ondersteunen. Dit in het licht van de wens dat er in ieder geval twee Afrikaanstalige universiteiten dienen te zijn. De motie werd ondertekend door Nederlandse en Vlaamse politici van D66 tot het Vlaams Belang. Vrijdag voegde Khadija Zamouri van Open VLD zich bij de ondertekenaars. Staande de vergadering sloot ook Wim Wienen van het Vlaams Belang zich aan bij de motie-Bosma. Drie Nederlandse parlementariërs die geen ondertekenaar waren stemden vandaag wel voor de motie.

Opsteller van de motie PVV’er Martin Bosma, tevens voorzitter van de Interparlementaire Commissie van de Taalunie: “Dat is motie zo overweldigend is aangenomen is een belangrijk signaal. De Nederlandse en Vlaamse politiek beginnen langzaam weer oog te krijgen voor het Afrikaans. De Lage Landen hebben de taal van NP Van Wyk Louw en Eugene Marais blijkbaar nog niet opgegeven.”

De Taalunie is het verdrag tussen Vlaanderen en Nederland inzake de taal. De IPC is het Vlaams-Nederlands ‘parlement’, samengesteld uit Nederlands en Vlaamse politici die toezien op de uitvoering van het verdrag. Zuid-Afrika ondertekende in 2010 een ‘intentie tot samenwerking’ met de Taalunie.

De motie-Bosma werd ondertekend door:

(Nederland:)

Bosma – PVV
Beertema – PVV
Biskop – CDA
Van der Ham – D66
Smeets – PvdA

(Vlaanderen:)

Kennes – CD&V
Verstreken -CD&V
Decoene – sp.a
Vandaele – N-VA
Zamouri – Open VLD
Wienen – Vlaams Belang

Tevens stemden voor de Nederlandse parlementariers: Pia Lokin-Sassen (CDA), Ton Elias (VVD) en Helmi Huibregts (VVD).

Volledige tekst:

Den Haag, 6 februari 2012

Zuid-Afrika heeft sinds 2010 een “intentieverklaring tot nadere samenwerking ” met de Nederlandse Taalunie, op grond van de nauwe overeenkomst tussen het Afrikaans en het Nederlands.

De Zuid-Afrikaanse regeringscommissie Gerwel heeft in 2001 uitgesproken dat. Ter handhaving van het Afrikaans in Zuid-Afrika, er in ieder geval twee Afrikaanstalige universiteiten dienen te zijn.

Daarom doet de Interparlementaire Commissie het verzoek aan het Comité van Ministers van de Nederlandse Taalunie binnen haar mogelijkheden de Afrikaanse taal actief te ondersteunen.

Die Antwoord op Letterman

Afrikaners sal vanaand danksy Hollywood se invloed ‘n venster gegun word tydens ‘n wêreldberoemde tv-program en die onderwerp sal nie plaasmoorde wees nie.

Die Afrikaanse “zef-rapper” groep van Kaapstad, Die Antwoord, sal Maandagaand op die alombekende televisiegeselsprogram, die Late Show met David Letterman, verskyn.

Die program sal ook op Suid-Afrikaanse televisie in die komende weke uitgesaai word, het Die Burger Maandag berig.

Dit sal die groep se eerste verskyning op die program wees.

Die groep sal hulle nuwe CD “Ten$ion” op die program bekendstel.

“Dit is moeilik om te sê waarom Amerikaners so baie van ons hou,” het die groep se hoofsanger, Ninja, gesê.

Een van die dinge van Amerikaanse gehore wat so verskillend is van plaaslike gehore, sê hy, is dat hulle nie Afrikaanse vloekwoorde verstaan nie. Hy kan sê wat hy op die Letterman-program wil sê en die kykers nie sal verstaan nie, het Ninja gesê.

Volgens Die Burger, loop Die Antwoord-koors hoog in die VSA met Ninja en medelid Yo-Landi “Vi$$er” as die nuwe gesigte van die mode-ontwerper Alexander Wang se nuwe reeks. Groot reklameborde van die twee is in New York opgerig.

Die Antwoord word verteenwoordig deur die bestuurder Tony Cuilla van Los Angeles, asook Michael Jackson se regsfirma in Los Angeles en New York: Ziffren Law.

Polisieteenwoordigheid opgeskerp na ‘Bobbejaan klim die berg’

‘n Sterk polisie-teenwoordigheid sal weer in Ventersdorp heers wanneer Eugene Terre’Blanche se moordverhoor vandag hervat word.

Rassespanning het verlede week opgevlam toe die enkele paar AWB-ondersteuners ‘Bobbejaan klim die berg’ begin sing het nadat swart inwoners snedige plakkate vertoon het.

Die swart inwoners het ook ‘Awuleth ‘Umshini wami’ gedreunsing.

Noordwes se polisiewoordvoerder Thulani Ngubane het gesê meer beamptes word in die gebied ontplooi.

Verlede week is die geloofwaardigheid van die ondersoekbeampte in die saak, luitenant-kolonel Tsietsi Mano, in die gedrang gebring. Die verdediging se prokureur Norman Arendse het die polisie daarvan beskuldig dat die ondersoekbeampte die reëls verontagsaam het, asook eie beleid en wetgewing.

Chris Mahlangu en ‘n minderjarige pleit onskuldig aan moord, huisbraak en roof met verswarende omstandighede. Mahlangu beweer dat hy in selfverdediging opgetree het. Hy beweer ook dat hy die vermoorde man verkrag is.

Die tiener ontken betrokkenheid by die misdaad.

Arendse het Mano daarvan beskuldig dat hy apartheid-styl martelmetodes op die roofverdagtes uitgevoer het.

Hy het gesê dat dit elektriese skokke, pogings tot verdrinking, en ‘n doodsvonnisafkondiging ingesluit het.