Skrywer: Dan Roodt

Block aan die been

Die vakbondfederasie Cosatu het sy kommer uitgespreek omdat die Noord-Kaapse ANC-voorsitter, John Block, steeds as LUR vir Finansies dien terwyl aanklagte van onder meer bedrog geldwassery oor sy kop hang.

Dit sal min mense verkwalik word as hulle aandui dat die jongste verwikkelinge na ‘n geval van déja vu klink. Block is al tevore ‘n LUR-skap kwyt na bewerings van korrupsie, en by geleentheid het hy ‘n onderneming onderteken om geld aan die departement terug te betaal.

Hy was ook onlangs weer in die nuus na sy soutmaatskappy ‘n hofsaak verloor het, onder meer omdat van ‘n vervalste mynpermit gebruik gemaak is.

Te midde van groot kommer oor die impak van die nuwe inligtingswetsontwerp op verklikkers, is dit ook onrusbarend dat ‘n amptenaar van Block se ou departement – dié van Vervoer, Paaie en Openbare Werke, mnr. Glen Chase, afgedank is na hy inligting deurgegee het oor sy LUR se geldvermorsery.

Tot Block se krediet moet toegegee word dat hy met die vorige aanklagte van korrupsie onskuldig bevind is.

Maar met die nuwe aanklagte oor sy kop, is dit ‘n geldige argument van Cosatu dat hy geskors behoort te word. Cosatu se nasionale woordvoerder, Patrick Craven sê deur Block te skors sal die publiek se vertroue in die regering herstel word. Craven sê dié beginsel moet op almal van toepassing wees.

Die konsekwente toepassing van die beginsel soos deur Craven voorgestel, sal die ANC se kaderontplooiingsbeleid onder groot druk plaas. Pas is ‘n LUR as ‘n metro se uitvoerende burgemeester aangestel wat in sy loopbaan ‘n rits verdoemende verslae – eers van die Openbare Beskermer, en daarna die ouditeur-generaal agter die blad het. In die kort rukkie wat hy as LUR diens gedoen het, is ‘n rits paaie-tenders deur die howe tersyde gestel, en in een geval selfs deur die hof her-toegeken. Sy verhaal is maar een van verskeie.

Hierdie hersirkulering van kaders werk net so negatief in as die gevalle waar nie teen kaders opgetree word nie, of nie voor dit werklik nie meer anders kan nie.

Die laaste ding wat Suid-Afrika nou nodig het, is ‘n wet wat dit nog moeiliker sal maak om openbare figure tot openbare verantwoording te roep.

online casinosФильчаков прокурор харькова

Die kar voor die potpaddas span

In die ondersoekende joernalistiek word daar dikwels na die vyf w’s en een h verwys: “Wie, wat, waar, wanneer, waarom en hoe?” Laasgenoemde verteenwoordig die vrae wat ‘n behoorlike ondersoek na ‘n aangeleentheid sal stel. Mens kan bostaande denkraamwerk sekerlik ook na ander vraagstukke uitbrei, as ‘n hulpmiddel om jou gedagtes te orden.

Een groot vraagstuk waarmee ek en baie ander blankes worstel, is of daar ‘n toekoms vir ons en ons kinders in Suid-Afrika is. Die tekens is nie belowend nie. Die ANC se beplande Inligtingswet, politieke aanstellings soos die korrupte en onbevoegde sogenaamde regter John Hlope in die howe, Malema en sy trawante se plundery, toenemende misdaadvlakke, vervallende infrastruktuur asook die gebeure in lande soos Zimbabwe, Kenia en die Ivoorkus, waar ‘n swart regering weier om van mag afstand te doen, al verloor hy ‘n verkiesing, is onheilspellend. Dis bykans onmoontlik om nie ‘n Afro-pessimis te wees nie.

Omdat die toekoms ons bekommer, spring baie regse individue en bewegings, en ek is self skuldig hieraan, sommer pens en pootjies by die laaste stap, die “hoe”, in, en begin komitees stig en verkiesings hou om ‘n bepaalde “hoe”, soos byvoorbeeld ‘n volkstaat, te laat realiseer. Al die ander stappe in die denkproses word dus geïgnoreer. Ons vra nie vrae soos:

1. Wie is “ons?”

2. Wat soek ons – selfbeskikking, ‘n volkstaat, ‘n federale stelsel ensovoorts?

3. Waar wil ons dit vind? Binne Suid-Afrika, in die buiteland of in Orania?

4. Wanneer gaan ons dit vind?

5. Waarom het ons op ‘n bepaalde oplossing besluit?

Mens sou egter sweer ons het a priori kennis oor die beste oplossing en dis slegs ‘n geval van hoe om dit te laat realiseer. Ons spring dus direk na 6 toe:

6. Hoe gaan ons dit bereik?

Ek gaan dus probeer om aan die hand van bostaande meer logies te dink, en nie my persoonlike keuse van ‘n “hoe” – ‘n Afrikaner-owerheid sonder ‘n territoriale volkstaat vir eers – voorop te stel nie. Dit is dus voortydig om nou al verder as 2 hierbo te gaan, want 3, 4, 5 en 6 sal deur 1 en 2 bepaal word.

Ek verstout my om te sê dat die “ons” wat ontnugter is en bekommerd oor die toekoms is, die groot meerderheid blankes in Suid-Afrika is. Die swartes is klaarblyklik gelukkig, siende hoe hulle in verkiesing ná verkiesing vir die ANC stem. Hiervoor sorg die ANC se rassistiese praktyke wat swartes onregverdig bevoordeel ten koste van blankes. Jy as blanke word bykans outomaties in die anti-ANC kamp gejaag deur regstellende aksie, plaasmoorde en Malema se uitsprake. Ja, daar is kennelik die enkele blanke ANC- meelopers, soos diegene wat terroriste tydens die sogenaamde “struggle” versteek het, en tans die leier is van die DA, maar hulle is so ‘n klein minderheid dat mens hulle met veiligheid kan ignoreer. Mens kan die “ons” selfs redelik wetenskaplik fundeer. Meer as 98% van die blankes stem immers téén die ANC in elke verkiesing.

Ongelukkig skep hierdie “ons” onmiddelik ‘n dilemma vir diegene wat so wil hare kloof deur selfs ‘n onderskeid tussen sogenaamde Boere en Afrikaners te wil tref. ‘n Groot aantal Engelssprekende blankes is ook in ons kamp op grond van hulle velkleur. Hoe gemaak met hulle? Ek het nie ‘n maklike antwoord hierop nie. Afrikaners kan kwalik vir die VN gaan sê ons maak aanspraak op selfbeskikking vir die Afrikanervolk, en, o ja, ook die Engelse blankes nie. Ongelukkig is daar ook andersyds ‘n hele aantal Engelse liberale en selfs “closet communists”, soos Rooi Helen, wat die Afrikaners openlik vyandiggesind is en wie se agenda een van ‘n sosialistiese, multi-kulti samelewing is. Tog jammer, terloops, dat Rooi Helen en haar mede-rooies nie geluister het toe Angela Merkel onlangs openlik erken het dat multikulturalisme klaaglik misluk het nie. Maar nou ja, as jy kommuniste soos Chris Hani bewonder, het jou kop seker vasgeslaan iewers voor die val van die Berlynmuur in 1989.

Die “wat” is heelwat moeiliker om te bepaal. Daar is ‘n hele reeks oplossings wat na my mening beter sou wees as die huidige toedrag van sake vir bogenoemde “ons.” Dis egter weer eens net my eie mening. Dit sou eweneens ‘n fout wees om slegs ‘n volkstaat as oplossing voor te hou. Emigrasie is byvoorbeeld helaas een “wat.” Meer as ‘n miljoen blankes het immers reeds so gemaak. Moet ons een-een emigreer, of soos die “Right of Return”-beweging (gaan soek hulle op Facebook) aandring daarop dat ons mag terugkeer na ons stamlande, Duitsland, Nederland en Frankryk?

Al wil ons nie emigreer nie, hoef selfbeskikking ook nie noodwendig ‘n volkstaat te beteken nie. Dit kan byvoorbeeld die vorm van ‘n afwenteling van gesag na ‘n federale of kantonstelsel aanneem, ‘n outonome Afrikaner-owerheid of dan wel ‘n onafhanklike republiek, ‘n volkstaat.

Laastens is niksdoen ook altyd ‘n alternatief. Ons kan, soos baie DA-stemmers, weliswaar steen en been kla oor die NSA se slaggate en rassistiese aanmerkings op Facebook maak, maar onsself nietemin wysmaak dat die hopelose rasse-sensus wat verkiesings tot op hede was en gaan bly, ons enigsins hoop kan bied. Ons kan ons moedswillig blind en doof hou vir die demografiese realiteit van ‘n 10:1 oormag buite die Weskaap. Ons kan selfs soos Afriforum hofsake loods en ons op die grondwet beroep soos wat FW de Klerk wil hê ons moet, terwyl ons onsself wysmaak dat die ANC nie ook soos Mugabe die ganse regstelsel uiteindelik sal transformeer sodat slegs korrupte kaders soos Hlope die enigste regters sal wees nie. Kom ons noem hierdie een die potpadda-alternatief.

Die dilemma wat diegene wat die ganse denkproses wil kortsluit en direk na 6 toe gaan mee sit, is uiteraard dat dit heeltemal moontlik is dat die bepaalde oplossing wat jy voorhou, bitter min steun onder Afrikaners of dan blankes oor die algemeen gaan geniet. Jy kan dus heel moontlik miljoene spandeer aan bemarking, verkiesings, organiseer en komitees, maar uiteindelik wil die volk niks van jou oplossing weet nie en verkies hulle om potpaddas te wees, want jy het hulle nie gevra nie.

My voorstel vir 2, die “wat”, sou dus wees om ‘n onafhanklike maatskappy aan te stel om minstens ‘n verteenwoordigende monster van alle Afrikaners se gevoel te toets deur vir hulle ‘n reeks keuses te gee. Dit moet ‘n neutrale, onafhanklike maatskappy wees, sodat daar nie vingers gewys kan word oor ‘n gebrek aan neutraliteit nie. Stel dus ‘n vraelys op wat so neutraal as moontlik is, wat ‘n vraag soos die volgende stel:

Hoe sien jy jou politieke toekoms?

a) Ek is gelukkig met die Nuwe Suid-Afrika en sy kiesstelsel

b) ‘n Onafhanklike owerheid

c) ‘n Volkstaat

d) Emigrasie

Ensovoorts.

Ek is persoonlik optimisties dat (a) nie veel aftrek sal kry nie, maar sonder om minstens ‘n wetenskaplike peiling uit te voer, maak ons al gevaarlike aannames wanneer ons al begin soek na ‘n geografiese ligging vir ‘n volkstaat.

водопад декоративныйАлександр Фильчаков Васильевич

Kospryse gaan klim

Die mielieoorskot help tans om voedselinflasie in Suid-Afrika te beperk, maar Kevin Lings, ekonoom by Stanlib, het aan Sake24 gesê voedselinflasie gaan in die komende maande merkbaar hoër klim, alhoewel die tempo stadig is.

Op internasionale terrein was die voedselprysindeks van die Verenigde Nasies se Voedsel- en Landbou-organisasie in Mei 2011 steeds 37% meer as in Mei 2010.

Ontleders meen die langtermynvooruitsig vir kospryse is net een rigting: Opwaarts.

Oxfam, die Britse hulporganisasie, meen selfs voedselpryse kan teen 2030 in reële terme met 70% tot 90% styg, sonder inagneming van die uitwerking van klimaatsverandering, wat prys­stygings kan laat verdubbel.

“Die wêreld se voedselstelsel lyk maar sleg,” sê me. Barbara Stocking, uitvoerende hoof van Oxfam.

Die IMF sê die belangrikste verklaring vir hoër voedselpryse is verbruikers in ontwikkelende ekonomieë wat ryker word en hul dieet ­verander. Hulle eet meer hoëproteïenvoedsel soos vleis, suiwelprodukte, eetbare olies, vrugte, groente en seekos, terwyl hul graankosinname afneem.

Waar China voorheen ‘n netto uitvoerder van soja en mielies was, hy nou ‘n netto invoerder is van albei.

As dieselfde met koring sou gebeur en China 5% van sy koringverbruik by internasionale markte moes bekom, sal dit sy deel van die vraag in die internasionale mark van byna nul tot 4,7% opstoot en sal hy daardeur die sesde grootste koper van koring word, ná Japan. Dit sal pryse wêreldwyd opjaag en die internasionale supersiklus in kommoditeitspryse vererger.

косметика для детейtopcargo кидалы

Mag die Afrikaner nooit pateties raak nie!

Baie mense beskou blykbaar diefstal en roof as heel aanvaarbaar, jy moet net beweer jy was daartoe gedryf deur honger, gebrek, apartheid of die waan dat jou oer-voorouers onderdruk was. Laat ons dus maar vandag oor ‘n paar sake reguit praat:

‘n Mens steel nie omdat jy honger of arm is nie – jy steel omdat jy skelm is. Niemand was nog ooit in hierdie land so volledig onderdruk soos die Afrikaner na die Tweede Vryheidsoorlog nie.

Ons voorouers wat die oorlog en die konsentrasiekampe oorleef het, het na die doodse leegheid van vernietigde plase teruggekeer – uitgehonger, hartseer en verpletter. Maar hulle het nie geroof en gemoor en gesteel nie. Hulle het met harde werk, deursettingsvermoë en swaarkry so presteer dat hulle weldra nie net hulleself nie, maar ook hulle huidige onderdukkers, goed kon versorg.

Toe hulle kinders in Engelse skole gestop is en gestraf is as hulle dit durf waag het om Afrikaans te praat, het hulle nie klippe gegooi en skole afgebrand en geweld gepleeg nie. Hulle het hard geleer, hulle eie CVO -skole gestig en uiteindelik bo uitgekom sodat die Afrikaner vandag vir niemand op akademiese, tegnologiese of wetenskaplike gebied terug hoef te staan nie.

‘n Mens moor nie omdat jy voorheen benadeel is of omdat jou werkgewer jou nie tederlik genoeg behandel nie – ‘n mens moor omdat jy ‘n barbaar is wat nie verdien om deel van die samelewing te wees nie.

Na die Tweede Vryheidsoorlog het Afrikanermynwerkers absoluut geen regte gehad nie en moes hulle hulle gesinne met minder as ‘n hongerloon probeer onderhou. Maar hulle het nie bejaardes gaan doodmartel en gesinne uitgemoor nie.

‘n Mens word nie ‘n agtergeblewene omdat iemand anders nie genoeg vir jou doen nie. ‘n Mens word ‘n agterblyer omdat jy nie presteer nie. Niemand het die Afrikaner na die Tweede Vryheidsoorlog vooruit gehelp nie – ons het self gewerk en volhard om sukses te behaal.

En elke ding wat ons het, het ons verwerf.

As alles altyd vir jou verkeerd loop sodat jy voel jy maak nooit enige vordering nie, is dit dalk ‘n goeie gedagte om op te hou soek wie anders as jy self vir al jou ellende verantwoordelik is. Ruk jou reg en presteer
jouself in die voorspoed in.

En dit geld vir ons eie mense ook. Net ons eie werk, prestasie en geloof gaan bepaal of ons as agterblyers in die vergetelheid gaan wegsink en of ons weer as trotse, beskaafde, gerespekteerde volk sal opstaan.

Selfs in die nuwe Suid-Afrika is daar steeds geleenthede vir vindingryke, geesdriftige mense wat bereid is om hard te werk en vir hulleself ‘n toekoms los te spook.

Mag die Afrikaner nooit pateties raak nie ….!

автомобильныйФільчаков Олександр Васильович прокурор

Een uit 19 drywers afgedank wat treinongelukke veroorsaak

‘n Treindrywer is Woensdag afgedank nadat hy R12 miljoen se skade veroorsaak het toe hy teen ‘n goederetrein gebots het, het Metrorail in ‘n verklaring gesê.

Die ongeluk het op 2 Januarie plaasgevind.

“Die afdanking van die drywer is om die publiek en pendelaars te verseker dat Metrorail se stelsel op streng veiligheidsprosedures, reëls en beleid berus,” het Tony Games, ‘n woordvoerder, gesê.

Die drywer is tydens ‘n dissiplinêre verhoor skuldig bevind nadat hy twee gevaarseine verontagsaam het en teen ‘n hoë spoed gery het.

Die skade sluit die verlies van drie treilers en twee kompartemente in.

‘n Wag wat in die drywer se kajuit was, is beseer en moes drie maande in die hospitaal deurbring.

“Metrorail beskou treinongelukke in baie ernstige lig en glo die veiligheid van pendelaars is nie onderhandelbaar nie.”

Negentien Metrorail-drywers staar dissiplinêre stappe in die gesig vir soortgelyke oortredings.

poker machines freeалександр лобановский класс

Grond: Geen verskil tussen die DA en ANC nie

“Landelike Ontwikkeling en Grondhervorming is ‘n belangrike begrotingspos en belangrike goed was vandag hier gesê. Die landbouleiers wat hier sit, die boere en die grondeienaars daar buite moet kennis neem van wat vandag in hierdie debat gesê is. Die Demokratiese Alliansie (DA) se spreker, me. Mazibuku het vandag erken en gesê die DA het dieselfde doelstellings met grondhervorming as die ANC. Daar is dus geen verskil tussen die DA en die ANC as dit kom by grondhervorming nie. Die Vryheidsfront Plus verskil egter drasties met die ANC, en nou ook die DA, wanneer dit gaan oor grondhervorming.

Die adjunkminister kla oor die DA, maar dit is soos die katfamilie wat gelyktydig vry en baklei. Die adjunkminister kritiseer die VF Plus en sê ons is die eerste party wat altyd kla oor grondhervorming. Hy is reg, maar ek wil dit duidelik stel dat ons steeds daarmee sal voortgaan. Die adjunkminister kla die boere aan en vertel hoe mishandel hulle hulle werkers en maak hulle selfs dood. Ek daag die adjunkminister uit om die statistiek hiervan bekend te stel. Hoeveel plaaswerkers is deur boere vermoor? Ek sal egter die statistiek gee van plaasmoorde in Suid-Afrika. Tans is daar 313 moorde per 100 000 van die bevolking betreffende plaasmoorde. Die Polisie, as gevaarlike beroep, se syfer is 271 per 100 000 van die bevolking. Die wêreldgemiddel vir moord is sewe per 100 000 van die bevolking. Hiervan hoor ek niks by die adjunkminister nie en hy moet sy feite eers reg kry voordat hy hier onverantwoordelike stellings kom maak. Die adjunkminister moet ook weet as dit nie vir die boere is wat sorg dat daar kos is nie, sal hy nie so blink en vet hier kan kom sit en ‘n klomp snert praat nie.

Ek wil vir die adjunkminister sê hy moet luister wat sy minister sê. Die minister self het erken dat 90% van die grondhervormingsprojekte misluk het. Die adjunkminister kla egter oor die stadige pas van grondoordrag. Tans is ongeveer 6,03 miljoen hektaar landbougrond oorgedra in terme van grondhervorming en restitusie, maar die suksessyfer is slegs 10%. Die VF Plus se standpunt is om eers seker te maak dat die reeds oorgedraagde grond suksesvol aangewend word voor verdere grond oorgedra word.

Vir die minister wil ek sê daar kan geen landelike ontwikkeling plaasvind sonder die kommersiële boere nie. Kommersiële boere is die hartklop van die landelike ekonomie en moet daarom vertroetel word. Sy department is egter die grootste bedreiging vir voedselsekerheid in Suid-Afrika deurdat verwarrende uitsprake, soos die adjunkminister s’n vanmiddag, onsekerheid by die boere skep. Dit is hoekom boere begin uitwyk na ander lande toe en Suid-Afrika gaan sy boere verloor as daar nie sekerheid kom oor grondhervorming nie. Dit is een van die belangrikste aspekte waaraan die minister aandag sal moet gee.”

Begrotingsposdebat: Landelike Ontwikkeling en Grondhervorming, Parlement – 7 Junie 2011

 

освещение для картинtopcargo отзывы

Stempatroon

Ontleders het weke na die landswye munisipale verkiesing nog nie eenstemmigheid oor hoekom kiesers hul kruisies gaan trek het soos hulle dit gedoen het nie.

Omtrent al wat duidelik is, is dat baie kiesers ‘n keuse uitgeoefen het wat hulle as pragmaties beskou, eerder as dat hulle vir hul eie beginsels gestem het. Dr. Pieter Mulder, leier van die Vryheidsfront Plus wys selfs daarop dat kiesers wat eintlik sy party steun, nou al ‘n tweede agtereenvolgende keer vir die DA gestem het, en nou ‘n tweede keer in hul keuses ontnugter is.

Dat kiesers, in hul eie oë, pragmaties anders stem as dit waarin hulle glo, blyk uit die ou grappie: ‘n Engelssprekende Suid-Afrikaner dink Prog, hy stem SAP en dank die Here die Nasionale Party is aan bewind.

Soms word mense deur ‘n euforie op sleeptou geneem. Die storie word vertel van ‘n Jood wat ook, voor die oorlog, na ‘n toespraak van Hitler gaan luister het. Hitler het die skare so opgesweep met sy “Onder met die Jode!” dat die Jood homself betrap het dat as die skare saam uitroep, hy self uitroep: “Onder met ons!” Dit herinner in ‘n mate aan bruin mense wat steeds ANC stem na Jimmy Manyi se uitsprake en die Kabinet se besluit om Manyi te rugsteun.

‘n Harde les wat partye geleer het, is dat kommunikasie uiters belangrik is. Die ganse mediabedryf het so verander dat nuusdekking nie sommer meer net gebeur nie. Dit moet kundig baie goed oorgedra word. ‘n Groot deel van die nuusbronne is nou gemeenskapsmedia – beide radiostasies en gemeenskapskoerante, wat feitlik volkome daarvan afhanklik is dat die inligting na hulle toe kom. Moderne tegnologie soos e-pos maak so iets moontlik. Tog is daar partye wat dié verskynsel heeltemal mis lees, en steeds verwag dat die media soos skoothondjies agter hulle sal aandraf.

Daar is verskeie redes waarom die afgelope verkiesing se stempatroon nie noodwendig op die volgende verkiesing oorgedra sal word nie. Munisipale verkiesings handel in die eerste plek oor dienslewering, en ideologie is veronderstel om ‘n kleiner rol te speel. Tog lyk dit of die kleiner partye wat steun ingeboet het, baie hard sal moet werk wanneer beginselpolitiek – kwessies soos ekonomiese beleid, die beleid oor aborsies en staatsdobbel, die hantering van buitelandse sake, en vele meer aan die bod kom.

Dit is egter ook duidelik dat die land nie die kapasiteit het om meer as ‘n honderd politieke partye te dra nie. Selfs in Nederland waar heelwat nispartye parlementêre en selfs Kabinetsverteenwoordiging het, is daar net ruimte vir ‘n sekere hoeveelheid. Die Groenes, die party vir dieregte, sosialiste, Christen-demokrate, regses en so meer steek almal kleims af.

Hoekom kan dit nie ook in Suid-Afrika nie? Veral omdat die land so ‘n groot Christenbevolking het?

Die ironie, so wys kommentators uit, is dat ten spyte van wisselende intensiteitspogings om keuses op sterkte van ras te beperk, dit steeds die hoofdrywer is. Trouens, dit was taamlik duidelik dat, toe die ANC besef hy is in die sop oor dienslewering, hy doelbewus weer die rassetamboer ingespan het.

En solank ras, eerder as beginsels, die norm vir stemkeuses is, het die land ‘n baie gebrekkige demokrasie.

липецк траверсыАлександр Фильчаков

Boere voed minister tot hy ‘vet en blink’ is

Gugile Nkwinti, minister van landelike ontwikkeling en grondhervorming, het Dinsdag in die parlement aangekondig dat die voorgenome Wetsontwerp op Grondbeskerming buitelandse grondbesit in Suid-Afrika sal reguleer.

Nkwinti se adjunk, mnr. Thembelani Nxesi het daarna gedreig dat grondbesettings ‘n “werklike gevaar” sal wees indien grondhervorming nie vinniger geskied nie. Hy het gesê plaaswerkers word reëlmatig onwettig van plase verdryf, vakbondlidmaatskap verbied en “selfs doodgemaak”.

Pieter Groenewald, VF+ se woordvoerder oor grondsake, het Nxesi se aantygings met minagting verwerp en gesê dit berus hoegenaamd nie op enige feite nie. Hy het bygevoeg dat Nkwinti se departement ‘n bedreiging vir voedselsekerheid inhou.

“Ek daag jou uit, bring vir my die statistieke van boere wat hul werkers vermoor en ek sal vir jou statistieke oor plaasmoorde gee. Jy moet jou feite regkry.”

Groenewald het gesê landelike ontwikkeling sonder kommersiële boere se hulp is wensdenkery. “Júlle skep onsekerheid, boere weet nie wat met hul grond gaan gebeur nie, daarom gaan boer hulle nou elders (in Afrika).”

Groenewald het Nkwinti sonder meer die waarheid kaalkop toegedeel: “Sonder kommersiële boere sal jou adjunk (Nxesi) nie so vet en blink hier kan sit nie.” Die LP’s het hardop gelag vir Groenewald se stelling.

Die departement het erken grondhervormingsprojekte het sedert 1994 op groot skaal misluk het. Tot R1,3 miljard sal oor die volgende drie jaar bestee word om boerderye wat deur swart boere oorgeneem is, reg te ruk.

бурениелобановский александр фото

Onderpresterende staatsamptenare moet jammer sê

Staatsamptenare wat nie hulle werk doen nie, moet in die openbaar om verskoning vra, het Richard Baloyi, minister vir die staatsdiens en administrasie, gesê.

“Ons wil weet waar ons misluk het en ons vra sake-ondernemings en akademici om hul ervarings met ons te deel,” het hy in Sandton gesê.

“Staatsamptenare is die toekoms van dienslewering en ons is bereid om te erken wanneer ons in fout is. Ons probeer om raad uit alle sektore in te win.”

Baloyi het gesê die regering is nie uitsluitlik verantwoordelik vir die sukses van staatsamptenare en dienslewering nie, maar burgers ook.

“Ons moet almal gelei word en ons het die motovering van almal nodig om die beloftes wat ons as die regering gemaak het, na te kom.”

жилет девочке 3 годаФильчаков