Dan Roodt, Author at praag.co.za

TLU SA beskou dreigemente in baie ernstige lig

Die dreigement deur die ANC-Jeugliga dat hulle plase wil beset en blanke boere se veiligheid in gedrang wil bring, word deur TLU SA in baie ernstige lig gesien. Wat die saak drasties vererger is die feit dat die land se president, die regering en die ANC se oorhoofse struktuur, waaronder die Jeugliga opereer, in al elf landstale hieroor swyg. Volgens TLU SA laat dit die indruk dat die regering hierdie uitsprake en uiteindelike aksies ondersteun.

TLU SA se president, mnr. Louis Meintjes, sê dit word duidelik dat die ANC en sy president, die Jeugliga gebruik om sy Nasionaal Demokratiese Revolusie (NDR) namens hom te bevorder en uit te voer. “Dit laat onwillekeurig die vraag ontstaan of die staat en sy polisiemag, die uiteindelike wil sal openbaar om boere te beskerm teen moontlike plaasbesetting, intimidasie en selfs lewensverlies aan boerekant, omdat dit die NDR sal frustreer”, sê mnr. Meintjes.

Mnr. Meintjes het die ANC en sy Jeugliga beskuldig van flagrante rassisme met hulle uitsprake oor plaasbesettings. “Dit is opmerklik dat hierdie soort rassisme telkens gebruik word om die ANC populêr te hou by sy ondersteuners en dit lyk of dit selfs ‘n noodsaaklike voedingsbron is vir sy voortbestaan en oorlewing.”

Die vraag wat nou ontstaan, is of dit nog enigsins sinvol is om ter wille van landbou se ontwikkeling, hoegenaamd betrokke te bly by regeringsaksies en regeringsforums ten einde landbou in Suid-Afrika te verbeter. “Ons begin die indruk kry dat ons daarbinne bedrieg word met mooipraatjies aan die een kant, maar buite daardie aksies en forums word ons gedreig en geïntimideer sonder dat die regering, wat binne die forums mooi broodjies bak, hierdie radikale en intimiderende uitsprake repudieer of daadkragtige aksies daarteen neem. Ons kan nie in so ‘n verhouding voortgaan nie, en TLU SA sal baie spoedig oor sy posisie hieromtrent besin,” sê mnr. Meintjes.

“Intussen is ons net so bekommerd oor die stilswye in die breër landbou-omgewing oor hierdie dreigemente en intimidasie. Dit word nou dringend dat daar oor hierdie saak sterk gesamentlike standpunt ingeneem word en daarom doen TLU SA ‘n beroep op elkeen wat ‘n belegging of belang in landbou het, om hulle stem dik te maak teen hierdie dreigende optrede op die Zimbabwe-model”, sê mnr. Meintjes.

“Ook die verbruiker sal moet opstaan. Indien die situasie ontstaan dat boere gedwing word om hulle eiendom te verdedig, gaan dit noodwendig daartoe lei dat boerderybedrywighede daaronder ly, en ‘n wesenlike gevaar van leë winkelrakke, soos in Zimbabwe, sal dan ontstaan.”

Indien enige plaasbesetting sou voorkom, of selfs net dreigemente daartoe, word grondbesitters gevra om onverwyld kontak met TLU SA te maak.

Spanning laai op tussen Nigerië en SA

Nigerië se nuwe regering onder leiding van president Goodluck Jonathan sê die grootte van die Suid-Afrikaanse ekonomie word oortref deur sy land s’n en daarom moet Nigerië by die wêreld se 20 grootste ekonomieë in 2020 inskakel.

Die Jonathan-administrasie het die land herposisioneer as ‘n ekonomiese reus in staat om ‘n dominante rol in Afrika se sake te speel.

Suid-Afrika is die enigste Afrikalid van die G20, en dit is ‘n steen des aanstoots vir die Nigeriërs.

Soos Nigerië, wil Suid-Afrika ook ‘n permanente setel in die Veiligheidsraad bekom.

In die afgelope maande, het Nigeriërs gekla oor Suid-Afrika wat oorheers in aspekte van die ekonomie, veral in telekommunikasie. Onlangs het ‘n Suid-Afrikaanse maatskappy hoë-profiel winkelsentrums geopen in Nigerië en verskeie Suid-Afrikaanse banke ondersoek geleenthede daar.

Volgens ‘n Suid-Afrikaanse diplomaat in die departement van internasionale betrekkinge en samewerking, haat Nigerië die feit dat baie hulpbehoewende Afrika-lande na Suid-Afrika hardloop wanneer hulle geld nodig het. Dit is iets wat Nigerië nie kan bekostig om voorsiening voor te maak nie.

In die afgelope twee maande het Suid-Afrika miljoene dollars in hulp en skenkings aan Somalië ($ 100-miljoen), Malawi ($ 35-miljoen) en die droogte-geteisterde lande in die Sahel-streek, soos Mauritanië, Mali, Burkina Faso , Niger en Tsjad geskenk (‘n totaal van $ 100 miljoen).

Immigrasie bly ‘n ander bron van spanning tussen die twee lande. Die onlangse deportasie van 125 Nigeriërs oor beweerde geelkoorsinentingsertifikate wat uitgebly het, het sake net vererger.

Die spanning tussen die twee lande is hoofsaaklik oor mededinging tussen wie op die vasteland ekonomies, polities, militêr die magtigste is.

Nigeriërs beny ons senior posisies en lidmaatskap in multilaterale instellings soos die Brics [Brasilië, Rusland, Indië, China, Suid-Afrika], IBSA [Indië, Brasilië, Suid-Afrika], die G20, die Onverbonde Beweging en die Verenigde Nasies se Veiligheidsraad. Nigerië is nêrens wat dit aanbetref nie.

Nigerië het nie ‘n stabiele regering nie, die ekonomie is nie uiteenlopend nie, en het ‘n gebrek aan finansiële instellings. Korrupsie is algemeen en terrorisme is buite beheer. Die spanning tussen Moslems en Christene maak dit ‘n uitdaging vir enigiemand om sake te doen.

Oproermakers én polisie vas vir onrus

Twee mense is Donderdag in hegtenis geneem toe ‘n diensleweringsbetoging in Booysens Park, Port Elizabeth, gewelddadig geraak het, het die polisie in die Oos-Kaap gesê.

Volgens ao. Alwin Labans het die betoging omstreeks 12:00 begin.

“Betogers het die kantoor van ‘n plaaslike raadslid afgebrand, terwyl paaie met klippe en pale afgesper is.”

Labans het gesê die situasie was teen Donderdagaand kalm en die polisie monitor die gebied.

Die twee wat in hegtenis geneem is, word aangekla van openbare geweld en sal binnekort in die hof verskyn, het hy gesê.

In Barberton is ‘n polisiekonstabel daarvan beskuldig dat hy ‘n gewelddadige betoging in die dorp begin het, het die polisie in Mpumalanga gesê. Borgtog is Donderdag aan hom toegestaan.

Konst. Melusi Muzikayise Manyisa (31) het saam met Alfred Mkhabela (32) in die Barberton-landdroshof verskyn, het sers. Gerald Sedibe gesê.

“Albei hierdie mans word aangekla van openbare geweld, brandstigting en intimidasie. Die saak is uitgestel tot 6 Augustus,” het hy gesê.

Sedibe het gesê hulle was na bewering deel van ‘n groep betogers wat ‘n satelliet-polisiekantoor en munisipale geboue Maandag aan die brand gesteek het. Manyisa was in dié stadium van diens af.

Sedibe het gesê die betoging het Maandagoggend begin. Die polisie het traangas gebruik toe betogers winkels wat aan buitelanders behoort begin plunder het.

“Betogers het geëis dat die voorgestelde Mpumalanga Universiteit, wat volgens gerugte in Witrivier gebou sal word, in Barberton gebou moet word.”

Hy het gesê Manyisa sal ook intern deur die polisie ondersoek word.

Zuma waarsku dat Bloemfontein waterskeiding sal wees

Die ANC se Mangaung-konferensie in Desember in Bloemfontein sal ‘n waterskeiding-konferensie vir die party wees, het president Jacob Zuma Donderdag gesê.

“Mangaung moet Suid-Afrika vorentoe neem,” het Zuma aan afgevaardigdes by die ANC se Noord-Kaapse verkiesingskonferensie in Upington gesê.

Hy het gesê die ANC, sy ligas en die alliansie moet konsolideer en die nasionale demokratiese rewolusie uitdra by Mangaung en by die nasionale beleidskonferensie, wat van 26 tot 29 Junie plaasvind.

Hy het gesê Suid-Afrika en die ANC is op die punt van ‘n tweede oorgang vir die land, wat die 2012 nasionale konferensies meer belangrik as gewoonlik maak: hulle moet die toekoms vorm.

“Ons benader Mangaung met dieselfde gees as met ander mylpaal-konferensies in die verlede – waterskeiding-konferensies.”

Zuma, wat ook president van die ANC is, het afgevaardigdes gevra om die party se beleidsrigtings te bespreek en om betekenisvolle bydrae te lewer by die opkomende nasionale beleidskonferensie.

Zuma het lede gevra om die konferensie te gebruik om die ANC sterker te maak.

Hy het die belangrikheid van provinsiale konferensies bespreek en gesê daar was ‘n kultuur vir partylede om eers hul leiers te verkies en dan konferensies te hou.

Hy het gesê dit is belangriker dat provinsiale konferensies eers oor programme besluit, dan resolusies maak en dan leiers verkies wat dié programme kan laat realiseer.

Hy het gesê die ANC moet leiers op meriete verkies.

“Hulle is absoluut belangrik om ons te lei, die ANC, die organisasie van kamerade, nie van vriende nie.”

Zuma het gesê die ANC behoort aan almal in Suid-Afrika en nie net aan ‘n paar mense nie.

“Die ANC het nog altyd baklei vir die nasionale belang, nie vir die minderheid nie.”

Die konferensie eindig Sondag.

topcargo отзывы

Verhoudings belangrik sê Agri SA

‘n Simbiotiese verhouding tussen gevestigde en nuwe kommersiële boere en kleinskaalse boere is noodsaaklik vir ‘n suksesvolle model van grondhervorming, het Agri SA se president Johannes Möller, Donderdag gesê.

Hy het gepraat by ‘n vergadering van die Wêreld Landbouersorganisasie in Rome.

Die ontwikkeling van so ‘n verhouding, wat beide ‘n mentorskap en sake insluit, sal volhoubare voedselproduksie en optimale benutting van hulpbronne waarborg.

‘n Verwagting bestaan dat Afrika-lande plaaslike en internasionale voedselproduksie aansienlik kan verhoog soos die wêreld se bevolking groei, het Möller gesê.

“Die bewese kundigheid en die kritieke massa van ‘n groot aantal van gevestigde kommersiële boere is ‘n onontbeerlike bate vir Suid-Afrika,” het hy gesê.

Dit kan nuwe inkomelinge se sukseskoerse verbeter binne die landbou-sektor, en tot ‘n beperkte mate, elders in Afrika.

Dinsdag, het die ANC-Jeugliga se adjunk-president Ronald Lamola gesê die Grondwet moet verander word om die onteiening van grond toe te laat sonder vergoeding.

“Al ons probleme daar lê opgesluit in artikel 25 van die Grondwet,” het Lamola aan verslaggewers gesê in Pretoria.

Die ANC-jeugliga het gesê ‘n “minister van grond onteiening sonder vergoeding” sal aangestel moet word.

Artikel 25 van die Grondwet verwys na eiendom en stel voorwaardes vir die onteiening van grond en vergoeding.

Lamola het gesê dat die ANC nie om verskoning moet vra vir die wysiging van die Grondwet nie – wat ‘n twee-derde meerderheid in die Parlement vereis.

“Die ANC moet artikel 25 wysig sonder om verskoning te vra aan ‘n belegger of iemand …. Die ANC moet sy eie grondwet wysig wanneer hy dit nodig ag,” het hy gesê.

Delmas: DA se plan sal landelike veiligheid waarborg

Die verhoor van twee swartes wat daarvan beskuldig word dat hulle ‘n versorger en ‘n vyf maande oue baba vermoor het, is Donderdag in die Delmas-landdroshof uitgestel, het die polisie in Mpumalanga gesê.

“Die saak is tot volgende Donderdag (14 Junie) uitgestel vir ‘n formele borgtogaansoek,” het lt. kol. Leonard Hlathi gesê.

Enock Mbele (44) en Lazarus Mabhena (54) het vroeër om borgtog aansoek gedoen, maar dit is geweier, aangesien verdere ondersoek gedoen moes word.

Magrietha de Goede (66) en die baba is op 23 Mei in haar huis gevind, waar hulle verwurg is. De Goede se lyk is onder ‘n mat in ‘n buitekamer gevind. Die baba is onder ‘n bed in die huis gevind.

Die DA het Donderdag buite die hof betoog en gevra vir ‘n grens- en landelike veiligheid-divisie binne die polisie.

Mmusi Maimane, DA-woordvoerder, het in ‘n verklaring gesê hy en die party se leier in Mpumalanga, Anthony Benadie, het die betoging buite die hof gelei toe die twee mans verskyn het.

“Die DA se beleid oor landelike veiligheid, wat Donderdag aan President Jacob Zuma gestuur is, is ‘n bloudruk om die veiligheid van alle landelike Suid-Afrikaners te verseker.”

Die beleid vra vir die gespesialiseerde divisie, ‘n landelike intelligensiesentrum om kriminele aktiwiteit te monitor, landelike reaksie-eenhede om op misdade te reageer en ondersteuning vir polisiereserviste en gemeenskapspolisiëringsforums.

“Hierdie landelike veiligheid-divisie sal landelike Suid-Afrikaners bemagtig om hulself te beskerm. Dit sal ‘n netwerk van samewerking in gemeenskappe in landelike dorpe en op plase skep,” het Maimane gesê.

Delmas-dominee se drogredenasie

Diegene wie nog nie Ds. Gawie Snyman van NG-kerk Delmas-Wes se ope brief aan Beeld onder oë gehad het nie – lees gerus onderstaande antwoord van Paul Kruger in reaksie daarop. Dit is aan Beeld gestuur, maar uiteraard nie geplaas nie.

As ‘n organiseerder van die protesoptog in Delmas, kan ek Ds. Snyman verseker dat hy besig is om polarisasie te vererger met sy aandrang op ‘n verskoning van ons kant af. Ek het op Delmas grootgeword voor sy geboorte; en om ‘n protesoptog daar (soos op enige ander plek) te reël, vereis die Wet die betrokke munisipaliteit se toestemming – nie een of ander “gemeenskapsleier” s’n nie. Net so hoef niemand hom ekskuus te vra oor sy “mooi droom van ‘n Delmas waar regverdigheid en geregtigheid heers, nou vertrap is nie” – so-iets bestaan bloot nêrens in Suid-Afrika nie. Dis onder andere die rede waarom soveel van ons nie langer deel van hierdie staat wil wees nie, maar selfbeskikking eis – soos weer in die Delmas Memorandum.

En as dit “verregs” van ‘n volk is om homself in ‘n eie staat te wil regeer, dan bestaan die grootste deel van die ganse mensdom op aarde uit “verregses” – van die Iere in die Weste tot die Japanners in die Ooste. Gepraat van die Iere: Ook in hulle geval is ‘n klomp nog altyd tevrede gewees om onder Engelse gesag te bly, en ‘n ander klomp wat hulleself wou regeer. Daarom is daar twee “Ierlande”; nadat hierdie groepe met veel onderlinge bloedvergieting moes leer om nie in mekaar se pad te probeer staan nie.

Daarom vra ons die dominee mooi: As jy gelukkig is met die land soos hy is, gun ons jou dit. Maar jy en ander witmense moet begin verstaan dat ons nie weens julle standpunt ook vasgevang moet bly in die siek gemors wat Suid-Afrika geword het nie. Los ons om hierdie saak met die Regering uit te maak. En moenie by ons kom met jou drogredenasie dat Christene veronderstel is om hierdie siek staat te verduur ter wille van “vergifnis en versoening” nie. Gaan lees jou hele Bybel.

Paul Kruger, VVK.

Ds. Snyman se brief aan Beeld:

As ‘n trotse inwoner van Delmas wat as predikant ten nouste betrokke is by die lief en leed van die inwoners, wil ek my misnoeë uitspreek oor die optrede van verregse groepe waaroor Beeld Vrydag berig het.

Ons gemeente verstaan saam met die ander gemeentes in Delmas die evangelie as ‘n boodskap van vergifnis en versoening.

Ons werk deur verskeie projekte, aksies en verhoudingbou saam om God se koninkryk gestalte te laat kry in Delmas.

Ons droom van ‘n Delmas waar regverdigheid en geregtigheid heers en verskillende groepe mekaar respekteer en lewensruimte gun.

Die groep wat Donderdag opgeruk het Delmas toe het ‘n mooi droom kom vertrap met hul arrogante, selfaanmatigende en rassistiese optrede.

Die verregse groepe het sonder om gemeenskapsleiers in die saak te ken, op ons dorp opgedaag en ‘n aksie geloods waarmee bitter min inwoners van Delmas hul kon vereenselwig en waaraan omtrent geen van die plaaslike inwoners deelgeneem het nie.

Hulle het Delmas se beeld skade aangedoen en die feit dat ons hierdie gemeenskap regtig liefhet en ken, geminag.

Hulle het ‘n tragedie misbruik om rassistiese ideologieë te versprei.

Ek dink regtig hulle skuld die inwoners van Delmas ‘n verskoning.

Фільчаков прокурор

‘Swart’ Chinese stroom na SA

Die Hooggeregshof in Suid-Afrika het reeds in 2008 beslis dat Chinese Suid-Afrikaners geherklassifiseer kan word as swartmense.

Dit staan in skrille kontras met Chinese immigrantegemeenskappe in ander wêrelddele waar hulle verkies om in hul eie woongebiede te leef, eie kos te eet, en eie dienste te gebruik – die sogenaamde “Chinatowns”.

Dié besluit is dus geneem sodat etniese Chinese kan voordeel trek uit die regering se beleid wat daarop gemik is om die beëindiging van wit oorheersing in die privaatsektor mee te bring.

Sedertdien stroom Chinese na Suid-Afrika, ook uit arm provinsies van China. Navorsers meen die perlemoensluikhandel en ander bendebedrywighede word deur hierdie immigrante gedryf.

Die Chinese Vereniging van Suid-Afrika het die regering hof toe geneem omdat daar glo teen sy lede gediskrimineer is.

‘n Beraamde 800,000 etniese Chinese woon tans in Suid-Afrika. Daar is selfs aanduidings dat die getal al ‘n miljoen oorskry. Tien jaar gelede was dit ongeveer 200 000 mense.

Die groeiende ekonomiese bande tussen China en Suid-Afrika gee aanleiding tot die verhoogde immigrasie, sê kenners.

Daar word hoofsaaklik tussen drie hoofgroepe onderskei, naamlik dié van voor 2000, die Taiwanese en Chinese van die Volksrepubliek van China. Daar is enorme wedywering en vyandigheid tussen die onderlinge groepe.

Tussen die Kantonese en die Hakkagroep is daar byvoorbeeld etniese sowel as taalverskille. Hulle is egter deur apartheid gedwing om saam te woon.

Die vereniging het gesê hul lede het dikwels nie gekwalifiseer vir kontrakte en werkpromosies nie, want hulle was beskou as nie-blankes.

Die vereniging het gesê dat Chinese Suid-Afrikaners wydverspreide diskriminasie het die gesig gestaar het tydens die jare van apartheid toe hulle geklassifiseer is as mense van gemengde ras.

Breëbasis-Ekonomiese Bemagtiging en die Wet op Diensbillikheid is ontwerp om die “nalatenskap van apartheid” uit te wis wat het baie swart mense glo verarm.

Die ekonomiese voordele vir ander rassegroepe wat die wetgewing wil bewerkstellig, is egter nie voelbaar in die land waar slegs die swart politieke elite ryk word nie.

Die hofbeslissing oor “swartheid” het volgens prof. Yoon Jung Park, wat Chinese migrasiepatrone bestudeer, aanleiding gegee daartoe dat Suid-Afrika toegelaat is as lidland van Brics.

ANC verwerp Jeugliga se grondaanspraak

Die ANC sal nie met die Jeugliga in gesprek tree oor die kwessie van grondhervorming nie, het Gwede Mantashe, sekretaris-generaal van die ANC, Woensdag gesê.

“Dit sal nie nuttig wees om by gewelddadige polemiek betrokke te raak met die ANC-Jeugliga in die aanloop tot die ANC-beleidskonferensie nie. Die konferensie sal grondhervorming in detail aanspreek,” het hy gesê.

“Dit is nie die ANC se beleid om grond sonder vergoeding te onteien nie en persoonlik dink ek nie dit sal werk nie,” het hy gesê.

Mantashe het gepraat by ‘n vergadering tussen die ANC en Suid-Afrikaanse boere in Morningside, Johannesburg.

Hy het gesê die party is in gesprek met beide kommersiële en opkomende boere om te help om ‘n suksesvolle landbou-omgewing in die land te skep.

“Grondverdeling [aan opkomende boere wat aanspraak maak op grond] moet saamgaan met dinge soos voedselvervaardiging en voedselsekuriteit.”

Mantashe is by die vergadering vergesel deur die minister van polisie, Nathi Mthethwa. Hy het gesê die kwessie van boere se veiligheid is “sydelings bespreek” tydens die vergadering.

Die TLU en Afriforum het Woensdag aangekondig dat hulle beplan om klagtes in te dien teen Ronald Lamola, adjunkpresident van die ANC-Jeugliga, oor opmerkings wat hy gemaak het oor grondhervorming.

Lamola het Dinsdag gesê die Grondwet moet aangepas word om voorsiening te maak vir die onteiening van grond sonder vergoeding.

Hy het gewaarsku dat indien wit Suid-Afrikaners nie grond aan arm swart mense oorhandig nie, daar grondbesettings kan wees soos in Zimbabwe.

Magdalene Moonsamy, woordvoerder van die ANC-Jeugliga, het gesê die groepe moet “gereedmaak vir die stryd van hul lewens”.

“Ons verwelkom hierdie stryd en ons sal nie terugval nie. Ons dring daarop aan dat hierdie kwessie van grond nie onderhandel kan word nie en ons sal in geen stadium terugdeins nie,” het sy gesê.

Mantashe het gesê hy verkies om nie na ‘n video van AfriForum te kyk nie. Daarin word Suid-Afrikaners gevra om op te staan teen sekere ANC-beleidsrigtings, spesifiek oor grondeienaarskap.

“Ek het ‘n probleem met Afriforum. Hulle is soos Mynwerkersunie – ‘n rassistiese organisasie. Ek het geen behoefte om daarna te kyk nie. Ek sal slegs verras wees as hulle [Afriforum] iets anders doen.”

Die video, getiteld ANC, the conmen, beweer dat die ANC beplan om fundamentele veranderinge aan die grondwet te maak, wat die reg op die private besit van grond sal verwyder.

Die SABC het geweier om die video as ‘n betaalde advertensie te vertoon.

Help ons om dié persoon op te spoor

Ken u dalk hierdie persoon of weet waar hy hom bevind?

Die polisie soek hom in verband met die moorde op ‘n dagmoeder en baba onlangs in Delmas. Sy naam is Themba Ephraim Mahlangu – redelik lank, groot gebou, 28 jaar oud maar lyk ouer.

Enigiemand met inligting kan vir kapt. Jacobs by 082 370 0899 skakel.